ივანე ჩხაიძის განცხადებით, ქვეყანაში შეზღუდვების შესაძლო დაბრუნებაზე საუბარი მას შემდეგ უნდა დაიწყოს, როცა ინფიცირებულების საავადმყოფოში მოთავსება პრობლემური იქნება

ივანე ჩხაიძის განცხადებით, ქვეყანაში შეზღუდვების შესაძლო დაბრუნებაზე საუბარი მას შემდეგ უნდა დაიწყოს, როცა ინფიცირებულების საავადმყოფოში მოთავსება პრობლემური იქნება

access_time2021-08-03 14:40:00

იმუნიზაციის მრჩეველთა ეროვნული ტექნიკური ჯგუფის ხელმძღვანელის, იაშვილის სახელობის ბავშვთა ცენტრალური საავადმყოფოს სამედიცინო დირექტორის ივანე ჩხაიძის განცხადებით, ქვეყანაში შეზღუდვების შესაძლო დაბრუნებაზე საუბარი მას შემდეგ უნდა დაიწყოს, როდესაც ინფიცირებული პაციენტების საავადმყოფოში მოთავსება პრობლემური იქნება.


როგორც მან მედიაცენტრ „მთავარში“ გამართულ პრესკონფერენციაზე განაცხადა, უკვე დადგა დრო, არა მხოლოდ დახურულ, არამედ ღია სივრცეში ნიღბის ტარების ვალდებულების დაბრუნებაზე ვიფიქროთ.


„ინფიცირებულა რაოდენობა უნდა ავიდეს იმ ნიშნულზე, როდესაც უკვე გართულდება პაციენტების ჰოსპიტალიზაცია. არ არის მთავარი, რამდენი ადამიანია ინფიცირებული დღის განმავლობაში, უფრო მეტად მნიშვნელოვანია, რამდენ ადამიანს სჭირდება სტაციონალური სამედიცინო დახმარება, რადგან შესაძლებელია ინფიცირებული ბევრი იყოს, მაგრამ მოხერხდეს მათი მართვა ბინის პირობებში, ამბულატორული ბინაზე მეთვალყურეობის პროტოკოლი არსებობს და ძალიან კარგად იყენებენ ჩვენი კოლეგები. შესაძლებელია პაციენტების მართვა სასტუმროშიც განხორციელდეს, მაგრამ ყველაზე მნიშვნელოვანი და სერიოზულია, თუ არის ინციფიცირებულთა რაოდენობა იმდენად ბევრი, რომ მათი საავადმყოფოში მოთავსება უკვე პრობლემები იყოს. ეს არის ის კრიტიკული ზღვარი, რომლის უკან გარკვეული შეზღუდვების დაწესება გარდაუვალი იქნება. რა ტიპის შეზღუდვები იქნება ძალიან ძნელი სათქმელია, მაგრამ ის , რაც პირველ რიგში უნდა გაკეთდეს, ეს არის ნიღბის ტარებაზე ძალიან მკაცრი კონტროლი დახურულ სივრცეში. ასევე, ალბათ უკვე დრო დადგა ვიფიქროთ არა მხოლოდ დახურულ, არამედ ღია სივრცეშიც ნიღბის ტარების ვალდებულების დაბრუნებაზე და რაც ყველაზე მთავარია, ეს არ უნდა იყოს მხოლოდ და მხოლოდ დეკლარირებული. ამის უკან უნდა იდგეს ძალიან მკაცრი მონიტორინგი და კონტროლი“, - განაცხადა ჩხაიძემ.


მისი თქმით, ძნელი სათქმელია, რამდენად განაპირობა გარე სივრცეში პირბადის ტარების ვალდებულების მოხსნამ ინფიცირებულთა ზრდა, რადგან ქვეყანაში „დელტა“ ვარიანტი ცირკულირებს.



„ნიღბის ტარების ვალდებულების მკაფიო, მკაცრი და საყოველთაო არდაცვა ავტომატურად გულისხმობს, რომ ამის უკან დგას ინფიცირებულთა შემთხვევების მატება. ძნელი სათქმელია ამ მატებაში რამდენია წილი ნიღბის არტარების და რამდენია „დელტა“ ვარიანტის წილი. პირველ რიგში, ამის უკან დგას „დელტა“ ვარიანტი, რადგან მას 3-ჯერ მეტი გადამდებლობა ახასიათებს, ვიდრე ეს ჰქონდა კორონავირუსის ჩინურ ვარიანტს 2020 წლის ნოემბერ-დეკემბერში. ეს არის ერთ-ერი ყველაზე საშიში ვირუსი, რაც ბოლო ასწლეულობის განმავლობაში კაცობრიობის ისტორიაში დაფიქსირებულა“,-განაცხადა ჩხაიძემ.


მისი შეფასებით, დიდი თავშეყრა და წლეულებები მკაცრად უნდა აიკრძალოს.


„აუცილებლად მკაცრად უნდა გაკონტროლდეს ნიღბის ტარება დახურულ სივრცეში, აუცილებლად უნდა იყოს მაქსიმალური სიმკაცრით აკრძალული ნებისმიერი თავშეყრა, წვეულება, დაბადების დღე, ბანკეტი თუ სხვა, არ აქვს მნიშვნელობა. სარესტორონო დახურულ სივრცეში კვების პროცესი არის ყველაზე იოლი გადაცემის გზა კორონავირუსის „დელტა“ ვარიანტის. ასეთი ღონისძიებები ქვეყანაში სასწრაფოდ და კატეგორიულად უნდა აიკრძალოს“, - განაცხადა ჩხაიძემ.


IPN.GE






დღის TOP 10 საინტერესო ამბავი

დღის TOP 10 საინტერესო ამბავი
access_time2021-09-23 21:00:22
დღის TOP 10 საინტერესო ამბავი:   1. ბათუმში კუნძულის აშენებას „ამბასადორი“ აპირებს – ახალი მონაცემები აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს.     2. მუნიციპალიტეტების შავი ხვრელი - რატომ...

ლარი დოლართან მიმართებით გაუფასურდა, ევროსთან კი გამყარდა

ლარი დოლართან მიმართებით გაუფასურდა, ევროსთან კი გამყარდა
access_time2021-09-23 18:00:28
23 სექტემბრის ვაჭრობის შედეგად ლარი აშშ დოლართან მიმართებაში 0.24 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1100 შეადგინა. საერთაშორისო ვალუტებიდან ლარი ევროსთან 0.19 თეთრით 3.6532-მდე გამყარდა, ხოლო ბრიტანულ ფუნტთან 1.36 თეთრით 4.2650-მდე გაუფასურდა. თურქულ ლირასთან ლარი 0.01 თეთრით 0.3601-მდე, ხოლო აზერბაიჯანულ მანათთან 0.31 თეთრით 1.8322-მდე გამყარდა. 100 რუსულ რუბლთან კი 0.58 თეთრით 4.2872-მდე, ხოლო 1000 სომხურ დრამთან 3.35 თეთრით...

ბათუმში კუნძულის აშენებას „ამბასადორი“ აპირებს – ახალი მონაცემები

ბათუმში კუნძულის აშენებას „ამბასადორი“ აპირებს – ახალი მონაცემები
access_time2021-09-23 17:20:01
აჭარის მთავრობის თავმჯდომარის, თორნიკე რიჟვაძის მიერ დაანონსებული კუნძულის მშენებლობას ბათუმში შპს „ამბასადორი ბათუმი აილენდი“ გეგმავს. ეს ინფორმაცია „ბათუმელებმა“ ინფორმირებულ პირებთან კომუნიკაციისა და საჯარო რეესტრის მონაცემებზე დაყრდნობით დაადასტურა. ინვესტორი ელგუჯა ქებურიასთან ერთად ბიზნესმენი ფრიდონ ქათამაძეა, თუმცა მისი წილი კომპანიაში ბევრად მცირე – 18 პროცენტია. ამ პროექტისთვის შპს „ამბასადორ ბათუმი აილენდი“ 2021 წლის ივნისში დააფუძნა ოფშორში,...

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება

BAG ინდექსი: კომპანიების საინვესტიციო გეგმები პანდემიამდე არსებულ მდგომარეობას უბრუნდება
access_time2021-09-23 14:30:32
BAG ინდექსის ფარგლებში, საქართველოს ბიზნეს ასოციაცია, წევრებისა და მათი შვილობილი კომპანიების ინვესტიციების ცვლილების ტენდენციასაც აკვირდება. ცხადია, 2020 წელს, მკვეთრად შემცირებული შიდა თუ საგარეო მოთხოვნის, ლოგისტიკური სირთულეებისა და სხვა დაბრკოლებების გათვალისწინებით, კომპანიებმა თავიანთი საინვესტიციო გეგმები მნიშვნელოვნად დააკორექტირეს. მიმდინარე წელს კი, პანდემიის მიუხედავად, ინვესტიციების ზრდის ტემპი კოვიდამდე არსებულ მდგომარეობას უბრუნდება. ცნობისათვის, 2019 წელს ჯამური ინვესტიციები...

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია

ვლადიმერ პაპავა: საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
access_time2021-09-23 14:55:34
ეკონომიკის ექსპერტმა ვლადიმერ პაპავამ სარეკლამო ბიზნესზე ზეწოლის შესახებ „პრაიმტაიმის“ პრეს–კლუბში განცხადება გააკეთა. მისი თქმით, იმაზე საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია. „ქვეყანაში დღეს წინასაარჩევნო პერიოდია. დაძაბული სიტუაციაა. პოლიტიკურად ცხელი შემოდგომაა. ამ პირობებში არის ხშირი ურთიერთბრალდება. ამაში, სამწუხაროდ, ყვება ბიზნესი. ნუ გვავიწყდება, რომ ცხოვრება არჩევნების შემდეგაც გრძელდება და ეს...


მსგავსი სიახლეები

up