„კარგი რაც მოხდა კოვიდის დროს, ქართველებმა აღმოაჩინეს საქართველო, ისწავლეს საქართველოში დასვენება“

„კარგი რაც მოხდა კოვიდის დროს, ქართველებმა აღმოაჩინეს საქართველო, ისწავლეს საქართველოში დასვენება“

access_time2022-01-24 20:00:00

2021 წელი საქართველოს სასტუმროებმა დატვირთულობის 35%-იანი ნიშნულით დაამთავრეს - ამის შესახებ სასტუმროების ფედერაციის დამფუძნებელმა, შალვა ალავერდაშვილმა მედიაცენტრ ,,მთავარში“ გამართულ პრესკონფერენციაზე განაცხადა.



მისი თქმით, ივლისში საქართველოში იმდენი ტურისტი შემოვიდა, რომ სექტორმა მათი ჯეროვნად მომსახურება ვერ შეძლო.



„2021 წელის მაისიდან დაიწყო ჩვენი სექტორის აღდგენა და ამ დროს, დატვირთულობის კოეფიციენტი ავიდა 30%-მდე. ეს პირველი ბიძგი და სიხარული იყო გასული წლის, სრული სტაგნაციის ფონზე. ივნისმა უკვე 45-50% დატვირთვა აჩვენა, ივლისში კი, იმდენი სტუმარი შემოვიდა ქვეყანაში, რომ გაჩერებულმა სექტორმა ვერ მოახერხა მათი ჯეროვნად მომსახურება, რადგან ამ პერიოდამდე ჩვენ არ ველოდით ასეთი რაოდენობით სტუმრების შემოსვლას და პერსონალის თითქმის 40%-ით მოგვიხდა მათი მომსახურება. ამან კი, საკმაოდ ცუდი კომენტარები გამოიწვია, რომ საქართველოში მომსახურეობის დონე დაბალია. ამის მთავარი მიზეზი იყო ის, რომ ამ დროისათვის პერსონალის საკმაოდ დიდი ნაწილი არ გვენდობოდა და ჩვენთან არ დაბრუნდნენ.




აღსანიშნავია ისიც, რომ საერთოდ შეიცვალა სტუმრების ხარისხი. ვიზიტორთა დიდი ნაწილი მოდის მაღალი კლასის სასტუმროებზე. 5-ვარსკვლავიან და ბრენდულ სასტუმროებზე მოთხოვნა გაიზარდა, რადგან აქ, უფრო დაცულად გრძნობენ ადამიანები თავს. 2019 წლამდე არსებული ტენდენცია, რომ არაბრენდულ და მცირე სასტუმროებში ვიზიტორი მეტი იყო, სრულად შეიცვალა. რეგიონებში კი, ყველაზე კარგი რაც მოხდა კოვიდის დროს, ქართველებმა აღმოაჩინეს საქართველო, ისწავლეს საქართველოში დასვენება. რეგიონების სასტუმროების 70% ქართველ მომხმარებელს მოემსახურა. ადრე, ნამდვილად არ გვქონდა ეს ტენდენცია, მხოლოდ დამსვენებლების 25-30% იყო ქართველო მომხმარებელი“, - განაცხადა ალავერდაშვილმა.



მისივე თქმით, სამთო კურორტებზე თებერვალში 55-60% დატვირთულობას ელოდებიან, დედაქალაქში კი გაზაფხულამდე მხოლოდ 35%-ს.



,,ახალი წლის პერიოდში 7-8 რიცხვამდე საკმაოდ დიდი დატვირთულობა იყო ოთხივე სამთო კურორტზე, შემდეგ კი დაცარიელდა. ეს დასვენების დღეების ჩავლასთან ერთად ომიკრონის გავრცელებამ და სათხილამურო ტრასების არასათანადო მდგომარეობამაც განაპირობა. 8 იანვრიდან დატვირთულობა 25%-ზე ჩამოვიდა, თუმცა 28 იანვრიდან ისევ შეინიშნება აქტივობა ჯავშნებზე. თებერვალში რეგიონებში 55-60% დატვირთულობას ველოდებით, თბილისში კი დაახლოებით 35%-ს. როგორც წესი, დედაქალაქში ეს პერიოდი ისედაც ხალვათი იყო სტუმრიანობით“, - განაცხადა ალავერდაშვილმა.



BPN.GE






„საიდუმლო ოთახი“ ხელოვნების სასახლეში 18 მაისიდან გაიხსნა – გიორგი კალანდია გადაცემაში „ბრენდი საქართველო“

„საიდუმლო ოთახი“ ხელოვნების სასახლეში 18 მაისიდან გაიხსნა – გიორგი კალანდია გადაცემაში „ბრენდი საქართველო“
access_time2022-05-18 18:30:34
18 მაისი მუზეუმების საერთაშორისო დღეა, მუზეუმების საერთაშორისო დღესთან დაკავშირებით ხელოვნების სასახლეში საინტერესო სიახლეებია დაგეგმილი, მათ შორის ერთ-ერთი ხელოვნების სასახლეში იმ „საიდუმლო ოთახის“ გახსნაა, რომელიც ლეგენდარული სიყვარულის ისტორიას უკავშირდება. სიყვარულის ისტორიაზე და საიდუმლო ოთახზე რადიო „კომერსანტის“ ეთერში ლევან კობერიძის საავტორო გადაცემაში „ბრენდი საქართველო“ ხელოვნების სასახლის გენერალურმა დირექტორმა გიორგი კალანდიამ ისაუბრა. ...

18 მაისი - ლარი თითქმის ყველა ვალუტასთან მიმართებით გამყარდა

18 მაისი - ლარი თითქმის ყველა ვალუტასთან მიმართებით გამყარდა
access_time2022-05-18 17:10:24
18 მაისი ვაჭრობის შედეგად ლარი აშშ დოლართან მიმართებით 2.12 თეთრით 2.9442-მდე გამყარდა. საერთაშორისო ვალუტებიდან ლარი ევროსთან 2.08 თეთრით 3.0973-მდე, ბრიტანულ ფუნტთან 4.23 თეთრით 3.6538-მდე, ლარი 100 რუსულ რუბლთან 3.48 თეთრით 4.5576-მდე, 10 უკრაინულ გრივნასთან 0.29 თეთრით 1.0014-მდე, 1000 სომხურ დრამთან კი 8.49 თეთრით 6.4031-მდე, თურქულ ლირასთან 0.25 თეთრით 0.1846-მდე, აზერბაიჯანულ მანათთან 1.23 თეთრით 1.7354-მდე გამყარდა.

რაიმე განსაკუთრებულის გაკეთების შესაძლებლობა არ გვაქვს - ფხაკაძე საწვავის ფასზე

რაიმე განსაკუთრებულის გაკეთების შესაძლებლობა არ გვაქვს - ფხაკაძე საწვავის ფასზე
access_time2022-05-18 16:25:08
საწვავზე საერთაშორისო ფასები რეკორდულად მაღალია, ამ სიტუაციაში რაიმე განსაკუთრებულის გაკეთების შესაძლებლობა არ გვაქვს, – ამის შესახებ „ვისოლ ჯგუფის“ პრეზიდენტმა, სოსო ფხაკაძემ მთავრობის ეკონომიკურ გუნდთან გამართული შეხვედრის შემდეგ განაცხადა. სოსო ფხაკაძის თქმით, ამ ეტაპზე, ფასების შემცირების რესურსი არ არსებობს.   „დღეს არის არაორდინალური ვითარება ომის გამო. დაახლოებით ერთი თვის წინ იყო ისეთი პროცესი, სამშვიდობო მოლაპარაკებები მიმდინარეობდა რუსეთ-უკრაინას შორის ასევე...

ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი გახდა

ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
access_time2022-05-18 14:55:01
ავსტრიის განვითარების თანამშრომლობის (ADC) დაფინანსებით, საქართველოში დაიწყო მასშტაბური პროექტი „ახალგაზრდული მეწარმეობა სოფლის განვითარებისთვის“ (RDYE). აღნიშნული პროექტის საწყის ღონისძიებას ესწრებოდნენ ავსტრიის განვითარების სააგენტოს (ADA) მმართველი დირექტორი, ფრიდრიხ შტიფტი, პროექტის განმახორციელებელი ორგანიზაციის ‘მერსი ქორფსის’ პროგრამის ოფიცერი აზიაში, სიმონა ჰერმეილოვა, RDYE პროექტის ხელმძღვანელი, უჩა ვარამაშვილი, სპორტის,...

სანქციების გამო „ავტოვაზი“ მუშაობას ვერ აგრძელებს

სანქციების გამო „ავტოვაზი“ მუშაობას ვერ აგრძელებს
access_time2022-05-18 19:00:07
რუსეთის მთავარი საავტომობილო საწარმო „ავტოვაზი“, უკრაინის წინააღმდეგ რუსეთის სამხედრო აგრესიის გამო დაწესებული დასავლური სანქციების გამო, მუშაობის განახლებასა ვერ ახერხებს. ავტოკონცერნმა მაკომპლექტებლების დეფიციტის გამო მუშაობას სულ მცირე 27 მაისამდე ვერ განაახლებს„ავტოვაზი“ 6 ივნისიდან ოთხდღიან სამუშაო კვირაზე აპირებს გადასვლას, ელექტრონული კომპონენტების მიწოდების პრობლემის გამო. მიიღე ინფორმაცია უფრო სწრაფად...


მსგავსი სიახლეები

up