ივა ჭყონია - კონკურენციის სააგენტოს განცხადება შეიძლება, პოლიტიკური იყოს, რათა აჩვენონ მოსახლეობას, რომ ფასების ზრდას არ დაუშვებენ

ივა ჭყონია - კონკურენციის სააგენტოს განცხადება შეიძლება, პოლიტიკური იყოს, რათა აჩვენონ მოსახლეობას, რომ ფასების ზრდას არ დაუშვებენ

access_time2019-08-04 16:02:23

დისტრიბუტორთა ასოციაციის ხელმძღვანელი ივა ჭყონია აცხადებს, რომ ასოციაცია მზად არის, საქართველოს კონკურენციის სააგენტოსთან ითანამშრომლოს.

ივა ჭყონია კონკურენციის სააგენტოს იმ განცხადებას გამოეხმაურა, რომლის მიხედვითაც, სააგენტო დაინტერესდა ლარის კურსის ცვლილებისას კომპანიებისა და ასოციაციების მხრიდან ფასების შესაძლო მატებასთან დაკავშირებით გავრცელებული განცხადებებით.

კონკურენციის სააგენტოს მიერ გავრცელებულ განცხადებაში აღნიშნულია, რომ საჯარო განცხადებაში დაფიქსირებული ფაქტები, შესაძლოა, კომპანიებს შორის კოორდინაციისა და „კონკურენციის შესახებ“ საქართველოს კანონის დარღვევის რისკებს შეიცავდეს.


„წარმოდგენა არ მაქვს, რას გულისხმობდა კონკურენციის სააგენტო და ჩემთვის საინტერესოა, რა კვლევა უნდა დაიწყონ. თუმცა, ხმამაღლა ვაცხადებ, მზად ვარ, კონკურენციის სააგენტოსთან ვითანამშრომლოთ. დამაფიქრებელია ჩემთვის ეს განცხადება, რადგან თავისუფალი ბაზრის ქვეყანა ვართ. არც ერთი ბიზნესოპერატორი არ არის შეზღუდული ფასების ზრდასა და კლებაში. არც ზედა ზღვარია ფასების და არც ქვედა ზღვარი. ნებისმიერს შეუძლია, თავისუფლად იმოქმედოს, მაგრამ იმდენად დიდია კონკურენცია, რომ ყველა ერიდება ფასების უაზროდ ზრდას და ვერც გაზრდიან. ეს ასე არ არის. მყიდველობისუნარიანობა რომ დავარდნილია, ყველა თავს იკავებს ფასების გაზრდისგან. ყველა კონტექსტს მოგლეჯილია განცხადება, რომელიც გაკეთდა. უფრო სხვა კონტექსტს ვხედავ ამ განცხადებაში, შეიძლება, პოლიტიკური განცხადებაც იყოს, რათა ანახონ მოსახლეობას, რომ ფასების ზრდას არ დაუშვებენ. თუ ბიზნესი თავისუფალია და ზეწოლა არ იქნება, როგორც უნდა ბიზნესს, ისეთ ლავირებას გაუწევს ფასებს. ბიზნესი მოტივირებული არ არის, რომ ფასები გაზარდოს. თუ კრიტიკული მომენტი არ იქნება, ამას არ აკეთებენ. იმ პირობებში, როცა ქვეყნის ბიუჯეტი დათვლილია 2.63-ზე და მაქსიმალური ზედა ზღვარი, რაც ბიზნესს შეიძლებოდა, აეღო და გაეთვალა, იყო 2.70. როგორ წარმოგიდგენიათ, როცა სამს უახლოვდება ლარი, იძულებული არ იქნებიან, გაზარდონ ფასები? დამატებით საწვავის ფასი, რომელიც პირდაპირ დისტრიბუციაზეა მიბმული და ბოლო ერთი წელია, სერიოზულადაა გაძვირებული, არ აისახება ფასებზე? დღევანდელ რეალობაში ფასები შეცვლილია და კომპანიებმა ფასები რომ შეცვალეს, ერთ და ორ დღეში არ აისახება. ეს გამოჩნდება აგვისტოს მეორე ნახევრიდან სექტემბრის დასაწყისში, როცა დასრულდება მოლაპარაკებები. ლარის კურსი დოლართან მიმართებაში სამის ნიშნულს თუ გადასცდა, ფასები კიდევ გადაიხედება“, – განაცხადა ივა ჭყონიამ.


1 არხი

თეგები:
ივა ჭყონია



აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა

აბრამოვიჩის კომპანია Evraz -მა ბაქო -თბილისი - ყარსის რკინიგზით პროდუქციის გადაზიდვა გატესტა
access_time2020-01-28 14:46:59
აზერბაიჯანულმა ADY Express -მა ბაქო -თბილისი - ყარსის რკინიგზით კომპანიის Evraz პროდუქციის გადაზიდვა დაიწყო.30 ვაგონი რკინით რუსეთის სვერდლოვსკის ოლქში დაიტვირთა. სატვირთო ვაგონებმა გაირეს რუსეთის, აზერბაიჯანის და საქართველოს ტერიტორიებზე 5175 კილომეტრი და ჩავიდა ყარსში, შემდეგ კი - თურქეთის რკინიგზის სადგურ „პაიასში“. ADY Express-ის ცნობით, ტვირთის საერთო წონა იყო 2053 ტონაა. სატესტო რეჟიმში იგეგმება გადასაზიდი ტვირთების მოცულობის რამდენჯერმე გაზრდა, ყოველთვიური...

ქუთაისის „ტორპედო“ იტალიელებმა იყიდეს

ქუთაისის „ტორპედო“ იტალიელებმა იყიდეს
access_time2020-01-28 13:30:26
ქუთაისის „ტორპედოს“ ახალი მფლობელი ჰყავს. ამის შესახებ ქუთაისის ტორპედოს გულშემატკივართა კლუბმა ჩვენ ვართ ტორპედომ ფეისბუქის გვერდზე დაწერა.მაშ ასე, გვინდა გამცნოთ ქართული ფეხბურთის გულშემატკივრებს, რომ საგა, რომელიც ტორპედოს თავზე თითქმის ერთი წელია ტრიალებს, დასრულდა. ტორპედოს გულშემატკივრებისათვის ბოლო იმედი ფაბიო მანინის სახით გამართლდა! როგორც ჩვენთვის ექსკლუზიურად გახდა ცნობილი, საფეხბურთო კლუბი ტორპედო იტალიელ ინვესტორს, ფაბიო მანინს გადაეცა. ჩვენი წყარო...

გაიზარდა თუ არა საქართველოში კორუფციის რისკები?!

გაიზარდა თუ არა საქართველოში კორუფციის რისკები?!
access_time2020-01-28 12:30:07
წინა ხელისუფლებაც მისი მმართველობის ბოლო პერიოდში ასე იქცეოდა და შემოდგომის ბუზივით იკბინებოდა, მაგრამ რა ემართება ზამთარში ბუზს, ყველამ კარგად...

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა

„ქართული ოცნების“ პრემიებზე დახარჯული მილიონები და 112-ის გაუმართავი ინფრასტრუქტურა
access_time2020-01-28 10:45:30
ბორჯომი-ხაშურის მაგისტრალზე მომხდარმა ტრაგედიამ, რომელსაც ბანძელაძეების ოჯახის 4 წევრის გარდაცვალება მოჰყვა, კიდევ ერთხელ დაანახა საზოგადოებას, თუ რამდენად მნიშვნელოვანია სისტემის კოორდინირებული და გამართული მუშაობა მაშინ, როდესაც საქმე გადაუდებელ დახმარებას და ადამიანების სიცოცხლეს ეხება.   26 იანვარს ბაქარ ბანძელაძემ, რომელიც მეუღლესთან და 3 მცირეწლოვან ბავშვთან ერთად მგზავრობდა, ავტომობილის მართვისას საჭე ვერ დაიმორჩილა, გზაზე მოცურდა და...

3 კომპანია საქართველოში, რომელიც 4-დღიან სამუშაო კვირაზე გადავიდა

3 კომპანია საქართველოში, რომელიც 4-დღიან სამუშაო კვირაზე გადავიდა
access_time2020-01-27 18:45:28
2019 წელს უმსხვილესმა ამერიკულმა კომპანიამ Microsoft ჩაატარა ექსპერიმენტი, რომლის მიხედვითაც კომპანიაში დასაქმებულებისთვის 4-დღიანი სამუშაო კვირა დააწესდა. კვლევის დასრულების შემდეგ აღმოჩნდა, რომ Microsoft-ის ახალი ინიციატივის შედეგად, დასაქმებულების პროდუქტიულობა 40%-ით გაიზარდა. Microsoft-ის შემდეგ ანალოგიური სამუშაო გრაფიკი სხვა საერთაშორისო კომპანიებმაც დააწესეს და მათ...


მსგავსი სიახლეები

up