ივნის-ივლისში სავარაუდოდ, ეკონომიკა ისევ ორნიშნა მაჩვენებლით შემცირდება

ივნის-ივლისში სავარაუდოდ, ეკონომიკა ისევ ორნიშნა მაჩვენებლით შემცირდება

access_time2020-06-30 17:00:23

საქართველოს ეკონომიკა 2020 წლის მაისში, გასული წლის იმავე პერიოდთან შედარებით 13,5%-ით შემცირდა. საქსტატის წინასწარი მონაცემებით, მთლიანი შიდა პროდუქტების მოცულობა მიმდინარე წლის პირველ ხუთი თვეში 5,4 პროცენტით შემცირდა.


„კავკასიის უნივერსიტეტის“ ეკონომიკის სკოლის დეკანი სოსო ბერიკაშვილი „კომერსანტთან“ საუბრისას აღნიშნავს, რომ ივნისი-ივლისში ცოტა უკეთესი სიტუაცია იქნება, თუმცა ორნიშნა უარყოფითი ზრდა მაინც დაფიქსირდება, რადგან ტურიზმი ფაქტობრივად გაჩერებულია.


„13,5%-იან ვარდნაზე ნაკლების მოლოდინი მქონდა, დაახლოებით 10%-ს ვვარაუდობდი, თუმცა ეს შედეგი ყველასთვის გასაგებმა მიზზებმა გამოიწვია. დიდწილად ტურიზმზე ვართ დამოკიდებული, მაისში კი საერთაშორისო ვიზიტორების მხოლოდ 6% არის შემოსული და ისიც ტურისტული მიზნით არა. სავაჭრო  ბრუნვა, სამშენებლო ბიზნესი, ექსპორტ-იმპორტი, რეექსპორტი და ზოგადად ყველაფერი შემცირებულია, თუმცა ეკონომიკაზე უარყოფითად ძირითადად მაინც ტურიზმი აისახა. მაისის მეორე ნახევარში საქართველოში სხვადასხვა ორგანიზაციების გახსნა დაიწყო, თუმცა ბევრი შეზღუდვით და რეგულაციებით. ცხადია, ივნისი-ივლისში ცოტა უკეთესი სიტუაცია გვექნება, მაგრამ ალბათ მაინც ორნიშნა უარყოფითი ზრდა დაფიქსირდება, რადგან ტურიზმი ფაქტობრივად გაჩერებული იქნება. ევროპამ უსაფრთხო ქვეყნების სიაში შეგვიყვანა, მაგრამ ახლა ჯერი ჩვენზეა თუ რამდენად დროულად, თუმცა ფრთხილად გავიხსნებით. წლის განმავლობაში, ჩემი მოლოდინით ეკონომიკის შემცირება 5%-ზე მეტი იქნება, 4%-იანი ვარდნა რაც დეკლარირებული გვაქვს, ეს პროგნოზი საერთაშორისო ორგანიზაციების მხრიდან 15 აპრილს გაკეთდა, თუმცა შემდეგ მსოფლიო სავალუტო ფონდმა  პროგნოზი 1.9 პროცენტული პუნქტით გააუარესა და დაახლოებით ამდენით შემცირდება საქართველოშიც. წლევანდელ წელს პირველი 5 თვის ოფიციალური სტატისტიკით ეკონომიკური ვარდნა 5%-ს გასცდა, ამიტომ მოლოდინები უფრო ნეგატიურია, ვიდრე ადრე“, - განაცხადა სოსო ბერიკაშვილმა.


საქსტატის აღმასრულებელი დირექტორის, გოგიტა თოდრაძის განცხადებით, ეკონომიკურ ზრდაზე ნეგატიური გავლენა დამატებული ღირებულების გადამხდელი საწარმოების ბრუნვის 22.2%-ით შემცირებამ იქონია, ასევე ნეგატიურად აისახა ექსპორტის შემცირებული მაჩვენებელიც.



„საქონლის ექსპორტი 2020 წლის მაისში შემცირებულია დაახლოებით 30 პროცენტით და 235 მილიონი დოლარი შეადგინა. 35 პროცენტითაა შემცირებული იმპორტის მაჩვენებელი. 2020 წლის მაისში ქვეყანაში დარეგისტრირდა 3200-მდე ახალი საწარმო, თუმცა აღნიშნული მაჩვენებელი დაახლოებით 33 პროცენტით ჩამორჩება წინა წლის შესაბამისი პერიოდის მაჩვენებელს. ეკონომიკური ზრდის წინასწარი შეფასებისას გამოყენებულ დღგ-ს გადამხდელ საწარმოთა ბრუნვის მოცულობა დაახლოებით 5.4 მლრდ ლარია, რაც წინა წლის შესაბამისი პერიოდის მაჩვენებელს 22.2 პროცენტით ჩამორჩება“, – აღნიშნა გოგიტა თოდრაძემ.


რაც შეეხება სექტორულ ანალიზს, საქსტატის ხელმძღვანელის ცნობით, მშენებლობის დარგში ინფრასტრუქტურული პროექტების მიმდინარეობის მიუხედავად, გამოვლინდა შემცირების ტენდენცია. შემცირება შეინიშნებოდა როგორც საცხოვრებელი და არასაცხოვრებელი შენობა-ნაგებობების მშენებლობის, ისე სამოქალაქო და სპეციალიზებული სამშენებლო სამუშაოების შესრულების მიმართულებით.


ნინო თამაზაშვილი

 





The Wall Street Journal: ნავთობი სწრაფად ძვირდება

The Wall Street Journal: ნავთობი სწრაფად ძვირდება
access_time2021-03-08 20:30:41
OPEC+-მა ახალ შეთანხმებას მიაღწია, რომელიც მოკლევადიან პერიოდში ნავთობის ბაზარზე მნიშვნელოვან გავლენას მოახდენს - ალიანსის ქვეყნები მოპოვების მაჩვენებელს უცვლელად დატოვებენ. გამონაკლისის სახით, რუსეთს და ყაზახეთს ჯამური მოპოვების დღე-ღამეში 150 000 ბარელით გაზრდის უფლება მიეცა.შესაბამისად, პადნემიამდელ პერიოდთან შედარებით მოპოვების შემცირდება 6,9 მლნ. ბარელი იქნება, მაშინ, როდესაც აპრილში ეს მაჩვენებელ 9 მლნ.-ს...

Focus: ევროკავშირის ერთიანობა ვაქცინაციას ეწირება

Focus: ევროკავშირის ერთიანობა ვაქცინაციას ეწირება
access_time2021-03-08 19:00:31
ევროკავშირის ერთიანი ვაქცინაციის ფრონტი, არასაიმედოობის გამო, იშლება - სულ უფრო ხშირად სხვადასხვა ქვეყნები ინიციატივას საკუთარ თავზე იღებენ. ეს არა მხოლოდ ვაქცინაციის პრობლემებთან, არამედ ევროკავშირში ძალის ახალი ცენტრების გამოჩენასთანაცაა დაკავშირებული.კერძოდ, ავსტრია და დანია ისრაელთან ე.წ.  სავაქცინო ალიანსის შექმნას გეგმავენ. ევროკავშირის რეაქცია ამ დემარშზე მოზომილი იყო - ევროკომისიის წარმომადგენლის ერიკ მამერის თქმით, „ევროკავშირის...

"კომენდანტის გადაწევის შემთხვევაში შეიძლება რესტორნებს რამე ეშველოს" - გურამ ბაღდოშვილი

access_time2021-03-08 14:30:54
სარესტორნო ქსელ „ჩვენის“ დამფუძნებელი, გურამ ბაღდოშვილი „ბიზნესპარტნიორთან“ რესტორნების შიდა სივრცეებში მუშაობის დღეიდან განახლებას ეხმაურება და აცხადებს, რომ შიდა სივრცეებისთვის გამკაცრებული რეგულაციები ისეთია, რომ შესაძლოა რესტორნების ნაწილი არც გაიხსნას.   „ზოგიერთ რესტორანს შიდა სივრცის ნაწილი ძალიან მცირე აქვს, აქედან გამომდინარე მგონია გახსნა არ უღირს. წარმოიდგინეთ, თუ 50 კვადრატული მეტრის ფართი გაქვს, სულ 5-6 ადამიანის მასპინძლობა შეგიძლია,“ - აცხადებს...

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს

ეკვადორი, სომხეთი, კენია - სად ვყიდით და ვყიდულობთ ცოცხალ ყვავილებს
access_time2021-03-08 16:00:00
საქართველოდან ცოცხალი ყვავილების ექსპორტი გაიზარდა, ქვეყანაში იმპორტი კი შემცირდა. კერძოდ, სტატისტიკის ეროვნული სამსახურის მონაცემებით, 2020 წელს საქართველოდან 39 870 აშშ დოლარის ცოცხალი ყვავილები გავიდა, ხოლო 2019 წელს - 28 830 აშშ დოლარის. რაც შეეხება იმპორტს, 2019 წელს საქართველომ 2,531 მლნ დოლარის ყვავილები შეიძინა, ხოლო 2020 წელს - 1,518 მლნ აშშ დოლარის. „ბიზნესპრესნიუსი“ დაინტერესდა, სად ვყიდით და ვყიდულობთ ცოცხალ...

როგორი იქნება გერმანიაში ლეგალურად დასაქმებულების ანაზღაურება?!

როგორი იქნება გერმანიაში ლეგალურად დასაქმებულების ანაზღაურება?!
access_time2021-03-08 12:28:25
საზღვარგარეთ დროებითი დასაქმების მსურველი საქართველოს მოქალაქეებისთვის სარეგისტრაციო პორტალი მიმდინარე წლის 15 თებერვალს ამოქმედდა და გერმანიაში სოფლის მეურნეობის სექტორში, სეზონურ სამუშაოზე ლეგალური დასაქმების მიზნით, საქართველოს 95 000-ზე მეტი მოქალაქე უკვე დარეგისტრირდა.როდის და რა პირობებით შეძლებენ საქართველოს მოქალაქეები გერმანიაში დასაქმებას, როგორია შერჩევის კრიტერიუმები და კიდევ რომელი ქვეყნების დამატება მოხდება...


მსგავსი სიახლეები

up