კანადამ 3 თებერვალს რუსეთის წინააღმდეგ დამატებითი სანქციები დააწესა. ამის შესახებ კანადის საგარეო საქმეთა მინისტრმა მელანი ჯოლიმ განაცხადა, წერს სამინისტროს პრესსამსახური.

„პრეზიდენტ ვლადიმერ პუტინის ომი უკრაინაში ეფუძნება სიცრუესა და მოტყუებას. რუსულმა დეზინფორმაციულმა ოპერაციებმა თავის სამსახურში ჩააყენა რუსი ცნობილი სახეები და ეგრეთ წოდებული საინფორმაციო ორგანიზაციები, რათა მხარი დაუჭირონ კრემლს და გაამართლონ უკრაინაში მომხდარი სისასტიკე. ამან გამოიწვია რუსეთის რეჟიმის დაუსაბუთებელი მხარდაჭერა და მილიონობით უდანაშაულო უკრაინელის ტანჯვის გახანგრძლივება“, - აცხადებენ სამინისტროში.

კანადა სანქციებს აწესებს რუსული დეზინფორმაციისა და პროპაგანდის გავრცელებაში მონაწილე 38 პირსა და 16 ორგანიზაციას. სიაში, შედის პროპაგანდისტული მედია ჯგუფი Россия сегодня; United World International და რეპრესიების წინააღმდეგ ბრძოლის ფონდი, რომელსაც საგარეო საქმეთა სამინისტრომ უწოდა დეზინფორმაციის სუბიექტები, რომლებიც დაკავშირებულია კერძო სამხედრო კომპანიის დამფუძნებელ ვაგნერ ევგენი პრიგოჟინთან, ფონდ Русский мир-თან და სხვებთან.

გარდა ამისა, სიაში შედიან მომღერლები და მხატვრები, რომლებმაც მხარი დაუჭირეს რუსეთის აგრესიას. მათ შორისაა: ნიკოლაი ბასკოვი, მიხაილ ბოიარსკი, მარატ ბაშაროვი, დიმა ბილანი, ნიკოლაი რასტორგუევი, ოლეგ გაზმანოვი, ალექსანდრე მარშალი, პოლინა გაგარინა, ნადეჟდა ბაბკინა, ალექსანდრე ბუინოვი, დანა ბორისოვა, ირინა ალეგროვა, დიმიტრი დიუჟევი, ვიქტორია დაინკო, მიხაილ გალუსტიანი და სხვები.

საგარეო საქმეთა სამინისტრომ აღნიშნა, რომ 2014 წლიდან კანადამ სანქციები დაუწესა 2200-ზე მეტ ფიზიკურ და იურიდიულ პირს. რუსეთის სრულმასშტაბიანი შემოჭრის შემდეგ ქვეყანამ სანქციები 1600-ზე მეტ ფიზიკურ პირსა დაუწესა რუსეთიდან, უკრაინიდან და ბელორუსიიდან.

2022 წლის დეკემბრის მდგომარეობით, კანადამ დააყადაღა 122 მლნ აშშ დოლარის ღირებულების რუსული აქტივები და გაყინა 292 მლნ დოლარის ღირებულების ტრანზაქციები, წერს The Canadian Press-ი.