სატყეო სამსახურის მიერ  სოფელ ზემო ხოდაშენში განხორციელებულ ხეების გეგმიურ ჭრას  მოსახლეობა  აპროტესტებს

სატყეო სამსახურის მიერ სოფელ ზემო ხოდაშენში განხორციელებულ ხეების გეგმიურ ჭრას მოსახლეობა აპროტესტებს

access_time2019-08-30 15:30:07

„90-იან წლებში თელავის ტყის მასივი მთლიანად გავანადგურეთ, იმიტომ რომ იცით რა პირობებშიც ვცხოვრობდით.  ახმეტის მუნიციპალიტეტში ჯერ კიდევ შემორჩენილია ტყის მასივი და ახლა ამას ვანადგურებთ.  თუ ამ ყველაფრის რეგულირება არ მოხდა ,   დიდი კატასტროფის წინაშე დავდგებით. ივანიშვილს რომ თავის დროზე დაპირება შეესრულებინა და გაზი გაეიაფებინა, ეს ლეგალური ეკოციდი აღარ გვექნებოდა,“ - ამბობს ლეიბორისტული პარტიის კახეთის რეგიონის ხელმძღვანელი ნიკა ვარდოშვილი, რომელმაც ახმეტის რაიონში მოჭრილი ხეების სასაწყობე ტერიტორიის ამსახველი ვიდეომასალა სოციალურ ქსელში გაავრცელა. მისი თქმით, ადგილობრივი მოსახლეობის ერთერთი მთავარი გულისტკივილია ამ მხარეში ხეების დიდი რაოდენობით ჭრა.



„ეს ვიდეომასალა არის სოფელ ზემო ხოდაშენში გადაღებული, ღვინის ქარხანა ბადაგონიდან“ მაქსიმუმ 1 კილომეტრში. ამ ხეებზე სწორი ინფორმაცია ვერავინ მომცა. სოფლის მოსახლეობამ გამაგებინა, რომ ძალიან არიან შეწუხებულები,  იქ სამასალე მორებიც იყო, არა მხოლოდ შეშა.  სოფლის მოსახლეობის თქმით, აქ   ხეები სისტემატიურად იჭრება და თან ძალიან დიდი რაოდენობით.   ვერ დავადგინეთ ვინ ჭრის. შეიძლება კანონიერად იჭრება, მაგრამ ამას არსებითი მნიშვნელობა არ აქვს, რადგან ტყე მაინც ნადგურდება, - ამბობს „კომერსანტთან“ ინტერვიუში ნიკა ვარდოშვილი.



რამდენად ხშირად იჭრება ამ რეგიონში ხეები უკანონოდ, კონტროლის რა მექანიზმები არსებობს უკანონო ჭრის წინააღმდეგ და კანონიერი მოჭრის ფაქტები რამდენად უქმნის საფრთხეს ეკოსისტემას - ამასთან დაკავშირებით „კომერსანტი“ კახეთის სატყეო სამსახურს დაუკავშირდა, რომელმაც ჩვენთან საუბარში განმარტა, რომ ახმეტის რაიონში, ხეების მოჭრის ზემოთ ხსენებული კონკრეტული შემთხვევა სპეციალური ჭრის კატეგორიას განეკუთვნება და ყველაფერი კანონმდებლობის დაცვით ხდება.


„ზემო ხოდაშენზე ხეების მოჭრის ფაქტები, რაზეც მოსახლეობა ჩივის , კანონმდებლობით  სრულად არის დაცული.  ეს არის სპეციალური ჭრა, რაც ნიშნავს იმას, რომ ვნახულობთ ტყეს და ვარჩევთ მოსაჭრელ ხეებს. გათვალისწინებულია ტყის ასაკი, სიხშირე, ამის შემდეგ ვაკეთებთ საკვლევებს და გაგვაქვს ტენდერზე.  ვინც იქნება გამარჯვებული ამ ტენდერში,  შედის და ჩვენი მეთვალყურეობის ქვეშ მხოლოდ და მხოლოდ დანომრილ ხეებს ჭრის, რომელიც შერჩეულია საბიუჯეტო ორგანიზაციებისთვის - სკოლები, ბაღები, მუნიციპალური ადგილები, მუსიკალური სასწავლებლები, სახანძროები, საგუშაგოები და ა.შ.  კახეთის რაიონში ყოველი წლის ბოლოს მომავლი წლისთვის ასეთ საბიუჯეტო დაწესებულებებში შესატანი შეშის რაოდენობას ვგეგმავთ.  მაგალითად, წელს მოთხოვნა არის დაახლოებით 9000 კუბური მეტრი შეშის მიწოდებაზე. ასე რომ, ყოველგვარი კანონმდებლობის დაცვით ხდება ამ ტყის ათვისება.  ზემო ხოდაშენზე წინა წლებში არ იყო ტყის მოჭრის ფაქტები და ეტყობა მოსახლეობას  წელს თვალში მოხვდა მოჭრილი ხეები. სინამდვილეში, ეს არის ჩვენი დასაწყობების ადგილი, ტყიდან ჩამოგვაქვს შეშა და იქიდან ძირითადად მარაგდება თელავი, ახმეტის რაიონი და  პანკისი მთლიანად.



რაც შეეხება ტყის მასივისთვის მიყენებულ ზიანს - კახეთის ტყეებს აქვთ თვითაღდგენის უნიკალური თვისება.  ანუ ძველი გადაბერებული ხე უნდა მოიჭრას, რათა ახალი გაიზარდოს. ამას კახეთის სატყეო სამსახურის მეტყევე სპეციალისტები არჩევენ,“- ამბობს კახეთის სატყეო სამსახურის უფროსი გელა კომლაძე




კახეთის სატყეო სამსახურს კითხვა უკანონო ჭრის შემთხვევებზეც დავუსვით. კითხვაზე    რამდენად პრობლემატურია ამ მიმართულებით კახეთის რეგიონი,  ამასთან დაკავშირებით გელა კომლაძემ აღნიშნა, რომ საქართველოს რეგიონებში ხის უკანონო მოჭრის საკმაოდ ბევრი ფაქტია და არც კახეთია გამონაკლისი, თუმცა 2020 წლიდან ძალაში შედის ახალი კანონი, რომელიც ამ ყველაფერს მინიმუმამდე დაიყვანს.  



„ეს პრობლემა მთელს საქართველოში დგას. საჭირო ბერკეტი უკანონო ჭრის  აღმოსაფხვრელად ამ ეტაპზე არ გვაქვს, მაგრამ მომავლი წლიდან ტყის დაცვა გარემოს დაცვის ზედამხედველობის სამსახურს დაევალება. რაც შეეხება იმას თუ რატომ იჭრება, შემიძლია გითხრათ, რომ კახეთის მაღალმთიან რეგიონებზე 15 კუბური მეტრი შეშის მიწოდება არის გათვალისწინებული, დაბალმთიანებზე კი 7 კუბური მეტრი.  მაშასადამე ვერავინ იტყვის, რომ ვიღაცას შეშა უნდა და ვერ მარაგდება საკმარისად.  გააჩნია, ვინ როგორ მოიხმარს.


როგორც გელა კომლაძე აცხადებს,  უკანონოდ ხის მოჭრაზე შესაძლოა ჯარიმების ნაცვლად  სისხლის სამართლის პასუხისმგებლობა დაწესდეს.

დღევანდელი კანონმდებლობით ჯარიმები 500 ლარიდან იწყება და 1000 ლარამდე აღწევს. 



კახეთის რეგიონში სპეციალური მოჭრის პრინციპით  ძირითადად რცხილა და წიფელის ხეები იჭრება. როგორც ცნობილია, ამ რეგიონში 320 ათას ჰექტარზეა გავრცელებული ტყის მასივი.   



ახალი რეფორმა, რომელიც 2019 წლის 1 იანვრიდან განიხილება ამჟამად  პარლამენტისგან დამტკიცებას ელოდება. 2020 წლიდან მისი ძალაში შესვლის შემდგომ, ტყეში მხოლოდ სატყეო სამსახურის წარმომადგენლები დაიშვებიან და მათ მიერ მოხდება ხის შერჩევა-მოჭრა და დამზადება, ხოლო დაინტერესებულ პირს  შეშის შეძენა მათი მეშვეობით შეეძლბა.

 

მარიამ მორგოშია

 





„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“
access_time2019-11-12 17:30:57
„ანაბრების არსებობა მნიშვნელოვანია ეკონომიკისთვის. ბანკი ანაბრებს იზიდავს და შემდგომ გასცემს სესხებს, შესაბამისად, რაც უფრო მეტი თანხა იზოგება ლარში, მით უფრო მეტი საშუალებაა,რომ ეკონომიკა დაკრედიტდეს და უცხოეთიდან არ შემოვიტანოთ თანხა,“ - აღნიშნავს რადიო კომერსანტის რუბრიკა ფინანსურ მრჩეველში გიორგი კეპულაძე. მისი ინფორმაციით, არსებობს რამდენიმე ტიპის ანაბარი, მათ შორისაა, ვადიანი ანაბარი, როცა დიდ თანხას ვდებთ ბანკში და მას გარკვეული დროის შემდეგ პროცენტი...


მსგავსი სიახლეები

up