იმპორტიორები: „მთავარია ანტიდემპინგური კანონი კორუფციის წყაროდ არ იქცეს“

იმპორტიორები: „მთავარია ანტიდემპინგური კანონი კორუფციის წყაროდ არ იქცეს“

access_time2019-09-26 11:00:32

მთავარია ანტიდემპინგური კანონი არ იქცეს კორუფციის წყაროდ, ყველაზე მეტად ამაზე ვფიქრობ და ვფრთხილობ.- ასე აფასებს  ბიზნესმენი, საქართველოს დისტრიბუტორთა ბიზნეს ასოციაციის თავმჯდომარე ივა ჭყონია საქართველოში ანტიდემპინგური რეგულაციების საკითხს, რომელიც უკვე წლებია განიხილება და ასევე წლებია ბიზნესის ნაწილი ადგილობრივი ბაზრის დაცვის ღონისძიებების ამოქმედებას ითხოვს.


ანტიდემპინგური საკანონმდებლო პაკეტის განხილვა საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ ორი დღის წინ ერთი თვით გადაავადა. მიზეზად დამატებითი კონსულტაციების აუცილებლობა დაასახელა.


ასოციაციაში მიიჩნევენ, რომ მთავრობა იმპორტიორი კომპანიების მხრიდან გარკვეულ შენიშვნებს იღებს ამ კანონპროექტის გამო და სწორედ ამიტომ ხდება კანონპროექტის განხილვის გადავადებები.


„კომერსანტმა“ საკითხთან დაკავშირებით აზრის დაფიქსირება იმპორტიორ კომპანიებს სთხოვა. კომპანიების წარმომადგენლები ერთხმად თანხმდებიან, რომ ნებისმიერი რეგულაცია ბიზნესისთვის საზიანოა. საკუთარი პრეტენზიები მათმა ნაწილმა წერილობით დააფიქსირა შესაბამის კანონმდებელთან, განხილვის გადავადების მიზეზებზე კი კონკრეტული პასუხი არ აქვთ.  ამასთანავე კომპანიებში აცხადებენ, რომ ეს კონკრეტული კანონპროექტი  კორუფციის რისკებსაც გააჩენს და ზოგადად ხელშესახები შედეგის მომცემი ვერ იქნება.



„ანტიდემპინგური კანონი დიდად რამის მომცემი არ მგონია და ტყუილად დროის ხარჯვაა. ამას მსოფლიო პრაქტიკაც აჩვენებს.  ეს კანონი ძალაში რომ შევა ეს არ უნდა იყოს ვინმეზე მორგებული მომავალში და არ შეიძლება, რომ ეს ბოროტად გამოიყენოს ვინმემ და მეორე ბიზნესი დააზიანოს. ყველაზე მთავარი არის ის, რომ სანამ სრულყოფილად არ იქნება შესწავლილი მოთხოვნა ერთი კომპანიის თუ კომპანიების ჯგუფის მიერ მეორე კომპანიის მიმართ, იქამდე ბიზნესოპერირება არ უნდა შეჩერდეს.  წინააღმდეგ შემთხვევაში, ეს დამაზიანებელი არა მხოლოდ ბიზნეს-ოპერატორისთვის იქნება, არამედ ზოგადად ქვეყნის ეკონომიკისთვის და მისი რეპუტაციისთვის.  ჩვენ ჩვენი კომენტარები და რეკომენდაციები მივაწოდეთ  კომიტეტს კანონპროექტთან დაკავშირებით.  რაც შეეხება საპარალამენტო განხილვის გადადებას ამ საკითხზე, ეს არ ყოფილა ჩემი მოთხოვნა, ეს გადაიდება თუ გადმოიდება ამას არ აქვს მნიშვნელობა, იმიტომ რომ გაცილებით უფრო მეტი პრობლემის წინაშე დგას ქვეყანა, გაცილებით მნიშვნელოვანი საკითხებია მოსაგვარებელი, ვიდრე ანტიდემპინგური კანონი.


ეს არის ბიუჯეტიდან გასროლილი გაფლანგული დამატებით მილიონობით ლარი, რომელიც უნდა დაიხარჯოს კადრზე, მათ მივლინებებზე, რეპორტებზე და ტრენინგებზე. თურქეთიდან და უკრაინიდან შემოტანილი საქონელი ქართულ წარმოებაზე გაცილებით იაფი იცით რატომ არის? იქ წარმოებას აქვს სხვა მასშტაბები და შესაბამისად, უფრო იაფი ჯდება.  მოცულობაც ძალიან მნიშვნელოვანია.  ერთი არის ის, რომ შენ აწარმოებ 60 ათას ტონას, მეორეა როცა უკრაინა 600 ათას ტონას აწარმოებს იგივე სახეობის პროდუქტს. ძალიან ფაქიზად და ფრთხილად უნდა მოეკიდოს სახელმწიფო ანტიდემპინგურ კანონს. ბიზნესი მსხვილდება, ვიღაცა რაღაცას ლობირებს.  მართალია არ გვინდა რაღაცებზე საუბარი, მაგრამ არის იმის დიდი საფრთხე, რომ ვინმემ შეიძლება ეს კანონპროექტი არაკეთილსინდისიერად გამოიყენოს და შესაბამისად ზიანი მიადგება ეკონომიკას და ბიზნესებს.“ - აცხადებს ივა ჭყონია.  


იმპორტიორი კომპანია „შარმ-ტრეიდინგის“ დირექტორი ვახტანგ საძაგლიშვილი მიჩნევს, რომ ანტიდემპინგური კანონი პარალელური იმპორტის, საუბარია, მცირე და ახლადდაფუძნებულ კომპანიებზე, ზრდას გამოიწვევს, რაც ხელს შეუშლის ოფიციალურ იმპორტიორ კომპანიებს პროდუქტის რეალიზაციაში. ბიზნესმენი აცხადებს, რომ ორგანიზებული იმპორტის, ამ შემთხვევაში, მსხვილი კომპანიის  კონტროლი უფრო მარტივია ვიდრე პატარა კომპანიის.  


„ბედნიერები არ ვართ ამით, მაგრამ რეგულაციაა და გაგებით უნდა მოვეკიდოთ! როგორც წესი ზედმეტი რეგულაცია ბიზნესისთვის ყოველთვის დამაზიანებელია. თუ ჩვენ იძულებული გავხდებით, რომ ფასი ავწიოთ ეს გამოიწვევს პარალელური იმპორტის გაზრდას.  ერთიდაიგივე მწარმოებლის პროდუქტი შეიძლება შემოიტანონ უფრო მეტმა შპს-მ არაორგანიზებული ოფიციალური დისტრიბუტორების პარალელურად.  მაგალითად, თურქული წარმოების ტუალეტის ქაღალდი „სელპაკი“  შემოგვაქვს ჩვენც და ჩვენს გარდა კიდევ 30 სხვადასხვა შპს-ს, რომლიც დღეს იხსნება, ხვალ იკეტება.  ჩვენი როგორც ოფიციალური დისტრიბუტორის გაკონტროლება მარტივია ანტიდემპინგური კანონის გამოყენებით იმიტომ, რომ ორგანიზებული და მასიური სახე აქვს.  საბოლოო ჯამში ეფექტს მაინც ვერ მიაღწევს ეს კანონი,  მაგრამ ზედმეტი რეგულაცია იქნება დიდი კომპანიებისთვის.“ - აცხადებს ვახტანგ საძაგლიშვილი.


მარიამ მორგოშია





30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა

30 მარტი - ქართული ლარი და სომხური დრამი უმნიშვნელოდ გამყარდა, თურქული ლირა კი გაუფასურდა
access_time2020-03-30 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდება, სამეზობლოში ვალუტის კურსები ან მცირედით და ეტაპობრივად უფასურდება, ან მყარდება.     ეროვნული ბანკის მიერ გამოქვეყნებული 30 მარტის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის ღირებულებამ 3.2845 ლარი შეადგინა. Bloomberg-ზე დილიდან ვაჭრობა $1/3.2875...

საქართველოს მასშტაბით კარანტინი გამოცხადდა

საქართველოს მასშტაბით კარანტინი გამოცხადდა
access_time2020-03-30 17:10:10
საქართველოს მასშტაბით კარანტინი გამოცხადდა. ამის შესახებ საქართველოს პრემიერ-მინისტრმა, გიორგი გახარიამ მთავრობის ადმინისტრაციაში, ბრიფინგზე განაცხადა. საკარანტინო რეჟიმი ახალი კორონავირუსის გავრცელების საპრევენციო ღონისძიებების ფარგლებში იქნა შემოღებული. „მივიღეთ გადაწყვეტილება საგანგებო მდგომარეობის ფარგლებში ზომების მნიშვნელოვანი გამკაცრების შესახებ. ჩვენ ვაცხადებთ ფაქტობრივად საყოველთაო კარანტინს, რომელიც ხვალ, დილის 08:00 საათიდან დაიწყება“, –...

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს

დააპაუზე უფასოდ - საინიციატივო ჯგუფი, რომელიც პანდემიის დროს მოქალაქეებს იურიდიულ კონსულტაციას უწევს
access_time2020-03-30 17:00:36
„დააპაუზე უფასოდ“ - ამ სახელით ინტერნეტსივრცეში შექმნილი სამართლებრივი სივრცე მიზნად ისახავს კორონავირუსის პანდემიით გამოწვეული პრობლემების სამართლებრივი გზით მოგვარებას. იდეის ავტორი, ადვოკატი მარიკა არევაძე „კომერსანტთან“ აღნიშნავს, რომ რამდენიმე ათეული სხვადასხვა პრობლემის შესახებ იღებენ შეტყობინებას და მათი მხრიდან ხდება ხალხის დაკვალიანება იურიდიული კუთხით, თუ როგორ უნდა მოიქცეს მოქალაქე ფორსმაჟორულ სიტუაციაში იჯარის, სესხების თუ კომუნალურებთან დაკავშირებული გართულებების...

„როდესაც ერთ ბაზარზე ხარ ჩამოკიდებული, დრამატული ცვლილებები ყოველთვის მოსალოდნელია“ - ალექსანდრე რატიშვილი

„როდესაც ერთ ბაზარზე ხარ ჩამოკიდებული, დრამატული ცვლილებები ყოველთვის მოსალოდნელია“ - ალექსანდრე რატიშვილი
access_time2020-03-30 18:00:42
 „წარმოება არც გაზრდილა და არც შემცირებულა, ბაზარზე  მოთხოვნა  სტაბილურად არსებობს, რომელსაც ვაკმაყოფილებთ“- ამის შესახებ „კომერსანტს“ პურ-ფუნთუშეულის და საკონდიტრო პროდუქტის მწარმოებელი კომპანიის „ემ სი ბი ჯორჯიას“ მმართველმა პარტნიორმა ალექსანდრე რატიშვილმა განუცხადა. მისი თქმით, წარმოების პროცესი ჩვეულებრივ რეჟიმში მიმდინარეობს და კომპანიაა 15 სახის პროდუქციას წარმოებას ისევ აგრძელებს.   „როგორც საგანგებო...

„როგორც ჩანს, სტრესს ვერ გაუძლო“ - ჰესენის ფედერალური მიწის ფინანსთა მინისტრის თვითმკვლელობას „covid 19”-ის პანდემიას უკავშირებენ

„როგორც ჩანს, სტრესს ვერ გაუძლო“ - ჰესენის ფედერალური მიწის ფინანსთა მინისტრის თვითმკვლელობას  „covid 19”-ის პანდემიას უკავშირებენ
access_time2020-03-30 16:30:04
გერმანიის ჰესენის ფედერალური მიწის ფინანსთა მინისტრმა ტომას შეფერმა სიცოცხლე თვითმკვლელობით დაასრულა. დასავლური მედიის ცნობით, ტომას შეფერის ცხედარი ფრანკფურტის მახლობლად, მატარებლის ლიანდაგზე აღმოაჩინეს. ჰესენის ფედერალური შტატის პრემიერ-მინისტრის, ვოლკერ ბუფირის თქმით, შეფერი "covid 19"-ის პანდემიის გამო სტრესულ მდგომარეობაში იყო. "როგორც ჩანს, სტრესს ვერ გაუძლო. გამოსავალი ვერ იპოვა და დაგვტოვა. მისი წუხილი იყო, შეძლებდა თუ არა მოსახლეობის უზარმაზარ...


მსგავსი სიახლეები

up