კალორიების მთვლელი პირველი ქართული აპლიკაცია ლოს-ანჯელესის სარესტორნო ბაზარს აითვისებს

კალორიების მთვლელი პირველი ქართული აპლიკაცია ლოს-ანჯელესის სარესტორნო ბაზარს აითვისებს

access_time2020-08-12 14:10:42

მსოფლიო ბაზარზე პირველი ქართული კალორიების დამთვლელი აპლიკაცია NUSAGI გამოჩნდა. აპლიკაცია, რომელიც საშუალებას გაძლევთ სახლში თუ რესტორანში მიღებული კალორიების რაოდენობა აკონტროლოთ.


„კომერსანტთან“ საუბრისას სტარტაპის იდეის ავტორმა და დამფუძნებელმა გიორგი გულუამ აღნიშნა, რომ აპლიკაციის ალგორითმი ადამიანის მეტაბოლიზმს შეისწავლის, რისი მეშვეობითაც მისთვის საჭირო დღიური კალორაჟის მაქსიმალური სიზუსტით შერჩევას იწყებს.


ყველა აპლიკაცია კალორიას ითვლის მარტივი ფორმულის მიხედვით. თუმცა, ჩვენს აპლიკაციაში კალორიები დათვლილია არა მხოლოდ, ასაკის, სქესის, სიმაღლის, წონის და იმის მიხედვით,თუ ადამიანს რამდენის დაკლება სურს, არამედ მისი რეალური მეტაბოლიზმიდან გამომდინარეც. რაც უფრო მეტად იყენებს მომხმარებელი აპლიკაციას, მით მეტად სწავლობს მის ორგანიზმს.

როდესაც დიეტაზე მყოფი ადამიანი რესტორანში შედის, მას შეკვეთილი კერძის ზუსტ კალორაჟზე ინფორმირებული არ არის. ყველა ნორმალურ რესტორანს ან კაფეს ინგრედიენტების ბუღალტრული აღწერა  აქვს, თუმცა კერძების კალორიულობა თავადაც არ იციან. ჩვენ კი გავაკეთეთ სისტემა,რომელსაც ბუღალტრული აღწერა კალორიებში გადაჰყავს“, - განმარტავს გიორგი გულუა.


აპლიკაციის კიდევ ერთი ბენეფიტი მასში არსებული მუდმივად განახლებადი რეცეპტების ჩამონათვალია, რომელთა ინგრედიენტების გამოწერას აპლიკაციიდანვე შეძლებთ.


„ჩვენს სისტემაში შესაძლებელია ასევე რეცეპტების ნახვა, რომელიც მუდმივად ემატება. ეს წარმოადგენს მარტივ ინტერფეისს -  იქვე წერია რა ინგრედიენტები გჭირდება, შესაძლებელია მათი გამოწერა და მაღაზიიდან მიტანის სერვისით მომხმარებელს სახლში მიუტანენ ამ ინგრედიენტებს“, - აღნიშნავს NUSAGI-ს დამფუძნებელი.



პროექტი, რომლის საინვესტიციო ღირებულება 150 000 ლარია, სხვადასხვა სერვისების ერთ სივრცეში აერთიანებს. სარესტორნო ანალიტიკის განვითარებისთვის სამომავლოდ „მიმოხილვის“ ველის დამატებაც იგეგმება, რათა არსებული პრობლემების გამოსწორება თავად რესტორნებმაც შეძლონ.


„შეიძლება ითქვას, რომ მსოფლიოში პირველები ვართ, ასეთი აპლიკაცია არსად არსებობს. ყველა მსგავსი ტიპის აპლიკაცია ეყრდნობა user generated data-, რაც საკმაოდ არაზუსტია, ვინაიდან მომხმარებლის მიერ ჩაწერილი კალორიების რაოდენობით ფუნქციონირებსჩვენი აპლიკაცია რესტორნებს აწვდის ისეთი ტიპის ანალიტიკას,რაც მათ აქამდე არ ჰქონდათარსებობდა ინფორმაცია,რომელსაც არავინ იყენებდა, ჩვენ ავიღეთ ეს ინფორმაცია, დავამუშავეთ და გადავიყვანეთ აპლიკაციაში.


რესტორნებს ჩვენი აპლიკაციის მეშვეობით ეცოდინებათ, თუ კვირის რომელ მონაკვეთში, რა კერძია უფრო მოთხოვნადი, რაც მათ მარაგების შევსებაში დაეხმარებათ. ასევე, თუ მაგალითად, ლანჩის დროს  5  ამოსაყიდი მაგიდაა დარჩენილი, რესტორანს აქვს შესაძლებლობა ჩვენი აპლიკაციით გაუშვას რეკლამა, რომელიც მიუვა ზუსტად იმ ადამიანს, ვისაც არ უჭამია ან იმ რაოდენობის კალორია აქვს დარჩენილი,რასაც რესტორანი სთავაზობსთუმცა, ეს უფრო შორეული გეგმაა“, - აცხადებს გიორგი გულუა.


აპლიკაციამ სატესტო რეჟიმში მუშაობა 4 აგვისტოდან დაიწყო და იმაზე დიდი დაინტერესება გამოიწვია, ვიდრე კომპანიაში ელოდნენ.


„დაინტერესება იმაზე მეტია ვიდრე გვეგონა. აგვისტოს თვეს გამოვიყენებთ იმისთვის,რომ დავიხვეწოთ, სექტემბრისთვის კი გავეშვებით. ჩვენი გათვლებით, დეკემბერში დაიკლებს აქტივობა, ხოლო იანვარ-თებერვალში კვლავ მოიმატებს, ვინაიდან, კვლევები აჩვენებს,რომ სწორედ ახალი წლების შემდეგ იწყებს ყველა დიეტას“, -განმარტავს კომპანიის CEO.


კომპანიის სამომავლო გეგმებში, თბილისის რესტორნების 40%-ის ათვისება და ამასთან უცხოურ ბაზარზე გასვლაა.


ამ ეტაპზე გვყავს ოთხი რესტორანი  :  პასტა ბარი“, სულიკო ვაინ ბარი“, ფასანაური დოლიძე“, თამაშობანა“, მუშუ“ და ერთი სურსათის მაღაზიაგვაქვს გეგმაში,რომ თბილისის რესტორნების 40% იყოს ჩვენს სისტემაში. ჩვენ არ გვინდარომ შევზღუდოთ ადამიანი, თუ მას მოუნდა ბურგერი, გვინდა რომ წავიდეს, ჭამოს ბურგერი, შემდეგ ნახოს რამდენი კალორია დარჩა და რა საჭმელი შეიძლება გააკეთოს  ონლაინ მაცივარში არსებული ინგრედიენტების გათვალისწინებით.


ჩვენი მიზანიარომ საქართველოში ავიდეთ სამი ათას დღიურ მომხმარებელზე და შემდეგ უკვე მოლაპარაკებების საფუძველზე  მზად ვართ დაგვაფინანსონ და დავიწყოთ უცხოურ ბაზარზე გადასვლაუკვე გვაქვს მოლაპარაკება ლოს-ანჯელესში. ვინაიდან, ეს არის ქალაქი, სადაც ერთ ადამიანზე ყველაზე მეტი რესტორანი მოდის“, - აღნიშნავს გიორგი გულუა.


ანი ცარციძე






დღის Top 10 საინტერესო ამბავი

 დღის Top 10 საინტერესო ამბავი
access_time2020-10-22 21:00:21
1. ბანკებზე თავდასხმის ქრონიკა საქართველოში   ბანკების ძარცვა ტექნოლოგიების ერაში ბევრს ყველაზე მოძველებულ კრიმინალურ აქტად მიაჩნევა, თუმცა ფინანსურ ინსტიტუტებზე შეიარაღებული თავდასხმა პლანეტის ერთერთ მთავარ გადაუჭრელ პრობლემად დღემდე რჩება....

22 ოქტომბერი - რეგიონში ქართული ლარი გამყარდა, თურქული ლირა გაუფასურდა

22 ოქტომბერი - რეგიონში ქართული ლარი გამყარდა, თურქული ლირა გაუფასურდა
access_time2020-10-22 18:10:25
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 22 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, კურსის ცვლილებამ 0.93 თეთრი შეადგინა, რის შედეგადაც ერთი...

Forbes: აშშ-ს იუსტიციის სამინისტრომ Google-ს უჩივლა

Forbes: აშშ-ს იუსტიციის სამინისტრომ Google-ს უჩივლა
access_time2020-10-22 20:00:48
აშშ-ს იუსტიციის სამინისტრომ Google-ის წინაამღდეგ სასამართლოში ანტიმონოპოლური სარჩელი შეიტანა.   უწყების აზრით, კორპორაცია ონლაინ-ძიების ბაზარზე ხელოვნულ მონოპოლიას აჩენს.   Google არის მსოფლიოს ერთ-ერთი უმდიდრესი კომპანია, რომლის საბაზრო ღირებულებაც 1 ტრლნ. დოლარია. ის თითქმის მონოპოლოსტია მილიარდობით ინტერნეტ-მომხმარებლისთვის, კომპანია ისეთ სერვისებს ფლობს, როგორც  Chrome,  YouTube, Google maps, Google translate და...

უნდა გახსნას თუ არა საზღვრები საქართველომ - PMC RESEARCH-ის შეფასებები

უნდა გახსნას თუ არა საზღვრები საქართველომ - PMC RESEARCH-ის შეფასებები
access_time2020-10-22 17:30:00
2020 წლის სამ კვარტალში, საერთაშორისო მოგზაურობიდან საქართველომ 499 მლნ დოლარის შემოსავალი მიიღო, ეს 81%-იანი დანაკლისია 2019 წლის ანალოგიურ მაჩვენებელთან შედარებით. PMC Research-ის ინფორმაციით, 2020 წლის სექტემბერში საერთაშორისო მოგზაურთა რიცხვი 94.2%-ით შემცირდა. აპრილის შემდეგ, 2019 წლის შესაბამის პერიოდთან შედარებით, ყოველ თვეში, მოგზაურების, ვიზიტორებისა და ტურისტების რაოდენობა 90%-ზე მეტად მცირდებოდა. კვლევაში მითითებულია, რომ COVID-19...

ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე

 ნოემბრის შუა რიცხვებში ინფიცირების დღიურმა მაჩვენებელმა შესაძლოა, 4-5 ათას მიაღწიოს - გამყრელიძე
access_time2020-10-22 17:00:34
დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის გავრცელებასთან დაკავშირებით, ნოემბრის პროგნოზი ახლიდან გაკეთდება.   მისივე ინფორმაციით, აქამდე გაკეთებული პროგნოზის თანახმად, ვირუსის გავრცელების პიკი ნოემბრის შუა რიცხვებში დადგება და ამ პიკის დროს დღიურმა მაჩვენებელმა შესაძლოა 4-5 ათას შემთხვევას მიაღწიოს.   „პროგნოზირება ძალიან უმადური რამ არის. არ არსებობს არც ერთი...


მსგავსი სიახლეები

up