საქართველოში კატერპილარის ოფიციალურ დილერ კომპანია ბორუსან კატსა და სამშენებლო კომპანია ‘გუიჯოუ ჰაივეი ენჯინიარინგ გრუფ კოს’ შორის მეგობრობა თანამშრომლობის მეორე წელს ითვლის. ‘გუიჯოუ ჰაივეი ენჯინიარინგ გრუფ კომ’ 2020 წლიდან დღემდე არაერთი კატის ბრენდის საგზაო-სამშენებლო ტექნიკა შეიძინა ბორუსან კატისგან, რომელთა მეშვეობითაც დღეს ხორციელდება ქვეყნის მასშტაბით სტრატეგიული მნიშვნელობის მსხვილი ინფრასტრუქტურული პროექტი.
ამჟამად აქტიური მუშაობა მიმდინარეობს აღმოსავლეთ და დასავლეთ საქართველოს დამაკავშირებელ ავტომაგისტრალზე, კერძოდ კი შორაპანი-არგვეთას მონაკვეთზე, სადაც აქტიურად მუშაობს ‘გუიჯოუ ჰაივეი ენჯინიარინგ გრუფ კოს’ ახლადშეძენილი კატის ბრენდის ახალი თაობის ექსკავატორები. საპროექტო გზა შეადგენს 14.7 კილომეტრს, რომლის დასრულებაც 2023 წლის 20 ოქტომბრისთვის იგეგმება. ხევების, მდინარეების და სხვა სახის დაბრკოლებების გადალახვის მიზნით გათვალისწინებულია 6 გვირაბის და 14 ხიდის მშენებლობა.
„უკანასკნელი რამდენიმე წლის განმავლობაში მკვეთრად გავზარდეთ გაყიდვები სწორედ იმ ინფრასტრუქტურული პროექტების მიმართულებით, რომლებიც გულისხმობს როგორც ცენტრალური ავტომაგისტრალის სამუშაოებს, ასევე ხიდებისა და გვირაბების მშენებლობას. ხელსაყრელი პირობების შესაქმნელად ჩვენს მომხმარებლებს აქტიურად ვთავაზობთ მოქნილ და მათზე მორგებულ სალიზინგო გადახდის პირობებსაც“ - აცხადებს ზურაბ ტალახაძე, კომპანია ბორუსან კატის საგზაო-სამშენებლო ტექნიკის გაყიდვების წარმომადგენელი.
ბორუსან კატი საქართველოს ბაზარზე 25 წლამდე გამოცდილებას ითვლის და საგზაო-სამშენებლო ტექნიკის გარდა მომხმარებელს სთავაზობს კატის დიზელისა და გაზის გენერატორებს, ავტორიზებულ სერვისს და სათადარიგო ნაწილებს. მის ოფისებს მომხმარებელს შეუძლია ეწვიოს თბილისში: კახეთის გზატკეცილის 118 ნომერში და ქართულ-ამერიკული მეგობრობის გამზირის 13 ნომერში. ხოლო ქალაქ ბათუმში ფრიდონ ხალვაშის გამზ. 103ა ნომერში. დამატებითი ინფორმაციის მისაღებად კი დარეკოთ ნომერზე: 032 2 222 522.
(R)