ივანე მაჭავარიანი: ჩვენ უნდა ავიღოთ იმდენი ვალი, რამდენიც  აუცილებელია იმისთვის, რომ ერთი -  დავძლიოთ კრიზისი და მეორე -  დავასტიმულიროთ პოსტკრიზისული პერიოდი

ივანე მაჭავარიანი: ჩვენ უნდა ავიღოთ იმდენი ვალი, რამდენიც აუცილებელია იმისთვის, რომ ერთი - დავძლიოთ კრიზისი და მეორე - დავასტიმულიროთ პოსტკრიზისული პერიოდი

access_time2020-05-06 09:20:02

„საერთაშორისო დონაციის პოტენციალი ამოწურული არ არის, მაგრამ ეს არ ნიშნავს იმას, რომ უპასუხიმგებლოდ უნდა ავიღოთ ვალები. საბოლოო ჯამში, ჩვენ უნდა ავიღოთ იმდენი ვალი და იმდენი დაფინანსება, რამდენიც აუცილებელია იმისთვის, რომ ერთი - დავძლიოთ კრიზისი და მეორე - დავასტიმულიროთ პოსტკრიზისული პერიოდი“, - განაცხადა ფინანსთა მინისტრმა ივანე მაჭავარიანმა ტელეკომპანია „იმედის" ეთერში სტუმრობისას. ინფორმაციას ფინანსთა სამინისტრო ავრცელებს.


როგორც მინისტრმა აღნიშნა, კრიზისის დაძლევის შემდეგ, ქვეყანა კვლავ დაიწყებს ვალების შემცირების პროცესს.


„მას შემდეგ, რაც კრიზისი დაიძლევა, ჩვენ ნელ-ნელა დავიწყებთ ვალის შემცირებას, რაც გააჯანსაღებს ჩვენს ფინანსურ მდგომარეობას და ჩვენს ეკონომიკას გაცილებით მიმზიდველს გახდის. რატომ ვეცდებით, რომ მომავალში ვალი შევამციროთ? როდესაც ეკონომიკა უკვე აღდგენის პროცესშია, როდესაც პოზიტიური განვითარების დინამიკა გაქვს, სწორედ ამ პერიოდში უნდა იფიქრო, რომ ვალები შეამცირო, იმიტომ, რომ ღმერთმა ნუ ქნას და მსგავსი კრიზისი, ან სხვა ტიპის ეკონომიკური თუ ფინანსური კრიზისი მოხდეს, უნდა გვქონდეს შესაძლებლობა, რომ კვლავ მოვიზიდოთ ფინანსური რესურსები. ეს მართლაც რომ კრიზისული პერიოდია, ჩვენ გაგვეზრდება ვალის ოდენობა, მაგრამ პასუხიმგებლიანი ეკონომიკური პოლიტიკით, რომელსაც აქამდე ვახორციელებდით, მოგვეცა საშუალება სწრაფად აგვეღო ამ ოდენობის ფინანსური რესურსი“, - აღნიშნა ივანე მაჭავარიანმა.


მისი თქმით, სწორედ მთავრობის პასუხისმგებლიანი მაკროეკონომიკური პოლიტიკის შედეგია ის, რომ ამ პერიოდისთვის საქართველომ ერთ-ერთმა პირველმა მოიზიდა საერთაშორისო დაფინანსება.


„ამ პერიოდისათვის, ჩვენ გვაქვს სწორი, ადეკვატური პოლიტიკა, რის შედეგადაც ერთ-ერთმა პირველებმა მოვახდინეთ ამ თანხების მობილიზება, ერთ-ერთ პირველებს დაგვიდასტურა პროგრამა და გამოგვიყო თანხა საერთაშორისო სავალუტო ფონდმა. დამერწმუნეთ, რეპუტაციულად, როგორც არასდროს, ისე კარგად გამოვიყურებით საერთაშორისო საფინანსო ორგანიზაციებში, მაგრამ ეს იმას არ ნიშნავს, რომ შემდგომი წლები ავიღოთ ვალი, მხოლოდ იმიტომ, რომ ვალის აღება შეგვიძლია“, - განაცხადა ფინანსთა მინისტრმა ივანე მაჭავარიანმა.
მან ხაზი გაუსვა იმ დახმარებებს, რომელსაც ქვეყანა საერთაშორისო საფინანსო ორგანიზაციებისგან მიიღებს.


„საუბარია 3 მილიარდ აშშ დოლარზე. აქედან, სახელმწიფო მიიღებს 1,5 მილიარდამდე დაფინანსებას, ეს ძალაშია და საკმაოდ რეალურია. პრაქტიკულად, პროცესი დაწყებულია. წინა კვირას, მოვაწერეთ ხელი მსოფლიო ბანკთან ხელშეკრულებას 80 მილიონ დოლარზე, რასაც მოჰყვება მოლაპარაკებები აზიის ინფრასტრუქტურის საინვესტიციო ბანკთან 100 მლნ დოლარის დაფინანსების მიღებაზე. საერთაშორისო სავალუტო ფონდმა „გაფართოებული დაფინანსების მექანიზმის" პროგრამის ფარგლებში, დაგვიმტკიცა 200 მლნ აშშ დოლარი. შემდგომში, ეტაპობრივად მოხდება ხელშეკრულებების გაფორმება აზიის განვითარების ბანკთან, გერმანიის რეკონსტრუქციის საკრედიტო ბანკთან, საფრანგეთის განივითრების სააგენტოსთან. რაც შეეხება მეორე 1,5 მილიარდ აშშ დოლარს, რომელიც გაჟღერდა. საერთაშორისო ორგანიზაციების მხრიდან ეს თანხა მიმართულია ქართული ბანკებისა და რეალური სექტორის მხარდაჭერისკან“, - განაცხადა ფინანსთა მინისტრმა.







ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი

ბაზარზე ლუდის პირველი ქართული ბრენდი ბრუნდება - „ზედაზენის“ ახალი პროდუქტი
access_time2020-05-30 15:00:14
„ზედაზენი“ ახალ პროდუქტს უშვებს. საუბარია ლუდის პირველ ქართულ ბრენდზე „ აიაზე“, რომელიც ბაზარზე ბრუნდება. ცნობისთვის, „აია“ 1953 წელს, ქალაქ ქუთაისში გამოჩნდა. ბრენდი ქუთაისში მოღვაწე...

"თვეში 200-ლარიან დახმარებას ვერ აიღებს პირი,ვისაც დამსაქმებელმა ანაზღაურება აპრილში ან მაისში ჩაურიცხა"-როგორ გაიცემა ფულადი დახმარებები

access_time2020-05-30 14:00:19
ოპოზიცია ხელისუფლებას უკვე დიდი ხანია მწვავედ აკრიტიკებს - უმუშევრად დარჩენილებისთვის და თვითდასაქმებულებისთვის მიზერულმა (200-300 ლარიანი) თანხებმაც უსაშველოდ დაიგვიანაო. დავა გაგრძელდა 29 მაისსაც, როცა ოპოზიციის მიერ დაბარებული პრემიერი პარლამენტში მივიდა. სწორედ 29 მაისს დაანონსდა - თვითდასაქმებულებისთვის 300-ლარიანი დახმარების ჩარიცხვა დაიწყოო. ვინ მიიღო, ვინ არ მიიღო და ვინ საერთოდ ვერ მიიღებს? რა ეტაპზეა ფულადი დახმარებების...

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა

კავშირი მოწევას და კოვიდ-19-ს შორის - ნიუ-იორკელი მეცნიერების ახალი კვლევა
access_time2020-05-30 13:00:33
ფრანგ მეცნიერთა ერთი მცირე ჯგუფის ჰიპოთეზა, თითქოს თამბაქოს მოწევა შეიძლება ადამიანს ახალი კორონავირუსისგან იცავდეს, მალევე გაბათილდა. მას თავისთავად ბევრი ლიმიტი გააჩნდა და კრიტიკას ვერ უძლებდა. თუმცა, ამ საკითხზე არცერთ სხვა კვლევას, ან პუბლიკაციას, რომელიც...

ისინი არ არიან მარტო – ახალგაზრდები ხულოსთვის გაერთიანდნენ

ისინი არ არიან მარტო – ახალგაზრდები ხულოსთვის გაერთიანდნენ
access_time2020-05-30 11:30:23
– „ტელევიზორი ან სხვა რამე ტექნიკა გაქვთ? – კი, პატარა ტელევიზორი გვაქვს, ძველებური… სახლი გვაქვს გადასახურავი. წყალი ჩამოდის. შედგმული გვაქვს ვედრო და რაღაცები“ – ამბობს ქალი ხულოს მუნიციპალიტეტის სოფელ წაბლანიდან. „მე არ მეგონა, ამას თუ მომიტანდით. მადლობა“. – ამბობს სოფელ რიყეთში მცხოვრები კაცი და აცრემლებულ თვალებზე  ხელებს იფარებს. ამ და სხვა ვიდეობს Facebook-გვერდზე –...

ადამიანებმა უნდა იზრუნონ საკუთარ თავზე და თავად უნდა უზრუნველყონ საკუთარი კეთილდღეობა - დავით ფანჯაკიძე

ადამიანებმა უნდა იზრუნონ საკუთარ თავზე და თავად უნდა უზრუნველყონ საკუთარი კეთილდღეობა - დავით ფანჯაკიძე
access_time2020-05-30 10:22:44
ცნობილი ბიზნესმენი დავით ფანჯაკიძე სოციალურ ქსელში მიმდინარე მოვლენებთან დაკავშირებით პოსტს აქვეყნებს, რომელსაც კომერსანტი უცვლელად გთავაზობთ: „ტყუილად იშლიან ნერვებს ერთნი, სულ ტყუილად იშლიან ნერვებს მეორენი და სულ ტყუილად უშლიან ნერვებს ხალხს ორივენი... მათი წარმოდგენები სახელმწიფოს მოწყობაზე იდენტურია, ამიტომ ვერც ერთნი და ვერც მეორენი ვერ შეძლებენ სოციალისტური მმართველობის გზით ვერც სიღარიბის დაძლევას, ვერც ეკონომიკის აღორძინებას, ვერც გაჭირვებულთა დახმარებას და ვერც...


მსგავსი სიახლეები

up