იტალიურმა სტარტაპმა TO.TEM-მა ელექტრო სკუტერების - Lynx გაყიდვები დაიწყო. სკუტერებს აქვთ დასაკეცი დიზაინი და სამი ბორბალი უკეთესი სტაბილურობისთვის, ფართო ხის გემბანი, ასევე რამდენიმე ფუნქცია, რომელიც უჩვეულოა ამ სეგმენტისთვის.

დასაკეცი ელექტრო სკუტერი TO.TEM Lynx ხელმისაწვდომია ორ ვერსიაში: eMotion და eVision. ორივე აღჭურვილია 350 ვატიანი ელექტროძრავით (0,48 ცხ.ძ.), მაგრამ განსხვავდება ბატარეებით.

eMotion-ს აქვს 187 ვტ/საათიანი ბატარეა 20 კილომეტრამდე მანძილის დასაფარად, ხოლო eVision-ს აქვს 360 ვატ/საათიანი ბატარეა. სკუტერების მაქსიმალური სიჩქარე საათში 25 კილომეტრია, მაქსიმალური დახრილობა, რომლის გადალახვაც შეუძლიათ 15 პროცენტი, ანუ 8,5 გრადუსი.

ამავდროულად, eVision ნახევარი კილოგრამით უფრო მძიმეა, ვიდრე eMotion. თუმცა ორივე მათგანი უძლებს წონას 110 კილოგრამამდე და აქვს მტვრისგან და წყლისგან დაცვის ხარისხი IP54.

მაგრამ ყველაზე საინტერესო ის არის, რომ eVision ასევე აღჭურვილია ნავიგაციით, უკანა კამერით და შეჯახების თავიდან აცილების სისტემით, თითქმის როგორც მანქანაში. finance-ს ინფორმაციით, ეს სკუტერი 1199 ევრო ღირს, TO.TEM Lynx eMotion კი 899 ევრო.