Microsoft-ის დამფუძნებელი მილიარდერი ბილ გეითსი აშშ-ს COVID-19 ის წინააღმდეგ უფრო მკაცრი ქმედებებისკენ მოუწოდებს.მან მთავრობას ჯერ კიდევ მოქმედი დაწესებულებების დახურვისკენ მოუწოდა, რადგანაც ვირუსით დაინფიცირებულთა რიცხვი უკვე 200 000-ია.
მსოფლიოს მეორე უმდიდრესი ადამიანი აშშს-ს ხელისუფლების კრიტიკოსი Covid-19-ის გავრცელებისთანვე გახდა. მიზეზი მათი გვიანი რეაგირებაა. ბიზნესმენი ყველა დაწესებულებისთვის მუშაობის აკრძალვას მოითხოვს - „ასე შეგვიძლია ავანაზღაუროთ დრო, რომელიც COVID 19 ის წინააღმდეგ დაგვიანებული რეაქციით დავკარგეთ.
ბილ გეითსმა სამი ნაბიჯი დაასახელა, რითაც ქვეყანა ამ კრიზისთან გამკლავებას შეძლებს: საყოველთო კარანტინი, სრული სამედიცინო შემოწმება და საფუძვლიანი მიდგომა ვაქცინის შემუშავებისადმი. 64 წლის ბილ გეითსი წერს რომ, ზოგიერთი შტატი და ოლქი არ დახურულა. რამდენიმე შტატში სანაპიროები ჯერ კიდევ ღიაა და რესტორნები კვლავაც იღებენ სტუმრებს. „ეს კატასტროდის რეცეპტია. ხალხს შეუძლია თავისუფლად იმოძრაოს შტატიდან შტატში, ისევე როგორც ვირუსს. ქვეყნის ლიდერები უფრო კონკრეტულები უნდა იყვნენ : დახურვა ყველგან უნდა ნიშნავდეს სრულ საგანგებო მდგომარეობას.
მან მთავრობას სამედიცინო კუთხით მეტი აქტიურობისკენ და სხვადასხვა კომპანიებთან თანამშრომლობისკენ მოუწოდა.
გეითსმა რამდენიმე კვირის წინ TED კონფერენციაზე განაცხადა რომ აშშ-ს იზოლაციის მინიმუმ 10 კვირა სჭირდება იმისთვის, რომ ვირუსის გავრცელება ისევე როგორც სიკვდილიანობა და ქვეყნის ეკონომიკური ზიანი მინიმუმამდე დაიყვანოს,
„სანამ დაავადებულთა რიცხვი შემცირებას არ დაიწყებს 10 კვირაზე მეტი დროა საჭირო, ბიზნესი გაჩერდეს, სხვა შემთხვევაში მოდუნებას ვერავინ შეძლებს“ - განაცხადა მილიარდელმა.
Forbes.com
მოამზადა მარიამ მორგოშიამ