ივნისიდან უკრაინაში ექსპორტი განვაახლეთ - თბილღვინო

ივნისიდან უკრაინაში ექსპორტი განვაახლეთ - თბილღვინო

access_time2022-08-08 19:00:34

„მიმდინარე წლის ივნისის ბოლოდან ჩვენ უკრაინაში გადატვირთვები განვაახლეთ“ - ამის შესახებ „კომერსანტთან“  ღვინის მწარმოებელი კომპანია ,,თბილღვინოს“ დამფუძნებელმა, ზურაბ მარგველაშვილმა განაცხადა. მისი თქმით „თბილღვინომ“ უკრაინაში ომამდე არსებული პარტნიორების გარდა კიდევ ორი ახალი პარტნიორი გაიჩინა.

 

 „გარდა ომამდე არსებული პარტნიორებისა კიდევ ორი პარტნიორი დავიმატეთ, ერთთან უკვე გადავტვირთეთ კიდეც, რაც შეეხება რუსეთს, ომის დაწყებიდან ერთ თვეში მივიღეთ გადაწყვეტილება, რომ ფინანსური სირთულეების და გრძელვადიანი დაგეგმარების შეუძლებლობის გამო რუსეთში გადაზიდვები შეგვეწყვიტა, ამან რა თქმა უნდა გადატვირთვები მნიშვნელოვნად შეამცირა, თუმცა  კარი გაგვიხსნა ახალი შესაძლებლობების ძიებისკენ და წლის ბოლოს ვგეგმავთ, რომ ის შემცირებები რაც ამ ვითარებამ მოგვაყენა მინიმუმამდე  დავიყვანოთ, თუმცა კონკრეტიკა წლის ბოლოს გვექნება.

 

სტაბილურ ბაზრებზე, სადაც  დიდი ხანია ვიყიდებით იქ ვეძებთ შესაძლებლობებს, პლუს ვმუშაობთ იმ ახალ ბაზრებზეც, რომელიც თავისი მაღალი მოხმარების კულტურით გამოირჩევა,  თუმცა  კონკრეტულ  ციფრებს  ვერ  გაგიჟღერებთ,  იმიტომ რომ ეს  პროცესი  ახლა  მიმდინარეობს, ზოგი წარმატებული იქნება,  ზოგი ნაკლებად წარმატებული, ამიტომ დაველოდოთ მოვლენების განვითარებას“, - აღნიშნა ზურაბ მარგველაშვილმა.


 

თბილღვინოს ღვინო ექსპორტზე 30 -მდე ქვეყანაში გადის, ყველაზე  მსხვილი  ბაზრებია ყაზახეთი, ლიეტუვა, ლატვია, ესტონეთი, დასავლეთ ევროპის  ქვენებს  გაყიდვების დაახლოებით 20%-ს უჭირავს, გარდა ამისა, აშშ, ჩინეთი და სხვა  ქვეყნები. როგორც მარგველაშვილმა აღნიშნა, რომ არა ომი რუსეთის ბაზარზე კო მპანიის მიერ წარმოებული პროდუქციის დაახლოებით 20-21% ღვინო  უნდა გასულიყო.


„საქსტატის მონაცემებით, 2022 წლის იანვარ-ივისში საქართველოდან 34 063.55 ტონა ღვინის ექსპორტი განხორციელდა, 2021 წლის 6 თვეში კი 34 105.98 ტონა. როგორც აღნიშნული მაჩვენებლებიდან ჩანს კლება მიზერულია. 


თაკო კვაჭანტირაძე





ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა

ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა
access_time2022-10-04 17:00:26
4 ოქტომბერის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.78 თეთრით გამყარდა, შედეგად ერთი დოლარის ოფიციალური ღირებულება 2.8150 ლარი გახდა. სებ-ის ცნობით, ეროვნული ვალუტა ევროსთან მიმართებით 2.72 თეთრით გაუფასურდა, შედეგად ერთი ევროს ოფიციალური ღირებულება 2.7860 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...

ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...


მსგავსი სიახლეები

up