„კანონი არ შეიძლება შეიქმნას ერთი ან ხუთი კომპანიისთვის, მან უნდა იმოქმედოს ყველაზე„

„კანონი არ შეიძლება შეიქმნას ერთი ან ხუთი კომპანიისთვის, მან უნდა იმოქმედოს ყველაზე„

access_time2019-04-18 17:00:43

„თუ  მცირე და საშუალო ფერმერებმა ვერ ნახა სარგებელი, მაშინ კანონი არ არის ადეკვატური. ნახონ ჯერ,  რა არის მთავარი გამოწვევა ამ სფეროში და მერე იყოს თუნდაც გადასახადიდან გათავისუფლება,“ - საქართველოს ფერმერთა ასოციაციის თავმჯდომარემ ნინო ზამბახიძემ „კომერსანტთან“ ფინანსთა სამინისტროს ის კანონპროექტი შეაფასა, რომლის მიხედვითაც დღგ-გან ჩათვლის უფლებით სრულად თავისუფლდება ნატურალური რძისა და რძის ნაწარმის მიწოდება. თუმცა აღნიშნულ კანონპროექტს მხარი არ დაუჭირა პარლამენტის აგრარულ საკითხთა კომიტეტმა.


„ ეს კანონპროექტი იყო უფრო ინდუსტრიული რძის მწარმოებლებისთვის, ვიდრე მცირე და საშუალო ფერმერების შეღავათზე გათვლილი. ხელისუფლების მხრიდან ჩვენთან კომუნიკაცია ამ თემაზე არ ყოფილა, ხომ უნდა გვითხრან ამით,  რამდენი ფერმერი მიიღებს სარგებელს. არ შეიძლება კანონი მიიღონ და მერე დაველოდოთ შედეგს.  


ერთი შეხვედრა გვქონდა აგრარულ კომიტეტში, როდესაც  ოთარ დანელიამ დაგვიბარა და მოისმინა ჩვენი მოსაზრებები. მას შემდეგ საერთოდ კომუნიკაცია არ ყოფილა.  ყველაფერზე ვისაუბრეთ - რა გამოწვევების წინაშე შეიძლება დამდგარიყვნენ ფერმერები, რა იქნებოდა დადებითი, რა იქნებოდა უარყოფითი, მაგრამ როდესაც კანონის ინიციატორია ფინანსთა სამინისტრო, მან უნდა მოისმინოს ჩვენი აზრი,“ – განაცხადა ნინო ზამბახიძემ.


ფერმერთა ასოციაციაში კანონპროექტის შინაარსთან და მის ეფექტურობასთან  დაკავშირებითაც აქვთ შეკითხვები. შეეხება თუ არა დღგ-სგან გათავისუფლების შეღავათი მცირე და საშუალო ბიზნესის წარმომადგენლებს, კერძოდ კი ფერმერებს. ამასთან დაკავშირებით ნინო ზაბახიძე აცხადებს,  რომ თუ მხოლოდ ინდუსტრიული მწარმოებლებისთვის შეიძლება ეს შეღავათი გავრცელდეს, ფერმერების მხარდაჭერა და ჩართულობა მსგავს კანონპროექტში შეუძლებელია.   



„კანონი არ შეიძლება შეიქმნას ერთი ან ხუთი კომპანიისთვის, მან უნდა იმოქმედოს ყველაზე, რომელიც არის მერძევეობით დაკავებული. 35 მილიონი სახელმწიფოს რომ დააკლდება, უნდა გვითხრან, ამით რამდენი ფერმერი მიიღებს სარგებელს. არ შეიძლება კანონი მიიღონ და მერე დაველოდოთ შედეგს,“ - ამბობს ნინო ზამბახიძე.


საქართველოს ფერმერთა ასოციაციის თავმჯდომარე რამდენიმე ძირითად გამოწვევაზე ამახვილებს ყურადღებას - ფინანსურ  რესურსებზე ხელმისაწვდომობა, არაკონკურენტუნარიანი გარემო, პროფესიული ცოდნის არარსებობა და თანამედროვე ტექნოლოგიები - ეს ის პრობლემებია, რაშიც  ქართველ ფერმერებს სახელმწიფოსგან დახმარება სჭირდებათ.



დღეს არსებული რეგულაციით დღგ-გან გათავისუფლებულია მხოლოდ 2 ლიტრზე მეტი პირველად საფუთავებში ჩასხმული რძე და საქართველოში წარმოებული ყველი. კანონპროექტის მიხედვით კი, რომელიც ფინანსთა სამინისტრომ წარმოადგინა და რომელსაც აგრარულ საკითხთა კომიტეტმა მხარი არ დაუჭირა,  ერთიან საგადასახდო რეჟიმში მოექცევა რძე და ნატურალური რძისგან ნაწარმოები რძის პროდუქტები. წინასწარი ინფორმაციით, ბიუჯეტის საშემოსავლო ნაწილს წლიურად შესაძლებელია დააკლდეს 35 მლნ ლარი. საკითხი განსახილველად ფინანსთა მინისტრის მოადგილემ ლაშა ხუციშვილმა გამოიტანა.




მარიამ მორგოშია






დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up