მეღვინეები ჩამოსასხმელი ღვინის რეალიზაციის რეგულირებას ითხოვენ - იყიდება თუ არა ფალსიფიცირებული ღვინო რესტორნებში

მეღვინეები ჩამოსასხმელი ღვინის რეალიზაციის რეგულირებას ითხოვენ - იყიდება თუ არა ფალსიფიცირებული ღვინო რესტორნებში

access_time2019-10-18 10:00:35

პარლამენტის დამოუკიდებელი დეპუტატი ლევან კობერიძე აცხადებს, რომ რესტორნებში ფალსიფიცირებული ღვინო იყიდება. მისი თქმით, საქართველოში რქაწითელისგან დამზადებული ღვინის მოხმარება უფრო დიდია, ვიდრე თავად რქაწითელის მოსავალი. მმართველი გუნდის ყოფილი წევრი საქართველოს მთავრობას უმოქმედობაში ადანაშაულებს.

 

სარესტორნო ბაზარზე ფალსიფიცირებული ღვინო, რომ იყიდება ამას ადასტურებენ მეღვინეებიც. კომპანია „თელავის მარნის“ დირექტორი ზურა რამაზაშვილი მიიჩნევს, რომ დღეს ფალსიფიცირების საკითხი ღვინის ინდუსტრიისთვის მნიშვნელოვანი გამოწვევაა. ბიზნესმენი „კომერსანტთან“ სახელმწიფოს ჩართულობის აუცილებლობაზე საუბრობს და განმარტავს, რომ ჩამოსასხმელი ღვინის კონტროლის გამკაცრება პირველ რიგში, ღვინის გაყიდვის წერტილების ლიცენზირებით უნდა დაიწყოს.

 

„მე მჯერა რომ ჩამოსასხმელი ღვინის რეალიზაციის კონტროლი უნდა გამკაცრდეს და ძალიან მნიშვნელოვანია ღვინის გაყიდვის წერტილების ლიცენზირება, ანუ იმ ადგილების, საიდანაც ჩამოსასხმელი ღვინის გაყიდვა ხდება. მთელს მსოფლიოში ასეა და ჩვენთან სამწუხაროდ ვერ დაინერგა. რა თქმა უნდა არ  შეიძლება აუკრძალო გლეხს და ფერმერს აწარმოოს საკუთარი ღვინო,  მაგრამ თუ მან გადაწყვიტა მისი გაყიდვა,  მაშინ ეს წერტილი, მაღაზია თუ  რესტორანი უნდა აკმაყოფილებდეს გარკვეულ სტანდარტებს . ესაა ღვინის შენახვა, ტემპერატურა, მისი არდაჟანგვა და ასე შემდეგ. შესაძლებელია ფალსიფიცირებას ათასნაირი ფორმა ჰქონდეს, როგორც წყლის დამატებით ასევე სხვა მექანიზმებით, იქნება ეს დუღილის პროცესში ჩარევა თუ სხვა - ამას კონტროლი სჭირდება.“ - ამბობს ზურა რამაზაშვილი.

 

მომხმარებელი ფალსიფიცირებული ღვინის მოხმარებისგან დაცული რომ არის ადასტურებს კომპანია “კახური ტრადიციული მეღვინეობის“ (KTW ჯგუფი) დამფუძნებელი ზურაბ ჩხაიძე. ბიზნესმენის თქმით, სახელმწიფომ საკანონმდებლო დონზე უნდა გადადგას ქმედითი ნაბიჯი, რათა კონტროლის მექანიზმი უფრო მაღალ დონეზე ავიდეს.

 

„ჩემი აზრით, ეს არის მხოლოდ და მხოლოდ კონკრეტული სუბიექტის მოსაზრება. მე შეკითხვას ვსვამ, სად არის სტატისტიკა? რაზე დაყრდნობით საუბრობს? ჩვენ მკითხაობის ფორმით ვერ ვიტყვით რესტორნებში ჩამოსასხმელი ღვინო არის თუ არა ფალსიფიცირებული.როდესაც თემაზე საუბრობ საგანი უნდა გესმოდეს დაწყებული ვენახით, ღვინის გადამუშავებით, ადგილობრივი გაყიდვებით და ექსპორტით. ფალსიფიცირება არის რთული აღსარიცხავი, მიკვლევადობა ძალიან ძნელია, რადგან ჩვენთან მოსახლეობა დამოუკიდებლად აწარმოებს ღვინოს. ვის რამდენი აქვს ოჯახში ღვინო და ვის სად გააქვს ეს არის უკონტროლო. ვიდრე წარმოება არ მოექცევა საბუღალტრო ბადეში, ვფიქრობ ამაზე დიაგნოზის გაკეთება არის ემოციური, ეჭვისა და ვარაუდის დონეზე. კონტროლისთვის არსებობს სურსათის ეროვნული სააგენტო. მკითხაობის დონეზე მე ვერ ჩავალ სიღრმეებში. შეიძლება უკონტროლო ობიექტებზე იყოს გადაცდომა, თუ ვინმეს უნდა კერძო მესაკუთრისგან სახლიდან ყიდვა ამას ჩვენ ვერ მოვშლით. პრობლემის მოსაგვარებლად ეს უნდა იყოს საკანონდებლო დონეზე დარეგულირებული, რათა მევენახეებს უნდა შევუქმნათ  მუშობის პირობა“,- განაცხადა ზურაბ ჩხაიძემ.

 

რადიკალურად განსხვავებული პოზიცია აქვს „შუხმან ვაინსის“ გენერალური დირექტორს ნუცა აბრამაშვილს. ბიზნესმენი მიიჩნევს, რომ სახელმწიფოს ყველა მარნის კონტროლის საშუალება არ აქვს. მისი თქმით, რესტორნებმა თავად უნდა გადახედონ საკუთარ პოლიტიკას- ჰქონდეს თუ არა რესტორანში მაღალი ხარისხის პროდუქცია.

 

„რესტორნებში ჩამოსასხმელი ღვინოები მიეწოდებათ მცირე მარნებისგან და ეს არის გლეხების ხელშეწყობა,  რადგან მათი პროდუქციის რეალიზება ხდება.  რქაწითელი იყიდება იმიტომ, რომ თეთრი ღვინო მარტივად დასალევია სუფრაზე, არის უფრო იაფი და რესტორანს ურჩევნია ეს ღვინო იყიდოს.  საუბარია საბაზისო რესტორნებზე და არ არის გათვლილი მაღალი სეგმენტის რესტორნებზე, ასეთ რესტორნებში არის ძირითადად ბოთლის ღვინო. ჩამოსასხმელი ღვინის კონტროლს რაც შეეხება, ამ შემთხვევაში მთავრობას არ გააჩნია იმდენი მატერიალურ-ტექნიკური რესურსი და საკონტროლო მექანიზმები, რომ ყველა მარანში შეიხედოს და ყველა ქვევრი გახსნას. რქაწითელის ფასს გადაარჩენს მხოლოდ ორი მხარე, გამყიდველი და მყიდველი, ბაზარს არეგულირებს მოთხოვნა, ვერავინ ფასზე ვერ მოახდენს გავლენას“, - ამბობს ნუცა აბრამაშვილი.

 

იყიდება თუ არა ფალსიფიცირებული ღვინო რესტორნებში და კონტროლის რა მექანიზმები აქვს სახელწმიფოს ამ კითხვით სურსათის ეროვნული სააგენტოს მივმართეთ. სააგენტოს უფროსის მოადგილე ვასილ ბასილაძე აცხადებს, რომ 2018- 2019 წლებში ფალსიფიცირების 14 შემთხვევა დაფიქსირდა.

 

„სურსათის ეროვნული სააგენტო აქტიურად აკონტროლებს ალკოჰოლური სასმელების ბაზარს, მონიტორინგის პროგრამის ფარგლებში ყოველწლიურად ხდება ღვინის ნიმუშების აღება და კვლევა ხარისხობრივ მაჩვენებლებზე. 2018- 2019 წლებში აღებულია 160 - მდე ნიმუში, საიდანაც შეუსაბამობა 14 შემთხვევაში დაფიქსირდა, რაზეც სააგენტომ გაატარა კანონმდებლობით გათვალისწინებული ღონისძიებები. კონკრეტულად, ბიზნესოპერატორს დაევალა პროდუქციის ბაზრიდან გამოთხოვა და სააგენტომ განახორციელა ზედამხედველობა ამოღებაზე. ფალსიფიკაციის შემთხვევებს რაც ეხება, ასეთის გამოვლენის შემთხვევაში საქმე შესაბამის სამართალდამცავ უწყებას გადაეცემა“,-განაცხადა ვასილ ბასილაძემ.

 

მიუხედავად იმისა, რომ ტრადიციული ღვინის ქვეყანაში არსებითად მნიშვნელოვანია ღვინის ხარისხი, ფაქტია, რომ მომხმარებელი რესტორნებში ფალსიფიცირებული ღვინის მოხმარებისგან დაცული არ არის.


ბაჩო ადამია, მარიამ მორგოშია





იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up