JICA-ის პრეზიდენტი განათლების რეფორმის კუთხით საქართველოს პრემიერ-მინისტრის ყოვლისმომცველ ხედვას პოზიტიურად და საინტერესოდ აფასებს

JICA-ის პრეზიდენტი განათლების რეფორმის კუთხით საქართველოს პრემიერ-მინისტრის ყოვლისმომცველ ხედვას პოზიტიურად და საინტერესოდ აფასებს

access_time2019-03-15 14:22:39

იაპონიის საერთაშორისო თანამშრომლობის სააგენტოს(JICA) პრეზიდენტი შინიჩი კიტაოკა განათლების რეფორმის კუთხით საქართველოს პრემიერ-მინისტრის ყოვლისმომცველ ხედვას მიესალმება და ამ მიმართულებით დაგეგმილ ნაბიჯებს პოზიტიურად აფასებს.


როგორც დოქტორმა კიტაოკამ პრემიერ მამუკა ბახტაძესთან შეხვედრის შემდეგ განაცხადა, საქართველოს ლიდერები მაღალი პროფესიონალიზმით გამოირჩევიან.


საუბრისას ყურადღება გამახვილდა განათლების სფეროში დაგეგმილ მასშტაბურ რეფორმაზე და ამ პროცესში იაპონიასთან თანამშრომლობაზე.


მთავრობის მეთაურმა JICA-ის პრეზიდენტს დეტალურად გააცნო საქართველოში მიმდინარე რეფორმები და მიაწოდა ინფორმაცია განათლების სექტორის დაფინანსების ზრდის შესახებ, რაც 2022 წლისთვის მთლიანი შიდა პროდუქტის 6%-ს მიაღწევს.
საუბარი ასევე შეეხო სხვადასხვა სფეროში არსებულ თანამშრომლობას და საქართველოში JICA-ის მხარდაჭერით მიმდინარე წარმატებულ პროექტებს.


აღინიშნა, რომ ორმხრივ ნაყოფიერ თანამშრომლობაზე მიუთითებს ის ფაქტიც, რომ JICA-მ პირველი ოფისი კავკასიაში სწორედ თბილისში გახსნა.


"მე ვიმყოფებოდი თქვენს ქვეყანაში 2 წლის წინ და ამ ვიზიტმა დიდი შთაბეჭდილება მოახდინა ჩემზე. სწორედ მაშინ გადავწყვიტეთ წარმომადგენლობის გახსნა საქართველოში. ჩვენ ვთანამშრომლობთ რამდენიმე მიმართულებით, როგორც წესი, წარმატებულად. ჩვენს შორის არსებობს ურთიერთგაგების მაღალი დონე.



ჩვენ გვიყვარს ქართული ღვინო. თქვენ გაქვთ ძალიან დიდი ისტორიული მემკვიდრეობა. გარდა ამისა, თქვენი ლიდერები ძალიან დიდი პროფესიონალიზმით გამოირჩევიან, რაც ძალიან მნიშვნელოვანია. საინტერესოა თქვენი ლიდერების ყოვლისმომცველი ხედვა, მაგალითად განათლების მიმართულებით.


იაპონიას მწირი რესურსები აქვს. სწორედ ამიტომ ჩვენ ყურადღებას ვამახვილებთ ადამიანურ რესურსებზე და სწორედ ეს გახლავთ იაპონიის განვითარების უმთავრესი საიდუმლო.


პრემიერ-მინისტრთან შეხვედრაზე განვიხილეთ განათლების სფეროს სხვადასხვა დონეზე თანამშრომლობის გზები, იქნება ეს დაწყებითი, პროფესიული თუ უმაღლესი განათლება. განსაკუთრებით მნიშვნელოვანია პროფესიული განათლება.
ზოგადად, დავრწმუნდი, რომ ჩვენი თანამშრომლობა მომავალშიც წარმატებული იქნება", - განაცხადა JICA-ის პრეზიდენტმა საქართველოს პრემიერ-მინისტრთან შეხვედრის შემდეგ.








მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი

მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი
access_time2019-05-23 14:00:22
პრემიერმინისტრ მამუკა ბახტაძის აზრით, ლარის მკვეთრი გაუფასურება "თურქეთის ფაქტორმა" გამოიწვია. პრემიერი მიიჩნევს, რომ ეს არის მოკლევადიანი ეფექტი და ეროვნული ვალუტა უახლოეს პერიოდში დაუბრუნდება იმ მაჩვენებელს, "რომელსაც უნდა დავუბრუნდეთ". მამუკა ბახტაძემ მთავრობის სხდომამდე გამართულ პრესკონფერენციაზე აღნიშნა, რომ ქართულ ეკონომიკაში ყველა ფუნდამენტური ფაქტორი არის "ძალიან მდგრადი და პოზიტიური ტრენდის მქონე". მისი შეფასებით, ორიენტირება...

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“
access_time2019-05-23 13:47:39
"სამოქალაქო მოძრაობის" იმერეთის ორგანიზაციის წევრები წითელ წიგნში შეტანილი ხეების მოჭრას აპროტესტებენ. უნიკალური ხეები ქუთაისის ტექნოლოგიური უნივერსიტეტის მშენებლობას ეწირება. ლაპარაკია ქუთაისთან ახლოს მდებარე მუხრანის ტყეზე, რომელსაც საღორიის ტყესაც ეძახიან. აქციის მონაწილეები  მშენებარე ტექნოლოგიურ უნივერსიტეტთან...

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში ლიდერი ქვეყანა გახდება

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში   ლიდერი ქვეყანა გახდება
access_time2019-05-23 12:16:07
დარწმუნებული ვარ, სამედიცინო სერვისების მიწოდებით საქართველო გახდება ლიდერი ქვეყანა რეგიონში, - ამის შესახებ საქართველოს პრემიერ-მინისტრმა მამუკა ბახტაძემ თბილისის სახელმწიფო სამედიცინო უნივერსიტეტში, სამედიცინო განათლების საერთაშორისო ასოციაციის (AMEE) რეგიონული წარმომადგენლობის გახსნის ღონისძიებაზე სიტყვით გამოსვლისას განაცხადა. პრემიერმა სამედიცინო განათლების საერთაშორისო ასოციაციის, AMEE-ის ცენტრის გახსნის მნიშვნელობაზე ისაუბრა და მადლობა გადაუხადა...

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი გვაკავშირებს“

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი  გვაკავშირებს“
access_time2019-05-23 12:30:03
 „ადგილობრივ ბანკებთან, სტანდარტული  ურთიერთობის გარდა,(რომელიც გულისხმობს კლიენტს/ბანკს)არაფერი გვაკავშირებს  —  საქართველოს ჯანდაცვის ჯგუფი დაზღვევის კავშირის თანათავმჯდომარეს, ვასილ ახრახაძეს მიმართავს, რომელმაც კომერსანტთან არაპროფილური აქტივების ფლობასთან დაკავშირებით...

თურქეთი C-400-ის გამო ამერიკული სანქციებისთვის ემზადება

 თურქეთი C-400-ის გამო ამერიკული სანქციებისთვის ემზადება
access_time2019-05-22 20:30:00
ანკარაში ჩატარებულ პრესკონფერენციაზე თურქეთის თავდაცვის მინისტრმა ხულუსი აკარმა განაცხადა, რომ  აშშ-სთან მოლაპარაკებებში რუსული საჰაერო თავდაცვის სისტემა C-400-ის შეძენასთან დაკავშირებით, გარკვეული პროგრესი შეინიშნება. თუმცა, მისი თქმით, ამის მიუხედავად, თურქული მხარე ემზადება სანქციებისთვის, რომელიც შესაძლოა მიღებულ იქნას ვაშინგტონის მიერ ამ სისტემების ყიდვის გამო. როგორც აკარმა აღნიშნა, ამჟამად თურქეთი სწავლობს ალტერნატიულ...


მსგავსი სიახლეები

up