კაკაურიძე

კაკაურიძე "ოქროს სიის“ შეღავათების გარეშე დარჩენილებზე: არ მგონია, სესხის აღება ვერ შეძლონ

access_time2019-06-13 10:52:50

ფინანსთა მინისტრის მოადგილე გიორგი კაკაურიძე ირწმუნება, რომ იმ კომპანიებს, რომელთაც "ოქროს სიის" სტატუსით გათვალისწინებული შეღავათები გაუუქმდათ, ფინანსური რესურსის მოძიების პრობლემა არ ექნებათ.


ამის შესახებ კააკურიძემ პარლამენტში, ფრაქცია "ნაციონალური მოძრაობის" დეპუტატის კობა ნაყოფიას მიერ დასმული კითხვის საპასუხოდ განაცხადა.


დეპუტატი დაინტერესდა, რატომ მოეხსნა "ოქროს სიის" წევრებს იმპორტის გადასახადის 30-დღიანი საშეღავათო პერიოდი.


"თუ შევხედავთ კომპანიების სიას, გამოქვეყნდა კიდეც პრესაში, არ მგონია, რომ ამ კომპანიებს ფინანსური პრობლემები ჰქონდეთ, რომლიმე კომპანია მოუწესრიგებელი იყოს, რომ ბანკისგან ან ფინანსური ინსტიტუტისგან სესხის აღება ვერ შეძლოს, თუ ეს საჭიროებაა", - განაცხადა კაკაურიძემ და მთავრობის მიერ გადადგმული ის ნაბიჯები ჩამოთვალა, რის შედეგადაც კერძო სექტორს ფულად სახსრებზე წვდომა გაუმარტივდათ.



"ჩვენ არაერთი მნიშვნელოვანი ნაბიჯი გადავდგით იმისთვის, რომ ქეშის პრობლემასთან კომპანიებს არ ჰქონოდათ საქმე. "ოქროს სიამდე" გაცილებით ადრე იყო მოგების გადასახადის რეფორმა, რამაც Cash flow ნამდვილად გაუუმჯობესა კომპანიებს და მათმა დიდმა ნაწილმა სასესხო ვალდებულებების გასტუმრებაც მოახერხა.


მეორეა დღგ-ის დაბრუნების სისტემა, რომელიც მნიშვნელოვნად შეიცვალა. პირველი ივლისიდან საერთოდ ავტომატურ რეჟიმში განხორციელდება - უბრალოდ დააჭერს ღილაკს გადასახადის გადამხდელი და შეეძლება ამ თანხის დაბრუნება. ჩვენ გვქონდა სიტუაცია, როდესაც ერთის მხრივ, მსხვილი ბიზნესი მეტ-ნაკლებად დღგ-საც უფრო ადვილად იბრუნებდა, საშუალო და წვრილ ბიზნესს კი ამ მიმართულებით უფრო მეტი პრობლემა ჰქონდა, მეორეს მხრივ კი, მსხვილ ბიზნესს უფრო მეტი შეღავათები ჰქონდა იმპორტის დროს. ამიტომ ვფიქრობ, რომ ჯამურად ამ ღონისძიებების გატარება მნიშვნელოვნად ათანაბრებს პირობებს სხვადასხვა მოცულობის ბიზნესისათვის", - განაცხადა გიორგი კაკაურიძემ.


შეგახსენებთ, რომ 11-მა ბიზნეს ორგანიზაციამ ფინანსთა მინისტრის ვანო მაჭავარიანის სახელზე სამინისტროში წერილი დაარეგისტრირა. კერძო სექტორი მინისტრისგან წერილობით სამ კითხვაზე პასუხს ითხოვს: "ოქროს სიის" წევრი კომპანიებისთვის იმპორტის გადასახადის ვადების შემცირებასთან დაკავშირებით გადაწყვეტილების მიღების მიზეზი და არგუმენტი რა არის, რა ფისკალურ ეფექტს ელოდება მთავრობა და რით იყო გამოწვეული ამ გადაწყვეტილების მყისიერად, ბიზნესთან კომუნიკაციების გარეშე მიღება.



BMG






არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up