ამერიკული ფარმაცევტული კომპანია „Johnson & Johnson“ კორონავირუსის ექსპერიმენტულ ვაქცინაზე კლინიკურ ცდებს ერთ-ერთი მონაწილეში „აუხსნელი დაავადების“ გამოწვევის გამო წყვეტს. ინფორმაციას Forbes.ru „Johnson & Johnson“ ის საიტზე განთავსებულ ინფორმაციაზე დაყრდნობით ავრცელებს.
„კვლევის მონაწილის აუხსნელი დაავადების გამო, ჩვენ ცდების კლინიკური ფაზა, საყოველთაო ტესტირების ჩათვლით დროებით შევაჩერეთ,“ - ნათქვამია Johnson&Johnson-ის მიერ გავრცელებულ განცხადებაში.
კომპანიაში ასევე აღნიშნეს, რომ ამჟამად დაავადებული მოხალისის ჯანრთელობის მდგომარეობის შესწავლა მიმდინარეობს. მთელი ინფორმაციის შეგროვების შემდეგ მისი მნიშვნელოვანი ნაწილი გასაჯაროვდება. რა თქმა უნდა, კერძო პირის უფლებების დაცვით.
განცხადებაში ასევე ნათქვამია, რომ ცდების შეჩერება თავად კომპანიის გადაწყვეტილება იყო, და არა რეგულატორის მოთხოვნა.
„Johnson&Johnson“- მა ცდების მე-3 ეტაპი 23 სექტემბერს დაიწყო. მასში 60 000 მოხალისე მონაწილეობს ისეთი ქვეყნებიდან, როგორს არგენტინა, ბრაზილია, მექსიკა, პერუ, აშშ, ჩილე, და სამხრეთ აფრიკა. მესამე ეტაპის ცდების მიზანია ვაქცინის ეფექტურობის და უსაფრთხოების დონის დადგენაა.
კომპანიის გათვლებით, პირველი ვაქცინა ფართო გამოყენებისთვის მზად 2021 წლის დასაწყისში უნდა ყოფილიყო.
ამ დროისთვის, ჯანდაცვის მსოფლიო ორგანიზაციის ინფორმაციით, მუშაობა 200 ვაქცინაზე მიმდინარეობს, მათ შორის 6 უკვე მესამე, დასკვნითი კლინიკური ცდების სტადიაზე. ორგანიზაციის პროგნოზით, საბოლოოდ კორონავირუსის საწინაამღდეგო ვაქცინა მზად უკვე 2021 წლის მეორე ნახევარში იქნება.