ივლისში საქართველოში 231 000 ვიზიტორი იმყოფებოდა, რაც პანდემიის დაწყებიდან რეკორდული მაჩვენებელია, თუმცა პანდემიამდელი 2019 წლის მაჩვენებელს 73,8%–ით ჩამორჩება. ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს.
231 000 ვიზიტორიდან 138 412–მა საქართველოს საზღვარი საჰაერო გზით გადაკვეთა.
რეგიონების მიხედვით ვიზიტორთა რაოდენობა ასე ნაწილდება:
– ცენტრალური და აღმოსავლეთ ევროპა – 112 507 (2020 – +387,7%, 2019 – –79,8%);
– ჩრდილოეთ ევროპა – 2 132 (2020 – +4534,8%, 2019 – –70,3%);
– სამხრეთ ევროპა – 2 199 (2020 – +1291,8%, 2019 – –69,4%);
– დასავლეთ ევროპა – 5 795 (2020 – +3869,2%, 2019 – –70%);
– აღმოსავლეთ/ხმელთაშუა ევროპა – 18 346 (2020 – +187%, 2019 – –70,6%);
– ამერიკა – 3 430 (2020 – +2141,8%, 2019 – –50,8%);
– აღმოსავლეთ აზია/წყნარი ოკეანის აუზი – 13 200 (2020 – +17 268,4%, 2019 – –55,7%);
– აფრიკა – 1 263 (2020 – +42 000%, 2019 – +48,4%).
რაც შეეხება ქვეყნების ჩამონათვალს ვიზიტორთა რაოდენობის მიხედვით, პირველ ადგილზე თურქეთია 35 045 ვიზიტორით, მეორე ადგილს რუსეთის ფედერაცია იკავებს – 25 059 ვიზიტორი და პირველ სამეულს 24 485 ვიზიტორით უკრაინა კრავს.
ივნისში საქართველომ საერთაშორისო ტურიზმიდან შემოსავლის სახით $122.5 მლნ მიიღო, რაც პანდემიის დაწყების შემდეგ ტურისტული შემოსავლის რეკორდული მოცულობაა. საქართველოს ეროვნული ბანკის მონაცემებით, მთლიანობაში მიმდინარე წლის 6 თვეში ეკონომიკამ ტურიზმიდან $299.5 მლნ–ის შემოსავალი მიიღო. ივლისის ტურისტული შემოსავლის შესახებ ცნობილი სავარაუდოდ რამდენიმე კვირაში გახდება ცნობილი.