ელექტროენერგიის გამომუშავება ივნისში, გასული წლის ანალოგიურ პერიოდთან შედარებით მკვეთრად 32.3%-ით 1.323 მლრ კვტ/სთ-მდე გაიზარდა, რის შედეგადაც ივნისის ექსპორტმა 195 მლნ კვტ/სთ, მთელი 2020 წლის მაჩვენებელს 27%-ით გაუსწრო.

გასული წლის იბნისის მსგავსად, წელსაც თბოსადგურებს თითქმის არ უმუშავიათ. ქარის ელექტროსადგურის გამომუშავება 6.6 მლნ კვტ/სთ-დან 7.7 მლნ კვტ/სთ-მდე გაიზარდა, ჰიდროსადგურების კი 993 მლნ კვტ/სთ-დან 1.314 მლრდ კვტ სთ-მდე. ყველაზე მეტად - 75%-ით, 374 მლნ კვტ/სთ-დან 654 მლნ კვტ/სთ-მდე რეაბილიტირებული ენგურჰესის გამომუშავება გაიზარდა.

მიწოდების მსგავსად მკვეთრად - 20.8%-ით 902 მლნ კვტ/სთ-დან 1.090 მლრდ კვტ სთ-მდე გაიზარდა მოხმარებაც. ენერგო-პრო ჯორჯიას აბონენტებისთვის რეგიონებში მოხმარება უმნიშვნელოდ 1.4%-ით 362 მლნ კვტ/სთ-მდე გაიზარდა. 13.2%-ით 231 მლნ კვტ/სთ-მდე გაიზარდა თელსასის მოხმარებაც. რეკორდი კი ისევ ოკუპირებულ აფხაზეთს ეკუთვნის, სადაც მოხმარების ზრდამ 55%-ს მიაღწია და 206 მლნ კვტ/სთ შეადგინა. თუმცა იანვარ-მაისისგან განსხვავებით აფხაზეთის მოხმარება თბილისისას ჩამორჩა.

ყველაზე მეტად - 215%-ით 62 მლნ კვტ/სთ-დან 195 მლნ კვტ/სთ-მდე ივნისში ექსპორტი გაიზარდა. გასულ წელს, არახელსაყრელი კლიმატური პირობების გამო ჰესების გამომუშავება მკვეთრად შემცირდა, რამაც ექსპორტი 15 წლისნ მინიმუმზე - 154 მლნ კვტ/სთ-ზე დაიყვანა. გასულ წელს საქართველომ ელექტროენერგიის ექსპორტისგან შემოსავლის სახლით $7.8 მლნ მიიღო, წელს პირველ 6 თვეში - $11 მლნ.