იტალიური ხმელთაშუა ზღვის კამეჩი და ალპური ჯიშის თხა - „აჭარა ჯგუფი“ უდაბნოს პროექტის განვითარებას აგრძელებს

იტალიური ხმელთაშუა ზღვის კამეჩი და ალპური ჯიშის თხა - „აჭარა ჯგუფი“ უდაბნოს პროექტის განვითარებას აგრძელებს

access_time2020-07-03 17:00:00

იტალიური ხმელთაშუა ზღვის კამეჩები (Mediterranean Water Buffalo), ალპური ჯიშის თხა (Alpine Goat) -  „აჭარა ჯგუფი“ უდაბნოს პროექტს რძის პროდუქტების მიმართულებით განვითარებას აგრძელებს. უკვე მეოთხე წელია „აჭარა ჯგუფი“ საგარეჯოს რაიონში პროექტ „უდაბნოს“ ფარგლებში აგრო-მეწამეობასა და აგრო-ტურიზმის მიმართულებით 5500 ჰექტარამდე მიწის განვითარებას ახდენს.


„ფერმიდან მაგიდამდე“, კამეჩებისა და თხების ფერმა, სასტუმრო  უდაბნოში, ნუშის ბაღები, კენკრის ბაღები, რძის საწარმო - „უდაბნოს“ ტერიტორიაზე მიმდინარე პროექტებზე, პანდემიის გავლენასა და სამომავლო გეგმებზე „კომერსანტს“ პროექტის დირექტორი ნინო კვერნაძე ესაუბრა.


„უდაბნოს“ ტერიტორიაზე რძის საწარმოს აშენების გეგმა Covid-19-ის გავრცელებამ შეაფერხა. როგორც კომპანიაში განმარტავენ,  საერთაშორისო საზღვრების ჩაკეტვის გამო საერთაშორისო კონსულტანტები ჩამოსვლას და პროექტების დაგეგმვას ვერ ახდენენ. თუმცა, როგორც ნინო კვერნაძე განმარტავს, წლის ბოლოს „აჭარა ჯგუფის“ რძის საწარმო „უდაბნოს“ ტერიტორიაზე აშენდება და რძის პროდუქტების წარმოებას დაიწყებს. ადგილობრივი რძის პროდუქტებით ჯერჯერობით, მხოლოდ „აჭარა ჯგუფის“ სასტუმროები და რესტორნები მარაგდება, თუმცა სამომავლოდ წარმოების გაზრდის შემთხვევაში მათი ქსელებში გაყიდვაც განიხილება.


„იტალიიდან  ჩამოვიყვანეთ კამეჩები, რომელსაც ჰქვია ხმელთაშუა წყლის კამეჩები, ასეთი ჯიში საქართველოში არავის ჰყავს. ამჟამად ფერმაში სულ 32 კამეჩი და 32  ალპური ჯიშის თხა გვყავს.  „უდაბნოს“ პროექტის ფარგლებში იგეგმებოდა რძის გადამამუშავებელი პატარა საწარმოს გაკეთება, რომ ჩვენივე რძის პროდუქცია გვეწარმოებინა და ჩვენივე სასტუმროები მოგვემარაგებინა, მაგრამ სამწუხაროდ Covid19-ის გამო ვერ ჩამოვიდნენ კონსულტანტები, ვისაც უნდა აეწყო ჩვენთვის საწარმოს სისტემა.


ახლა რძეს ვყიდით ყველის მწარმოებლებზე, ისინი ამზადებენ, ჩვენ გვიბრუნდება და ვამარაგებთ ჩვენს სასტუმროებსა და რესტორნებს. ჩვენს რძის ნაწარმს ძალიან დადებითი გამოხმაურება მოჰყვა, ყველაფერი ნატურალურია და ძნელი საშოვნელი. საზღვრების გახსნის შედეგ ვაპირებთ ჩამოვიყვანოთ კონსულტანტები და დავიწყოთ ჩვენი რძის გადამუშავება.


ჯერჯერობით რძის ნაწარმის ცოტა რაოდენობა გვაქვს და არის მხოლოდ ჩვენი სასტუმროების მომარაგებისთვის.  თუ გაიზარდა რძის წარმოება, მერე შეიძლება განვიხილოთ გასაყიდად სხვა ობიექტებში გაშვებაც. „აჭარა ჯგუფისთვის“ მნიშვნელოვანი ფაქტორია ის, რომ ადგილობრივი ფერმერებისგან ვყიდულობთ პროდუქციას.  არ ვაპირებთ, რომ უზარმაზარი საწარმო გავაკეთოთ, რადგან ადგილობრივი მეურნეობის ხელშეწყობას ვცდილობთ.



კამეჩის მოცარელა, კამეჩის მაწონი, თხის ყველი - ჩვენ გვინდა რომ სამომავლოდ ბევრი რამ გავაკეთოთ, რამდენიმე სახეობის თხის ყველი და კამეჩის რძის ნაწარმი,“ - აღნიშნა ნინო კვერნაძემ.




„უდაბნოს“ პროექტისთვის „აჭარა ჯგუფმა“ მიწების შეძენა 2016 წელს დაიწყო. 5500 ჰექტარი ეტაპობრივად ვითარდება. ბაღების გაშენება 2017 წელს დაიწყო - 2000 ჰექტარზეა ნუშის ბაღები, რომელიც თითქმის მთლიანად ექსპორტზე გადის, 20 ჰექტრემდე არის კენკრა - მარწყვი, მაყვალი და ჟოლო.  8 ჰექტარზე გაშენებულია ვენახი, სადაც მოყვანილია 150 ქართული ენდემური ჯიშის ვაზი. როგორც ნინო კვერნაძე განმარტავს, იგეგმება კოლექციის გაზრდა, რომელიც ყურძნის ქართული მუზეუმის დანიშნულებას შეასრულებს.


„ეს ტერიტორია ნელნელა უნდა განვავითაროთ.  ახლა  2000 ჰექტარზე მეტია ათვისებული. მანამდე კი, არაფერი არ იყო, ეს იყო ჩვეულებრივი უდაბნო იყო, არც წყალი იყო და არც ხე. ახლა 675 ათასი ხე გვაქვს დარგული,“ - ამბობენ „აჭარა ჯგუფში“.


 „ფერმიდან მაგიდამდე“ სქემა გულისხმობს ადგილობრივად მოყვანილი პროდუქციის მიწოდებას „უდაბნოში“ სამომავლოდ აშენებული სასტუმროს ვიზიტორებისთვის.  ამჟამად სატესტოდ ამუშავდა სქემა და ხდება სხვადასხვა კულტურების მოყვანა.


„უდაბნოში“ სასტუმროს მშენებლობა ჯერ არ დაწყებულა, მაქსიმუმ ორ წელიწადში გვექნება სასტუმროც და რესტორანიც. ძალიან ბევრი რაღაც იყო გასაკეთებელი,  წლები სჭირდება ამ სქემის აწყობას.  როცა სასტუმროს ავაშენებთ, უკვე იქნება მზა  პროდუქტი. თემა შეკრულია და ბოლოს მიდის სტუმარმასპინძლობის სქემამდე,“ - აღნიშნა ნინო კვერნაძემ.


პანდემიის პერიოდში პროექტ „უდაბნოში“ პროცესები არ გაჩერებულა. ამასთან, ჯგუფის სტუმარმასპინძლობის სფეროში დასაქმებულები, ვისაც პანდემიის დროს სამსახური არ ჰქონდათ, „უდაბნოს“ მეურნეობებში დასაქმდნენ.


„პანდემიის დროს არაფერი  გაჩერებულა იმიტომ, რომ ნარგავი ცოცხალი ორგანიზმია და სჭირდება მოვლა. ჩვენ უმეტესად ადგილობრივ მოსახლეს ვასაქმებთ,  100-დან 400 ადამიანამდე შეიძლება დავასაქმოთ ყოველდღიურად. ერთადერთი,  ტრანსპორტირებაში გვქონდა პრობლემა რადგან შეზღუდვები იყო ადამიანების რაოდენობაზე.  ჩვენი ინიციატივით,  ვინც სტუმარმასპინძლობის სფეროში იყო დასაქმებული და ვერ მუშაობდა, დავასაქმეთ „უდაბნოს“ პროექტში,“ - განმარტა პროექტ „უდაბნოს“ დირექტორმა.


მარიამ მორგოშია





აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება

აჭარაში 22:00 საათიდან რესტორნები იხურება, საზოგადოებრივი ტრანსპორტის გადაადგილება კი შეჩერდება
access_time2020-09-24 14:00:38
აჭარაში 22:00 საათიდან რესტორნები დაიხურება, საზოგადოებრივი ტრანსპორტის გადაადგილება კი მთლიანად შეჩერდება.   შესაბამისი გადაწყვეტილება უწყებათაშორისმა საბჭომ მიიღო.   „ხვალიდან 22.00 საათიდან აჭარაში რესტორნები აღარ იმუშავებს, ასევე ხვალიდან მთლიანად გაჩერდება საზოგადოებრივი ტრანსპორტი“, - განაცხადა მთავრობის ადმინისტრაციის უფროსმა ნათია მეზვრიშვილმა.

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა

„სოკარის“ მხარდაჭერით პროექტის „აქტიური ცხოვრება ჩემი სტიქიაა“ ფარგლებში 8 დღიანი „ბანაკი 2020“ ჩატარდა
access_time2020-09-24 10:15:56
პროექტის „აქტიური ცხოვრება ჩემი სტიქიაა“ ფარგლებში, კომპანია „სოკარის“ მხარდაჭერით, სამშვიდობო მისიებსა და სხვადასხვა საომარ მოქმედებაში დაჭრილი ჯარისკაცებისა და ვეტერანებისთვის, თერჯოლაში, მეღვინეობა „მახარეში“ 8 დღიანი „ბანაკი 2020“ ჩატარდა. 20–ზე მეტმა დაჭრილმა სამხედრო მოსამსახურემ და საქართველოს სხვადასხვა რეგიონში მცხოვრებმა 100–ზე მეტმა შშმ პირმა საკუთარი ძალები 10 სხვადასხვა ინტეგრირებულ სპორტულ–კულტურულ შეჯიბრებაში მოსინჯა. მათ იასპარეზეს ნარდისა და დომინოს ტურნირებში,...

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა

კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა
access_time2020-09-24 11:30:45
„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით. ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ...

გიორგი გახარია - დღესაც, საქართველო მწვანე ზონად რჩება

გიორგი გახარია - დღესაც, საქართველო მწვანე ზონად რჩება
access_time2020-09-24 11:00:18
მობილობის ზრდის შედეგია ის, რაც დღეს ხდება, განსაკუთრებით აჭარაში, თუმცა ყველას კარგად უნდა გვესმოდეს, რომ ეს იყო აბსოლუტურად პროგნოზირებადი და ჩვენ ამისთვის ვემზადებოდით, -  ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა.   მთავრობის მეთაურმა ქვეყანაში არსებულ ეპიდემიოლოგიურ მდგომარეობაზე ისაუბრა და აღნიშნა, რომ ფიქსირდება ინფიცირების რაოდენობის მკვეთრი ზრდა, თუმცა ეს მოსალოდნელი იყო.   „ჩვენ, ჩვენს...

Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...


მსგავსი სიახლეები

up