რეზონანსი - ფონდი ქართუ 1,5-მილიარდიანი ვალის გასანულებლად მხოლოდ 30-40%-ს გადაიხდის

რეზონანსი - ფონდი ქართუ 1,5-მილიარდიანი ვალის გასანულებლად მხოლოდ 30-40%-ს გადაიხდის

access_time2018-11-22 16:00:00


ფონდი „ქართუ” მოქალაქეების სასესხო დავალიანების დაახლოებით 30-40%-ს გადაიხდის. ამ თანხის ზუსტი ოდენობა გასაიდუმლოებულია, თუმცა პრაქტიკიდან გამომდინარე, ცნობილია ის სავარაუდო მაჩვენებელი, რა დონეზეც „ცოცხლდება” უიმედო ვალები.


როგორც გაზეთი „რეზონანსი” წერს, ფინანსური ორგანიზაციების წარმომადგენლების შეფასებით, ეს შეიძლება იყოს არსებული დავალიანების 20-40%-ის ფარგლებში.



ფონდი „ქართუ” რომ გაცილებით ნაკლებ თანხას გადაიხდის 600 000 მოქალაქის უიმედო ვალის ჩამოწერაში, ნაწილობრივ ადასტურებს დარგობრივი ეკონომიკისა და ეკონომიკური პოლიტიკის კომიტეტის თავმჯდომარე რომან კაკულია, რომლის განცხადებითაც, საფინანსო სექტორთან მოლაპარაკებისას გაცილებით ნაკლებ თანხაზე იქნებოდა საუბარი.



მიუხედავად ამისა, ბიძინა ივანიშვილის გადადგმულ ნაბიჯს ეს სულაც არ აკნინებს. მთავარია, რომ მოსახლეობას ეს ვალდებულება ჩამოეწერება, ხოლო თუ რა დაუჯდება „ქართუს” მსესხებელთა ვალდებულებების გადახდა, ეს საერთოდ განყენებული საკითხია. მნიშვნელოვანია, რომ იანვრიდან ბევრ ადამიანს მიეცემა საშუალება, მოიხსნას სასესხო ტვირთი და ამით შეუმსუბუქდეს მდგომარეობა. ამ შემთხვევაში ვგულისხმობთ არა სესხის სიმძიმეს, არამედ ამ გაუსტუმრებელი ვალებისგან შექმნილ პრობლემას, რაც მოქალაქეებს ყოველდღიურ ცხოვრებაში სერიოზულ დაბრკოლებას უქმნის.


როგორც უმრავლესობის დეპუტატმა რომან კაკულიამ აღნიშნა, გამორიცხული არ არის, ფონდ „ქართუსა” და საფინანსო ინსტიტუტებს შორის ისეთი ტიპის მოლაპარაკება შედგა, რომლითაც ყველა მხარე მოგებული დარჩება. საფინანსო ინსტიტუტის პორტფელის შესყიდვისას, თითოეულ მათგანში დაფიქსირებული თანხის ავტომატურ რეჟიმში შესყიდვა არ ხდება. შესაბამისად, არ უნდა იქნას გაგებული ისე, რომ ფონდ “ქართუს” ავტომატურად 1,5 მლრდ ლარის გადახდა უწევს, რაც სასესხო დავალიანების ჯამურ ოდენობას შეადგენს.



„უშუალოდ მოლაპარაკებაში ჩართული არ ვყოფილვარ და ამის საჭიროებას არც ვხედავ. მე ვიცოდი, რომ ეს მოლაპარაკებები მიმდინარეობდა. თემა ვიცოდი, მიზანი და ყველაფერს ვეთანხმები. თუმცა თითოეული საფინანსო ინსტიტუტის პორტფელი, რომლის შესყიდვაც მოხდება, იმას არ ნიშნავს, რომ თითოეულ მათგანში დაფიქსირებული თანხის ავტომატურ რეჟიმში შესყიდვა უნდა მოხდეს.


თუ პირობითად ავიღებთ 100 მსესხებელს, რომელზეც ფინანსურ ინსტიტუტს გაცემული აქვს კრედიტები, მათგან ამავე ინსტიტუტს შეფასებული აქვს, რომ სესხის დაბრუნების შანსი აქვს 100%, ვიღაცას 50% და ა. შ. ამ მოლაპარაკებებში შენთვის მისაღები პირობა შეიძლება იყოს, რომ გარანტირებულად მიიღო 30 მსესხებელთან დაკავშირებული თანხა და ამის სანაცვლოდ უარი თქვა დანარჩენ 70%-ზე. არ გამოვრიცხავ ასეთი ტიპის მოლაპარაკებას, რომლითაც ორივე მხარე მოგებული იქნება და რაც მთავარია, საბოლოო ჯამში მოგებული იქნება ის 600 ათასი ბენეფიციარი, რომელზეც არის გათვლილი ეს გადაწყვეტილება.


უშუალოდ მოლაპარაკების დეტალები, სავარაუდოდ, კომერციულ საიდუმლოებად დარჩება, მაგრამ არც ველი, რომ რადგან პორტფელი მთლიანობაში 1 მილიარდ 500 მილიონად შეფასდა. ეს თანხა უნდა დაფიქსირდეს საბოლოო ჯამში, როგორც ჯამი გარიგებებისა. ეს არც არის საჭირო რომ მოხდეს. კომერციული მოლაპარაკებები იმას ნიშნავს, რომ ორივე მხარისთვის მისაღები გადაწყვეტილება იქნას მიღებული”, – განუცხადა „აიპიენს” კაკულიამ.


„რეზონანსი” დაინტერესდა, ვადაგადაცილებული და უიმედო სესხების შემთხვევაში კომპანია რამდენპროცენტიან დათმობაზე მიდის. როგორია ამ მხრივ პრაქტიკა და სავარაუდოდ, რა ოდენობის თანხის გადახდა მოუწევს ფონდს, რომელმაც მოქალაქეების შეუსრულებელი ვალდებულებები იკისრა.


არასაბანკო ფინანსურ დაწესებულებათა ხელმძღვანელმა ირაკლი ბერძენაძემ უშუალოდ დაასახელა კონკრეტული ციფრები, თუ როგორ ხდება გარიგება უიმედო ვალების გამოსყიდვასთან დაკავშირებით. როგორც წესი, დაინტერესებული მხარე 20-დან 40%-მდე თანხას იხდის, დანარჩენზე საფინანსო ორგანიზაციები თვალს ხუჭავენ.


„ბანკებისთვის ფონდ „ქართუს” ინიციატივა მნიშვნელოვანია, რადგან ამ თანხის ამოღება რეალურად სერიოზულ პრობლემას წარმოადგენდა. ხშირ შემთხვევაში კი, ვალის დაბრუნება საერთოდ შეუძლებელი იყო.



რაც შეეხება ფონდის მიერ რეალურად გადასახდელ თანხას, ამაზე დაზუსტებით ვერ ვისაუბრებთ, თუმცა პრაქტიკიდან გამომდინარე გარკვეული ვარაუდის გაკეთება შესაძლებელია. რა თქმა უნდა, გააჩნია სესხის კატეგორიას, ვადიანობას და ამოღების მექანიზმს.


გარკვეულ დათმობაზე საფინანსო სექტორი წავა, ეს ცხადზე ცხადია. ასეთ შემთხვევაში რეალურად გადასახდელი თანხის მოცულობა შეიძლება 20%-დან 40%-მდე ვივარაუდოთ. რამდენადაც ვიცი 150 ათასი მსესხებელი იყო სიღარიბის ზღვრის ქვემოთ, ანუ სოციალურად დაუცველი სტატუსის მქონე. უნდა ჩავთვალოთ, რომ ფინანსურ ორგანიზაციას მათგან სესხის ამოღების შანსი არც ჰქონდა. ეს ფაქტობრივად, მკვდარი ფულია, ბანკები ვერასდროს ამოიღებდნენ და „ქართუს” მეშვეობით ამ სესხს ახალი სიცოცხლე დაუბრუნდა, ამით ზარალი შემცირდება.



ყველაზე მეტი პლუსია ის, რომ ამ ფულს გაუშვებენ მიმოქცევაში. შეღავათი ასეთ შემთხვევაში გაცილებით დიდია. ბოლო წლების განმავლობაში პირველად გაჩნდა იმედი, რომ ფონდის დახმარებით შეძლებენ ამ თანხის ამოღებას;”, – განუცხადა „რეზონანსს” ბერძენაძემ.


რეზონანსი





ქართული მოცვი ევროპაში ვერ გადის

ქართული მოცვი ევროპაში ვერ გადის
access_time2020-09-23 16:00:59
იმის მიუხედავად, რომ ლურჯ მოცვზე საქართველოში ევროკავშირში შესაძლო ექსპორტის მხრივ დიდ იმედებს ამყარებდნენ, ამ პროდუქტმა ევროპის ბაზარზე ადგილი ჯერ ვერ დაიმკვიდრა.   2020 წლის განვლილ პერიოდში ექსპორტზე 650 ტ ლურჯი მოცვი გავიდა, თუმცა 99% გაიყიდა რუსეთში.   კომპანია „ეფკოს“ დირექტორის იოანე მორჩილაძეს თქმით, ქართული ლურჯი მოცვი სრულფასოვნად ევროპაში ექსპორტზე არც გასულა.   „თუ ვსაუბრობთ მნიშვნელოვან რაოდენობაზე, ევროკავშირში ექსპორტი...

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე

პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის - კობა გვენეტაძე
access_time2020-09-23 15:30:13
საქართველოს ეროვნული ბანკის პრეზიდენტი კობა გვენეტაძე ლარის გაცვლითი კურსის შესახებ საკუთარ facebook გვერდზე პოსტს აქვეყნებს. კობა გვენეტაძის განცხადებით, პანდემიის პერიოდში განხორციელებული ინტერვენციები ლარის კურსის საბაზრო ქცევას ხელს არ უშლის. ეროვნული ბანკის პრეზიდენტი კობა გვენეტაძის პოსტს „კომერსანტი“ უცვლელად გთავაზობთ: „ბოლო დროს ხშირად ისმის განცხადებები: „ეროვნულმა ბანკმა XX მილიონი დოლარი გაყიდა, მაგრამ ლარი მაინც ვერ გაამყარა“. ეს...

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო

ევროპის რეკონსტრუქციისა და განვითარების ბანკმა (EBRD) საქართველოს ნავთობისა და გაზის კორპორაციას ევროობლიგაციების რეფინანსირებისთვის, 217 მილიონი ევრო გამოუყო
access_time2020-09-23 10:30:22
საქართველოს ნავთობისა და გაზის კორპორაცია ევროპის რეკონსტრუქციისა და განვითარების ბანკისგან 217 მილიონ ევროს მიიღებს, რომელიც ევროობლიგაციების რეფინანსირებისთვის გამოიყო. სესხის ხელშეკრულება საქართველოს ნავთობისა და გაზის კორპორაციის მიერ ლონდონის საფონდო ბირჟაზე განთავსებული 250 მილიონი აშშ დოლარის ღირებულების ევროობლიგაციების სრულ რეფინანსირებას ითვალისწინებს. არსებული ევროობლიგაციები კორპორაციამ  2016 წელს 5 წლის ვადით განათავსა და გრაფიკის მიხედვით იგი სრულად 2021 წლის აპრილში უნდა...

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე

ექიმი ვახტანგ ყიფიანი ჯანდაცვის მინისტრის ეკატერინე ტიკარაძის პირადი პატიმარია - ლევან კობერიძე
access_time2020-09-23 14:40:33
„ექიმი ვახტანგ ყიფიანი  არის ჯანდაცვის მინისტრის ეკატერინე ტიკარაძის პირადი პატიმარი - ასე  გამოეხმაურა პარტია „ლელოს“ ვაკის ოლქის მაჟორიტარობის კანდიდატი ლევან კობერიძე ექიმ ვახტანგ ყიფიანის პატიმრობას. კობერიძის განმარტებით ექიმი ვახტანგ ყიფიანი უკანონო პატიმრობაში იმყოფება. „მინდა  უბრალოდ კონცენტრაცია გავაკეთო ჩვენი კოლეგების კოლეგის ვახტანგ  ყიფიანის უკანონო პატიმრობასთან დაკავშირებით. თქვენ იცით ეს შემთხვევა, ბატონი ვახტანგი ბოლო...

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს

13:00 საათის მონაცემებით, Bloomberg-ზე ერთი დოლარი 3.2600 ლარად ივაჭრება, ბანკებში კი 1 დოლარი 3.2940 ლარი ღირს
access_time2020-09-23 13:05:21
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2600 ლარად ივაჭრება. პლატფორმაზე ვაჭრობა დღეს 3.2520 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2537 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.2940 ლარადაა შესაძლებელი, ხოლო მისი გაყიდვა - 3.2100 ლარად. „საქართველოს ბანკში“ 1 დოლარის ყიდვა 3.2920 ლარადაა...


მსგავსი სიახლეები

up