კარდიოქირურგთა ასოციაცია ჯანდაცვის სამინისტროსგან ოპერაციების ნაწილზე ტარიფების გაზრდას ითხოვს

კარდიოქირურგთა ასოციაცია ჯანდაცვის სამინისტროსგან ოპერაციების ნაწილზე ტარიფების გაზრდას ითხოვს

access_time2021-06-07 15:00:13

უახლოეს მომავალში კარდიოქირურგთა ასოციაცია გეგმავს, ჯანდაცვის სამინისტროსთან ძვირადღირებულ ქირურგიულ ოპერაციებზე ტარიფის გაზრდის შესახებ მოლაპარაკებები დაიწყოს. ამის შესახებ jandacva.ge-ს საქართველოს კარდიოქირურგთა ასოციაციის პრეზიდენტმა სულხან ლომინაძემ განუცხადა. მისი თქმით, ქირურგიულ ოპერაციებზე ტარიფების გათანაბრებამ, რაც 2019 წლის ნოემბერში შევიდა ძალაში, დარგს პრობლემები შეუქმნა, კერძოდ, ფინანსური ზიანი მიაყენა კლინიკებს, ასევე ქირურგიულ ბრიგადებს, რომლებსაც ანაზღაურება შეუმცირდათ. მაგალითად ლომინაძეს შუნტირება მოჰყავს, რაც მანამდე 12500 ლარი ღირდა, ტარიფების გათანაბრების შემდეგ კი 8500 ლარი გახდა. ამას კი დაერთო ლარის გაუფასურება დოლარისა და ევროს მიმართ, რის შედეგადაც, სულხან ლომინაძის შეფასებით, კარდიოქირურგიის სფერო კიდევ უფრო რთულ მდგომარეობაში აღმოჩნდა.


„სახელმწიფოს მიერ დეფიბრილატორების შეძენამ ამ ნაწილში დააბალანსა გაზრდილი ხარჯები, თუმცა რთული მდგომარეობაა სხვა ოპერაციების კუთხით, ვგულისხმობ სარქვლოვანი პათოლოგიების ოპერაციებს, რომლის დროსაც სარქველი ხელოვნური სარქველით უნდა ჩანაცვლდეს. ასევე საჭიროა სახარჯი მასალის შეძენა, რომელიც დოლარით და ევროთი ვყიდულობთ. ამ ვალუტების მიმართ ლარის გაუფასურებამ ეს მასალები სერიოზულად გააძვირა. მაგალითად, ხელოვნური სარქველი 1200 ევრო ღირს. ბოლო დღეებში ლარი მყარდება, თუმცა არ ვიცით, გრძელვადიან პერსპექტივაში რამდენად გაგრძელდება ეს ტენდენცია. ამიტომ ველოდებით ჯანდაცვის მინისტრის გამოჯანმრთელებას, რათა ამ საკითხზე კომუნიკაცია განვაახლოთ,“ – აცხადებს ლომინაძე და განმარტავს, რომ მათი შეთავაზებაა, მიეცეთ საშუალება, აღნიშნულ ოპერაციებზე ფასები გაზარდონ.


ლომინაძის თქმით, პანდემიის პერიოდში ამ საკითხზე კომუნიკაცია მინიმუმამდე იყო დასული, რადგან რთულ ეპიდემიოლოგიურ ვითარებაში ჯანდაცვის სამინისტროსთვის ამ საკითხებით მიმართვა სწორი არ იქნებოდა. ახლა კი, სულხან ლომინაძის განცხადებით, ეპიდსიტუაცია იძლევა იმის საშუალებას, რომ დღის წესრიგში ჯანდაცვის სფეროში არსებულ სხვა საკითხხებზეც დაიწყოს კომუნიკაცია.


მარტში jandacva.ge-სთან საუბარში ჯანდაცვის მინისტრის მოადგილემ თამარ გაბუნიამ განაცხადა, რომ სამინისტრო მუშაობს, რათა ტარიფების გათანაბრების პრინციპი, კარდიოქირურგიისა და ინტენსიური თერაპიის შემდეგ, სხვა სამედიცინო სერვისებზეც გავრცელდეს.



„ერთიანი სატარიფო პოლიტიკა არის მნიშვნელოვანი ნაბიჯი, რასაც ჯანდაცვის სამინისტრო მიყვება. 520-ე დადგენილება იყო ამ ტიპის ინტერვენციის პირველი პრეცედენტი. კლინიკებთან დღესაც მიმდინარეობს მუშაობა იმისთვის, რომ განისაზღვროს სწორი ტარიფი, რაც ჩვენ მოგვცემს ხარისხის და სწორი ფასის შენარჩუნების საშუალებას. ბოლო პერიოდში გამოითქვა გარკვეული მოსაზრებები იმის შესახებ, რომ თითქოს 520-ე და მსგავსი ტიპის დადგენილებები და ტარიფიკაციები აუცილებლად უკავშირდება ფასის შემცირებას, რაც ამ პროცესის სწორი შეფასება არ არის. სწორი ფასის დადგენა მნიშვნელოვანია იმისთვის, რომ ფასებში არსებული უთანაბრობა და ხშირად გაუმართლებელი უთანაბრობა, აღმოიფხვრას და ჩვენ ვიცოდეთ, რა ფასად რა გამოსავალი შეგვიძლია მივიღოთ. რა თქმა უნდა, კომპრომისი არ იქნება ხარისხში, ხარისხის გაუმჯობესებისთვის სამინისტროს დაგეგმილი აქვს მთელი რიგი ინტერვენციები, რაც გაყვება ტარიფიკაციის პოლიტიკის განხორციელებას. რაც შეეხება სხვა სერვისებზე აღნიშნული პრინციპის გავრცელებას, მიმდინარეობს მუშაობა და როდესაც ვიქნებით მზად, შემდეგ ეტაპზე გადავალთ,“ – განაცხადა თამარ გაბუნიამ.


მისი განმარტებით, პირველი ცვლილებები შეეხო კარდიოქირურგიას და ინტენსიურ თერაპიას. თუმცა კოვიდის მიმდინარეობის ფონზე, მომსახურების მოდელი შეიცვალა და იმ ინტერვენციებით, რომლებიც სამინისტრომ განახორციელა – მაგალითად დეფიბრილატორების პირდაპირი შესყიდვა – სერიოზული ფინანსური დანაზოგის საშუალება შექმნა.


ინფორმაციისთვის: 520-ე დადგენილება სახელმწიფო პროგრამაში მონაწილე კლინიკებისთვის კარდიოქირურგიულ და რეანიმაციულ სერვისებზე ტარიფების გათანაბრებას გულისხმობს. დადგენილება ძალაში 2019 წლის 21 ნოემბრიდან შევიდა. სამედიცინო მომსახურებებზე სამინისტროს მიერ დაწესებულმა ტარიფებმა სამედიცინო სფეროს წარმომადგენლების ნაწილის უკმაყოფილება გამოიწვია.


გასული წლის დეკემბერში კი ჯანდაცვის სამინისტრომ, გამოცხადებული ტენდერის შედეგად 224 კარდიო-დეფიბრილატორი შეიძინა, რომელიც კლინიკებში გადანაწილდა. შეძენილი დეფიბრილატორების ჯამური ღირებულება 2.5 მილიონ ლარს აღემატება. კარდიოლოგიური კლინიკების წარმომადგენლები მანამდე აცხადებდნენ, რომ 520-ე დადგენილება მათთვის განსაკუთრებულად პრობლემური სწორედ დეფიბრილატორების გამო იყო, რადგან დეფიბრილატორის იმპლანტაცია ძვირადღირებული პროცედურაა. ამიტომ მათ სამინისტროს აღნიშნული პროექტი დადებითად შეაფასეს.


jandacva.ge





საქართველოს საფონდო ბირჟაზე 5 თვეა ნულოვანი ბრუნვა ფიქსირდება

საქართველოს საფონდო ბირჟაზე 5 თვეა ნულოვანი ბრუნვა ფიქსირდება
access_time2021-07-31 12:00:02
საქართველოს ისედაც თითქმის უმოქმედო საფონდო ბირჟა 2021 წელს მთლიანად გაჩერდა. თებერვლის შემდეგ 1 გარიგებაც კი არ შემდგარა. 7 თვის განმავლობაში კი ყველა გარიგების ჯამმა 2453 ლარი შეადგინა, რაც იმდენად ცოტაა, რომ შეიზლება 0-დაც ჩაითვალოს. 2021 წლის ივლისში საქართველოს საფონდო ბირჟის ვებგვერდზე ზოგადი ინფორმაციის ველში წერია, რომ 1-ლი ივლისის მდგომარეობით ბირჟაზე სულ 26 კომპანიის აქციები იყო განთავსებული, რომელთა კაპიტალიზაცია $754 მლრდ-ს აღწევდა, მაგრამ ივნისში დღიური...

ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საქართველოში დიპლომიანი მოქალაქეების 32 - 38 % უმუშევარია

საქართველოში დიპლომიანი მოქალაქეების 32 - 38 % უმუშევარია
access_time2021-07-31 11:00:30
დღემდე საქართველოს ეკონომიკისთვის უმუშევრობა მნიშვნელოვან პრობლემად რჩება, ხოლო საზოგადოებისთვის მთავარ გამოწვევად. წლების მანძილზე, სხვადასხვა საზოგადოებრივი აზრის გამოკითხვა აჩვენებს, რომ ეროვნულ დონეზე მთავარ პრიორიტეტად სამუშაო ადგილები სახელდება. 2020 წელს,  NDI-ის მიერ ჩატარებული გამოკითხვის თანახმად, გამოკითხულთა 46%-ისთვის მთავარი პრობლემას, კვლავ უმუშევრობა წარმოადგენდა.   2017-2020 წლებში საქართველოში უმუშევრობის ტენდენციებსა და COVID-19-ისგან გამოწვეული...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...


მსგავსი სიახლეები

up