„ივნისიდან პროდუქციაზე ფასის მატება გარდაუვალია“ - „კულა“

„ივნისიდან პროდუქციაზე ფასის მატება გარდაუვალია“ - „კულა“

access_time2021-05-04 15:00:33

ამ დრომდე ფასების შენარჩუნება შიდა რესურსის ხარჯზე ხდება - ამის შესახებ „ბიზნესპრესნიუსს“ საკონსერვო ქარხნის „კულას“ დირექტორმა განუცხადა.


ვანო გოგლიძე ამბობს, რომ ივნისიდან პროდუქციაზე ფასის მატება გარდაუვალი იქნება.


,,ბუნებრივია, წარმოებაში ყველაფერი თვითღირებულებაზეა დამოკიდებული. თვითღირებულება გაზრდილია როგორც ნედლეულის, ასევე გაგვეზარდა კომუნალური გადასახადები, რომელიც საწარმოო ხარჯის 15%-ს შეადგენს. ამ ყველაფრიდან გამომდინარე, ივნისიდან პროდუქციაზე ფასის მატება გარდაუვალია. ჯერ არ ვიცით, რამდენად გაიზრდება ღირებულება, ეს დამოკიდებული იქნება ნედლეულის ფასზე. ამ დრომდე ფასის შენარჩუნება შიდა რესურსის ხარჯზე ხდება. პანდემია ისედაც რთული პერიოდი იყო და მით უფრო, რომ ჩვენ არცერთი თანამშრომელი ამ ერთი წლის განმავლობაში არ შეგვიმცირებია“- აცხადებს გოგლიძე.



მისი თქმით, კომპანია მიმდინარე წელს ახალი პროდუქციის დამატებას არ გეგმავს და არსებულის შენარჩუნებაზე იქნება ორიენტირებული.


,,პანდემიამ იმდენად გაართულა საწარმოო პროცესი და ეკონომიკური ვითარება, რომ ნამდვილად ვერ ვიფიქრებთ ახალი პროდუქციის დამატებაზე. ახლა ორიენტირებული ვართ, შევინარჩუნოთ ის, რაც გვაქვს და მოვახდინოთ რეალიზაცია. მესამე ტალღის მოლოდინის პირობებში შეკვეთები ისევ არის, რადგან ხალხი ასეთ დროს უფრო იმარაგებს საკონსერვო პროდუქციას“, - ამბობს გოგლიძე ,,ბიზნესპრესნიუსთან“.


ცნობისთვის, „კულა“ ბაზარზე 2009 წლიდანაა. ამჟამად კომპანიას აქვს 5 საწარმო, აქედან, 4 გორში და 1 ახალციხეში მდებარეობს. „კულა“ აწარმოებს 250 დასახელების საკონსერვო პროდუქციას, რომლებიც ადგილობრივი ბაზრის გარდა, მსოფლიოს 25 ქვეყანაში იყიდება.


bpn.ge


თეგები:
კულა



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up