ბილ გეითსი ყოველწლიურ ტრადიციას განაგრძობს და მის პირად ბლოგზე ხუთ წიგნს აქვეყნებს, რომელსაც რეკომენდაციას უწევს.
„საზიზღარი წელი“ - ასე დაასათაურა მილიარდერმა 2020 წელი და ყველას მოუწოდა, რომ პანდემიურ ყოფას კარგი წიგნები დაუპირისპირონ. საიტერესოა, რას კითხულობს მსოფლიოს ერთ-ერთი ყველაზე “ჭკვიანი ტვინი?“
“ვისაც რთულ პერიოდებში გვიყვარს კითხვა, მივმართავთ სხვადასხვა სახის წიგნს. წელს, ვეცადე უფრო ღრმად ჩავწვდომოდი რთულ თემებს, მაგალითად, უსამართლობას, რის გამოც “black lives matter“ გახდა აქტიური. ხანდახან ტემპის შეცვლა მჭირდებოდა. საბოლოო ჯამში, წლის კარგ ნოტაზე დასრულებისთვის, ეს წიგნები შევარჩიე“ - ამბობს გეითსი.
გეითსის მხატვრული ლიტერატურის ყველა არჩევანი ფოკუსირებულია მეცნიერებაზე, სისტემურ რასიზმზე და იმაზე, თუ რა სახის გამოწვევების წინაშე დადგება კაცობრიობა 2021 წელს.
ახალი ჯიმ კროუ: მასობრივი პატიმრობა დალტონიზმის ხანაში - ავტორი მიშელ ალექსანდრე.
”ჩვენ გვჭირდება უფრო სამართლიანი მიდგომა სასჯელის შეფარდებისადმი და მეტი ინვესტიცია ფერად საზოგადოებაში.”- აფასებს ბილ გეითსი.
დიაპაზონი: რატომ გაიმარჯვებენ უნივერსალები სპეციალიზებულ სამყაროში - ავტორი დევიდ ეპშტეინი.
TedX– ის 2014 წლის მოხსენებიდან გამომდინარე, ეპშტეინი ავრცელებს თავის არგუმენტს, რომ მსოფლიოში არსებული დარგის სპეციალისტების უმრავლესობა დაჩაგრულია. სინამდვილეში, ბევრად წარმატებულია ადამიანი, რომელსაც ბევრი გამოცდილება აქვს სხვადასხვა სფეროში.
გეითსის თქმით, შეიძლება მკითხველმა აღნიშნოს, რომ სპეციალისტების მიმართ ეპშტეინი ძალიან კრიტიკულია, მაგრამ "თუ თქვენ დაინტერესებული ხართ ჰიპერ სპეციალიზებული სფეროთი, როგორიცაა მოლეკულური ბიოლოგია ან კვანტური ფიზიკა, სასწრაფოდ ისწავლეთ, რადგან სხვა საგნების შესწავლას დრო სჭირდება".
ბრწყინვალება და სისაძაგლე: საგა ჩერჩილზე, ოჯახზე და დაუმორჩილებლობაზე ომის დროს - ავტორი ერიკ ლარსონი.
1940 -1941 წლების ინგლისზე ამ ისტორიულ მონათხრობში ყურადღება გამახვილებულია ნაცისტების მიერ, ღამით ლონდონის დაბომბვაზე, მეორე მსოფლიო ომის ყოფაზე. მიუხედავად იმისა, რომ მსოფლიო ომი პანდემიასთან კავშირში არ არის, გეითსმა წიგნი 2020 წლის შესაფერის გამოცემად შეაფასა.
ჯაშუში და მოღალატე: ცივი ომის უდიდესი ჯაშუშური ისტორია - ავტორი ბენ მაკინტაირი.
წიგნში აღწერილია კგბ-ს ოფიცერის, ოლეგ გორდიევსკის ორმაგი ჯაშუშური ცხოვრება, რომელმაც 1983 წელს საბჭოთა კავშირს ამერიკის წინააღმდეგ ბირთვული ომის წარმოებაში ხელი შეუშალა.
გეითსმა წიგნს „მომაჯადოებელი“ უწოდა.
სუნთქვა მარილიდან: მომაკვდინებელი გენეტიკური დაავადება, ახალი ერა მეცნიერებაში და პაციენტები და ოჯახები, რომლებმაც შეცვალეს მედიცინა - ავტორი ბიჯალ პ. ტრივედი.
კისტოზური ფიბროზის ეს „ნამდვილად ამაღელვებელი“ ისტორია მოგვითხრობს იმაზე, თუ როგორ მივყავართ სამეცნიერო ინოვაციებს სამედიცინო მიღწევებამდე.
„მაიკროსოფტის“ თანამშრომელმა გეითსს 1999 წელს ახალი CF წამლების განვითარებაში ინვესტიციის გაკეთების თხოვნით მიმართა და აუხსნა, რომ მის ორ შვილს ჰქონდა დაავადება. შიშობდა, რომ მათი დრო ამოიწურა. გეითსმა პროექტისთვის 20 მილიონი დოლარი გადაიხადა და ხელი შეუწყო ამ ძალიან ეფექტური მედიკამენტის წარმოებას. წიგნში აღწერილია პაციენტების გამოჯანმრთელების ამაღელვებელი მომენტები.
BPN.GE
ბილ გეითსი
