რეგიონებში მოსახლეობის გაუმჯობესებული წყალმომარაგებისთვის გაერთიანებული წყალმომარაგების კომპანია პროექტების განხორციელებას აქტიურად განაგრძობს. ინფორმაციას წყალმომარაგების კომპანია ავრცელებს.
„ამჯერად, კომპანიამ კასპისა და ქარელის წყალმომარაგების სისტემების რეაბილიტაციისთვის ტენდერი გამოაცხადა.
პროექტს სახელმწიფო ბიუჯეტიდან 4 მილიონ ლარზე მეტი მოხმარდება.
კლიმატური პირობებიდან გამომდინარე რეგიონში საგრძნობლად შემცირებულია წყლის დებიტი, რის შედეგად მოსახლეობას წყალი შეზღუდულად მიეწოდება. გარდა ამისა, დაზიანებულია მილები და ხშირია წყლის დანაკარგები.
პროექტის ფარგლებში დაგეგმილია წყალმომარაგების ქსელების, მაგისტრალების, სათავე ნაგებობების, სატუმბო სადგურის, რეზერვუარისა და კორპუსების შიდა გაყვანილობის მოწყობა.
სამუშაოების დასრულების შემდეგ ქარელისა და კასპის მოსახლოება ,ჯამში 20 ათასზე მეტი ადამიანი გაუმჯებესებული, ხარისხიანი წყალმომარაგებით ისარგებლებს“–ნათქვამია ინფორმაციაში.