კასპის ტექნოპარკში პროექტის „გააციფრულე საქართველო“ - შემაჯამებელი ღონისძიება გაიმართა

კასპის ტექნოპარკში პროექტის „გააციფრულე საქართველო“ - შემაჯამებელი ღონისძიება გაიმართა

access_time2021-07-15 14:11:30

კასპის ტექნოპარკში პროექტის „გააციფრულე საქართველოს“ პირველი შემაჯამებელი ღონისძიება გაიმართა. პროექტის მიზანია Google-ის ციფრული ხელსაწყოების გამოყენებით ხელი შეუწყოს საქართველოს რეგიონებში ტურიზმის განვითარებას. პროექტს ახორციელებს აიპ „აი“, USAID/Zrda-ს ფინანსური მხარდაჭერით, საქართველოს ინოვაციების და ტექნოლოგიების სააგენტოსთან და ტურიზმის ეროვნულ ადმინისტრაციასთან ერთად.


მილიონობით ადამიანი ენდობა Google Maps ყოველდღიურად. ეს არის პლატფორმა, სადაც იგეგმება ტურიზმი. საქართველოში კი უამრავი ადგილია ისეთი, რომელიც არ არის დატანილი მასზე, დატანილია შეცდომით, ან არ მოიცავს შესაბამის ინფორმაციას, რამაც უნდა უბიძგოს დაინტერესებულ პირს ვიზიტისკენ. გარდა ამისა, ხშირად ვხვდებით ცრუ და უსარგებლო ინფორმაციას, რაც არამხოლოდ აბნევს მოგზაურს, არამედ აზიანებს ეროვნულ ინტერესებსაც.


გამოწვევის საპასუხოდ, Google-მა საქართველოს მთავრობასთან თანამშრომლობით, Google for Tourism Campaign-ის ფარგლებში გადაამზადა 30-მდე ახალგაზრდა. მათგან შეირჩა 12 ციფრული მოხალისე, რომლებიც ჩაერთნენ ,,გააციფრულე საქართველოს“ პროექტში და იმოგზაურეს საქართველოს მასშტაბით, რათა გადაეცათ თავიანთი ცოდნა ადგილობრივი ახალგაზრდებისთვის, ტურიზმის, საჯარო და არასამთავრობო სექტორის წარმომადგენლებისთვის.



პროექტის ფარგლებში, საქართველოს 17 მუნიციპალიტეტში (კასპი, გორი, ხაშური, დუშეთი, ზუგდიდი, წალენჯიხა, ახალციხე, ნინოწმინდა, ახალქალაქი, ასპინძა, ადიგენი, ბორჯომი, მარნეული, ბოლნისი, წალკა, ახმეტა) მოეწყო ციფრული მისიები, რომელიც მოიცავდა ტრენინგებს და საფეხმავლო ტურებს, რომელშიც 300-მდე ციფრული მისიონერი ჩაერთო. მათი დახმარებით მოხდა ადგილობრივი ბიზნესებისა და ღირსშესანიშნაობების გაციფრულება (დატანა, კორექტირება, აღწერა, დასურათება Google-ის რუკებზე; Google My Businesses გამართვა და საკუთარი ვებგვერდების შექმნა საოჯახო სასტუმროებისთვის და კვების ობიექტებისთვის.).


ციფრული მისიების შემდგომ კი ციფრული მისიონერები ჩაერთვნენ მხარდამჭერ პროგრამაში, რათა მუდმივად ჰქონდეთ წვდომა ციფრულ მოხალისეებთან და მიიღონ მათგან საჭირო დახმარება. საუკეთესო შედეგების მქონე ციფრული მისიონერები კი (ვინც ამ ზაფხულს ყველაზე მეტ ადგილს გააციფრულებს) სამახსოვრო პრიზებით დაჯილდოვდებიან.


(NS)





რატომ ღირს საკმეველი და მირონი ასე ძვირი

რატომ ღირს საკმეველი და მირონი ასე ძვირი
access_time2021-12-04 11:00:24
საკმეველი და მირონი მთელ მსოფლიოში ერთ-ერთ ყველაზე ძვირად ღირებული და ძვირფასი ნედლეულია. მხოლოდ რომის კათოლიკური ეკლესია წელიწადში დაახლოებით 50 ტონა საკმეველს იყენებს. საკმევლის...

ჩინეთი და რუსეთი ამერიკას კოსმოსში ებრძვიან

ჩინეთი და რუსეთი ამერიკას კოსმოსში ებრძვიან
access_time2021-12-04 15:00:08
როდესაც რუსეთი რაკეტის დარტყმით ანადგურებს კოსმოსში განლაგებულ თანამგზავრს, ან ჩინეთი ახალ ზებგერით რაკეტას ცდის, შეიარაღებათა რბოლა, რომელიც მიმდინარეობს დედამიწის ორბიტაზე, მას-მედიაში ახალი ამბების თემა ხდება, თუმცა, ამ აშკარა ფაქტების და ფართო საზოგადოების ყურადღების მიღმა, აშშ და მისი მოწინააღმდეგეები ერთმანეთს კოსმოსში ყოველდღიურად ებრძვიან. სანამ ვაშინგტონის ოფიციალური პირები და ექსპერტები გაზრდილ საფრთხეებზე საუბრობენ, მოწინააღმდეგეები ამერიკულ თანამგზავრებს თითქმის ყოველდღე...

რა გეკუთვნით სახელმწიფოსგან, როგორც ორსულს

რა გეკუთვნით სახელმწიფოსგან, როგორც ორსულს
access_time2021-12-04 12:00:27
...

Brexit-ის შედეგები გაერთიანებულ სამეფოში

Brexit-ის შედეგები გაერთიანებულ სამეფოში
access_time2021-12-04 17:00:24
...

რა გვიჯდება ბიუროკრატიის შენახვა

რა გვიჯდება ბიუროკრატიის შენახვა
access_time2021-12-04 16:00:11
...


მსგავსი სიახლეები

up