გორის მუნიციპალიტეტის სოფელ კარალეთში ხილ–ბოსტნეულის შესანახად ახალი, თანამედროვე სამაცივრე მეურნეობა გაიხსნა.
მაცივარი კომპანია „ქულსერვისმა“ სახელმწიფო მხარდაჭერით გახსნა. ერთობლივმა ინვესტიციებმა პროექტში 1,2 მლნ. ლარი შეადგინა, მათ შორის 600 000 სახელმწიფო გრანტია, 300 000 შეღავათიანი აგროკრედიტი – ამავე დასახელების სამთავრობო პროგრამის ფარგლებში, დანარჩენი - კომპანიის საკუთარი სახსრები.
„ქულსერვისის“ თანადამაარსებლის მაიზერ ლომინაძეს თქმით, მეურნეობას ერთდროულად 1000 ტონა ხილ-ბოსტნეულის შენახვა შეუძლია, ის 10 სამაცივრე კამერას მოიცავს, რომლებიც კონკრეტული ხილის ან ბოსტნეულის შენახვისთვის საჭირო კონკრეტულ რეჟიმზეა მუშაობს.
ასევე შესაძლებელია სხვადასხვა პროდუქტების ცალ-ცალკე შენახვა და დახარისხება.
„ჩვენ გახსნა ახალი სეზონის დაწყებამდე მოვასწარით და პირველ პროდუქციას უკვე 1 თვეში ჩავიბარებთ, დავიწყებთ ატმით და ქლიავით, შემდეგ ვაშლი, მსხალი, და სხვა ხილ-ბოსტნეული დაემატება“, - განაცხადა ლომინაძემ.
მისი თქმით, კომპანია ორ მიმართულებაზე იმუშავებს - თავად შეისყიდის პროდუქტებს შემდგომი გაყიდვის მიზნით და თან მაცივრების ფართს ფერმერებს და მეწარმეებს მიაქირავებს.
„შიდა ქართლი - საქართველოში ხილ-ბოსტნეულის წარმოების კუთხით ერთ-ერთი ლიდერი რეგიონია. აქ სულ უფრო მეტია თანამედროვე ბაღები, სადაც მაღალხარისხიანი ხილ-ბოსტნეული მოჰყავთ. ჩვენი სამაცივრე მეურნეობა კი მწარმოებლებს პროდუქტების დიდი ხნით შენახვის და, შესაბამისად, მომგებიანად გაყიდვის შესაძლებლობას მისცემს“, - მიიჩნევს „ქულსერვისის“ ხელმძღვანელი.
მაიზერ ლომინაძეს თქმით, ის დიდი ხნის მანძილზე უცხოეთში ცხოვრობდა, და საქართველოში მხოლოდ 2 წლის წინ დაბრუნდა. სამაცივრე მეურნეობა - მისი პირველი ბიზნესია, რომელსაც აგრარულ სექტორთან შეხება აქვს.
პარალელურად, ის მუშაობს სხვა პერსპექტიულ მიმართულებებზე - მაგალითად, ხილ-ბოსტნეულის გადამუშავებაზე.
„შესაძლებელია არაკონდიციური პროდუქტების გადამუშავება და წვენებს, ჯემების, და ხილის სპირტის წარმოება. საინტერესო მიმართულებაა ასევე ახალი ხილ-ბოსტნეულისთვის მაღალი ხარისხის ყუთების წარმოება. ეს ძალიან მნიშვნელოვანია, რადგანაც ამჟამად შესაფუთი მასალა საქართველოში უცხოეთიდან შემოდის", - ამბობს ის.
საქართველოს სოფლის განვითარების სააგენტოს ინფორმაციით, სადღეისოდ სახელმწიფო პროგრამა „შეღავათიანი აგროკრედიტი“-ს ფარგლებში სამაცივრე მეურნეობების შექმნაზე საერთო ჯამში 180 მლნ. ლარის 1700-ზე მეტი სესხი გაიცა. უშუალოდ სახელმწიფოს თანადაფინანსებამ 27 მლნ. ლარი შეადგინა.
საგრანტო პროგრამის ფარგლებში სააგენტომ მიიღო მონაწილეობა 45 სამაცივრე მეურნეობის შექმნაში მიიღო. გრანტების სახით ამ დარგმა საერთო ჯამში 27 მლნ. ლარი მიიღო. სამაცივრე მეურნეობების ნახევარზე მეტი - 25 ერთეული – შიდა ქართლში გაიხსნა.
ამ რეგიონში მაცივრების ქსელის განვითარებაზე 14 მლნ. ლარი დაიხარჯა.
წყარო: east-fruit.com