ივანე მაჭავარიანი მსოფლიო ბანკის პრეზიდენტის ხელმძღვანელობით გამართულ ვიდეოკონფერენციას დაესწრო

ივანე მაჭავარიანი მსოფლიო ბანკის პრეზიდენტის ხელმძღვანელობით გამართულ ვიდეოკონფერენციას დაესწრო

access_time2020-09-15 20:00:08

საქართველოს ფინანსთა მინისტრი ივანე მაჭავარიანი სიტყვით გამოვიდა მსოფლიო ბანკის ევროპისა და ცენტრალური აზიის რეგიონში შემავალი ქვეყნების წარმომადგენელთა შეხვედრაზე, რომელშიც მონაწილეობა მიიღეს მსოფლიო ბანკის პრეზიდენტმა დევიდ მალპასმა, ბანკის ვიცე-პრეზიდენტმა ანა ბიერდემ, საერთაშორისო საფინანსო კორპორაციის ვიცე-პრეზიდენტმა ჯორჯინა ბეიქერმა, ბანკის აღმასრულებელმა დირექტორმა კოენ დევიდსმა. ინფორმაციას ფინანსთა სამინისტრო ავრცელებს.



შეხვედრა ვიდოკონფერენციის ფორმატში შედგა და მას აღნიშნულ რეგიონში შემავალი 13 ქვეყნის ფინანსთა მინისტრი და მსოფლიო ბანკის მმართველი დაესწრო.



მონაწილეებმა მიმოიხილეს გლობალური პანდემიის გამო მსოფლიო ეკონომიკაში არსებული გამოწვევები, ასევე როგორი შეიძლება იყოს საერთაშირისო ფინანსური ინსტიტუტების, მათ შორის, მსოფლიო ბანკის როლი, როგორც COVID-19-ის წინააღმდეგ ბრძოლის მიმართულებით, ისე ქვეყნების ეკონომიკური გაჯანსაღების პროცესში.



საქართველოზე საუბრისას, მსოფლიო ბანკის პრეზიდენტმა დევიდ მალპასმა ხაზი გაუსვა მსოფლიო ბანკის მიერ საქართველოსთვის „COVID-19-ის წინააღმდეგ სწრაფი რეაგირების პროექტის“ მნიშვნელობას და აღნიშნა, რომ ბანკი მომავალშიც გააგრძელებს საქართველოს მხარდაჭერას.




სიტყვით გამოსვლისას, ივანე მაჭავარიანმა ყურადღება გაამახვილა საქართველოს ეკონომიკაში დღეს არსებულ ვითარებაზე, პანდემიის დაწყებიდან, ვირუსის გავრცელების შეკავების მიმართულებით გადადგმულ ეფექტურ ღონისძიებებზე, ხაზი გაუსვა რა მსოფლიო ბანკის ფინანსური მხარდაჭერის მნიშვნელობას.



„ბოლო წლებში, საქართველოს ეკონომიკა სტაბილურად, 5 პროცენტის ფარგლებში იზრდებოდა, თუმცა მას შემდეგ მოჰყვა 2020 წელი - პანდემიის წელი. Covid-19-მა სტრესის ქვეშ დააყენა როგორც გლობალური ჯანდაცვა, ისე სოციალური და ეკონომიკური სისტემები. შოკის სიმძლავრე იმდენად დიდია, რომ მტკიცე საგარეო ჩართულობის გარეშე, მისი დაძლევა შეუძლებელია, განსაკუთრებით, დაბალი და საშუალო შემოსავლის მქონე ქვეყნებისთვის. სწორედ ამიტომ, მსოფლიო ბანკის მხრიდან საქართველოსთვის გაწეული მხარდაჭერა იყო ძალიან დროული და არსებითი“, - განაცხადა ფინანსთა მინისტრმა.



როგორც მან აღნიშნა, მსოფლიო ბანკმა საქართველოში 80 მილიონი აშშ დოლარის ღირებულების მხარდაჭერის ინიცირება მოახდინა.



„ეს არ არის მხოლოდ ფინანსური მხარდაჭერის პროგრამა. პროექტმა მნიშვნელოვანი წვლილი შეიტანა ქვეყნის სოციალური მხარდაჭერის სრულყოფაში. ასევე, ხაზგასასმელია ბანკის დახმარება ჯანდაცვას სფეროში, რამაც საშუალება მოგვცა, დროულად გვქონოდა წვდომა ჯანდაცვის სისტემისთვის აუცილებელ აღჭურვილობაზე“, - აღნიშნა ივანე მაჭავარიანმა.




სიტყვით გამოსვლისას, ფინანსთა მინისტრმა, ასევე, ხაზი გაუსვა პოსტკრიზისულ პერიოდში ეკონომიკის აღდგენისთვის აუცილებელ ერთობლივ ძალისხმევას.



„ის შედეგები, რომელიც აისახა ეკონომიკაზე, იქნება გრძელვადიანი. Covid-ის შემდგომი ეკონომიკები არ იქნება ისეთივე, როგორიც იყო Covid-ის წინა პერიოდში, რაც მოითხოვს შესაბამისი ქმედებების განხორციელებას ეკონომიკის აღსადგენად. ეს არის საკითხი, რომელზეც ჩვენ გვესაჭიროება განუწყვეტელი მუშაობა იმისთვის, რომ მივიღოთ სწორი გადაწყვეტილებები“, - აღნიშნა ფინანსთა მინისტრმა ივანე მაჭავარიანმა.








სექტორები,რომლებმაც 50%-ზე მეტი შემოსავალი დაკარგეს - PWC–ის კვლევა

სექტორები,რომლებმაც 50%-ზე მეტი შემოსავალი დაკარგეს - PWC–ის კვლევა
access_time2020-11-25 17:00:38
მაის-ივლისში ყველაზე მეტად დაზარალებული სექტორები, რომლებმაც 50%-ზე მეტი შემოსავალი დაკარგეს, სასტუმრო და სარესტორნო ბიზნესია (84%). აღნიშნული ტენდენცია  PwC–ის მიერ ინვესტორთა საბჭოსა და ევროპის რეკონსტრუქციის ბანკის (EBRD) მხარდაჭერით განხორციელებულმა კვლევამ აჩვენა.   დოკუმენტის მიხედვით, შემოსავალი დაკარგა  სოფლის, სატყეო და თევზის მეურნეობებმა (59%) და სამშენებლო ბიზნესმა (36%).   საფინანსო და სადაზღვევო და გადამამუშავებელი მრეწველობის...

თბილისი-ნიუ-იორკს შორის პირდაპირი ავიამიმოსვლის დაწყება იგეგმება

თბილისი-ნიუ-იორკს შორის პირდაპირი ავიამიმოსვლის დაწყება იგეგმება
access_time2020-11-25 16:00:32
Air Georgia-ს საქართველოში Airbus 330-300 ხომალდის ჩამოყვანის შემდეგ ნიუ-იორკში პირდაპირი რეისის განხორციელების სურვილი აქვს. კომპანიის დამფუძნებელი, გიორგი კოდუა განმარტავს, რომ ხომალდს მსგავსი რეისის განხორციელების ყველა შესაძლებლობა აქვს.   „უკვე მოვაწერეთ ხელი პროექტს დიდ ფუჟელაჟიანი თვითმფრინავის ჩამოყვანაზე. ბოლო 30 წლის განმავლობაში საქართველოს ავიაკომპანიას არასოდეს ჰქონია დიდი გაბარიტების სამგზავრო თვითმფრინავი, რომ განეხორციელებინოს თბილისი-ნიუ-იორკის,...

„უპრეცენდენტო მასშტაბის, 35 %-იანი ჰოსპიტალიზაცია ჯანდაცვის სისტემის კოლაფსს გამოიწვევს“ - გიორგი კანდელაკი

„უპრეცენდენტო მასშტაბის, 35 %-იანი ჰოსპიტალიზაცია ჯანდაცვის სისტემის კოლაფსს გამოიწვევს“ -  გიორგი კანდელაკი
access_time2020-11-25 15:00:20
„დღეს ჩვენ გვაქვს გამოვლენილი შემთხვევების 30-35% -იანი ჰოსპიტალიზაციის ჯერ არნახული, არსად გაგონილი, საღი აზრისთვის მიუწვდომელი მასშტაბი. “ -  ამის  შესახებ განცხადებას  აშშ–ში, ჯორჯიის შტატში მდებარე ემორის უნივერსიტეტის სამედიცინო სკოლის ასისტენტ პროფესორი და ინფექციონისტი გიორგი კანდელაკი ავრცელებს. მისი თქმით, ვითარებითან გამოსვლის ერთი ძალიან მარტივი  გზა არსებობს,  რომელსაც არც ტექნოლოგიური და  არც მეცნიერული  პოტენციალი სჭირდება,...

ნავთობის ფასის მატების პარალელურად საწვავის ფასიც იზრდება

ნავთობის ფასის მატების პარალელურად საწვავის ფასიც იზრდება
access_time2020-11-25 11:55:00
ნავთობის ფასის მატების პარალელურად საწვავის ფასიც იზრდება, ამის შესახებ ინფორმაციას ნავთობპროდუქტების იმპორტიორთა კავშირი ავრცელებს. არასამთავრობო ორგანიზაციის განცხადებას კომერსანტი უცვლელად გთავაზობთ: „ბოლო პერიოდში ნავთობის ფასი ძირითადად იზრდება და ყველაზე მაღალ მაჩვენებელზე დგას მარტის თვის შემდეგ.  კერძოდ, მიმდინარე წლის ნოემბრის თვის დასაწყისიდან დღემდე ნავთობის ფასი  ლონდონის Inter Continental Exchange Futures...

ლიბერთის აქცია #გულით პედაგოგებისთვის გრძელდება

ლიბერთის აქცია #გულით პედაგოგებისთვის გრძელდება
access_time2020-11-25 09:55:55
ლიბერთის შეთავაზება, სპეციალურად პედაგოგებისთვის, სამომხმარებლო სესხებზე გრძელდება. აქციის ფარგლებში, პედაგოგები, რომლებიც აიღებენ ან სხვა ბანკიდან გადმოიტანენ სამომხმარებლო სესხს, ისარგებლებენ 3 თვემდე საშეღავათო პერიოდით, რაც ნიშნავს საშეღავათო პერიოდის...


მსგავსი სიახლეები

up