იტალიაში ნაგვის ნარჩენებისგან მიღებული გაზით რუსულ გაზს ჩაანაცვლებენ

იტალიაში ნაგვის ნარჩენებისგან მიღებული გაზით რუსულ გაზს ჩაანაცვლებენ

access_time2022-08-10 09:30:00

იტალიური კომპანია, Maire Tecnimont ნაგავსაყრელების ნარჩენების გადამუშავების ახალ მეთოდს ნერგავს და ხუთ წელიწადში ნაგვისგან ენერგომომარაგებისთვის და გათბობისთვის საჭირო გაზის 10%-მდე მოცულობის წარმოებას გეგმავს. კომპანიის აღმასრულებელმა დირექტორმა, ალესანდრო ბერნინიმ Bloomberg-ს განუცხადა, რომ ეს საწვავი რუსული ბუნებრივი აირის ჩანაცვლებას შეძლებს.

ბერნინის თქმით, ქვეყნის ნაგავსაყრელებზე ყოველწლიურად, დაახლოებით, 16 მილიონი ტონა ნარჩენი გროვდება, რაც მეორად გადამუშავებას არ ექვემდებარება. პროექტი, Green Circular District ათი ქარხნის მშენებლობას გულისხმობს, რომელიც წელიწადში 600 000 ტონა ნაგავს გადაამუშავებს. ბერნინი ვარაუდობს, რომ ხუთი წლის განმავლობაში „ეს ქარხნები ქვეყნის შიგნით გაზის 10%-ის წარმოებას შეძლებენ, რაც იტალიის გათბობისა და ელექტრომომარაგების მთლიან ქსელს სჭირდება.“

„ჩვენ შეგვეძლია მისი გადამუშავება სინთეზირებულ გაზად, რომ უცხოურ ენერგიაზე დამოკიდებულება შემცირდეს,“ - აცხადებს ალესანდრო ბერნინი სააგენტოსთან ინტერვიუს დროს.

Maire Tecnimont პროექტში თავისი ინვესტიციის ოდენობას არ ამხელს, თუმცა უკვე მზად არის, ნარჩენების ქიმიკატებში გადამუშავების საკუთარი ტექნოლოგია ინდუსტრიული მასშტაბით დანერგოს. კომპანია თავის „მწვანე“ ტექნოლოგიებს მავნე გამონაბოლქვის შემცირების გასაღებად აფასებს. ბერნინი ამბობს, რომ „უახლოეს მომავალში ამ პროცესმა შესაძლოა, ფოლადის ინდუსტრიის დეკარბონიზაციას შეუწყოს ხელი.“


Maire Tecnimont-ის საბაზრო კაპიტალიზაცია, დაახლოებით, 890 მლნ ევროს (906 მლნ დოლარს) შეადგენს. წლის პირველი ნახევრისთვის კომპანიის სუფთა შემოსავალი 42.2 მლნ ევრო იყო, რაც, წინა წელთან შედარებით, 5.5%-ით მეტია. ბერნინი კომპანიის მთავარ ფინანსურ ოფიცრად, დაახლოებით, ათი წლის განმავლობაში მუშაობდა, ვიდრე მაისში აღმასრულებელ დირექტორად დაინიშნებოდა.

ამჟამად იტალია, ისევე, როგორც ევროპის უმეტესი ნაწილი, რუსეთიდან ბუნებრივი აირის მიწოდების შემცირების ფონზე, ზამთრისთვის გაზსაცავებს ავსებს. იტალიაში გაზის მთლიანი იმპორტიდან რუსეთის წილი, დაახლოებით, 25%-ია, მაშინ, როცა ადრე ეს მოცულობა 38%-ს შეადგენდა. ქვეყანა 2024-2025 წლების ზამთრისთვის რუსული გაზის სრულად შეწყვეტას აპირებს. ნავთობისა და გაზის იტალიურმა ჯგუფმა, Eni-მ ივლისის ბოლოს გამოაცხადა, რომ სხვა მიმწოდებლებთან კონტრაქტების ხარჯზე რუსული გაზის მთლიან ჩანაცვლებას 2025 წლისთვის გეგმავს.

ახლახან ევროკავშირის ქვეყნებმა გადაწყვიტეს, გაზის მოხმარება 15%-ით ნებაყოფლობით შეამცირონ. ზამთრისთვის მოსამზადებლად მიწოდების შემცირებისკენ წევრ ქვეყნებს ევროკომისიამ 29 ივლისს მოუწოდა, რადგან მისი შეფასებით, რუსეთის მხრიდან მიწოდების შემცირებამ ევროპის ქვეყნების, თითქმის, ნახევარს უკვე პრობლემები შეუქმნა.

ბიზნესპრესნიუსი

თეგები:
გაზი



ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა

ლარის კურსი დოლართან 0.78 თეთრით გამყარდა, ევროსთან კი 2.72 თეთრით გაუფასურდა
access_time2022-10-04 17:00:26
4 ოქტომბერის ვაჭრობის შედეგად, საქართველოს ეროვნული ვალუტა აშშ დოლართან მიმართებით 0.78 თეთრით გამყარდა, შედეგად ერთი დოლარის ოფიციალური ღირებულება 2.8150 ლარი გახდა. სებ-ის ცნობით, ეროვნული ვალუტა ევროსთან მიმართებით 2.72 თეთრით გაუფასურდა, შედეგად ერთი ევროს ოფიციალური ღირებულება 2.7860 ლარი გახდა. Bloomberg-ის სავაჭრო სისტემაში კი ლარით და რეგიონალური ვალუტებით ვაჭრობა დღის განმავლობაში მცირედი ცვლილებებით გამოირჩეოდა. ქართული ლარის კურსი Bloomberg-ზე კი დილიდან...

ფიზიკის დარგში ნობელის პრემიის ლაურეატები გამოვლინდნენ

ფიზიკის დარგში ნობელის პრემიის ლაურეატები გამოვლინდნენ
access_time2022-10-04 15:36:57
ნობელის კომიტეტმა 4 ოქტომბერს გამოაცხადა 2022 წლის ლაურეატები ფიზიკის დარგში. ისინი არიან ფრანგი ალენ ასპე, ამერიკელი ჯონ კლაუერი და ავსტრიელი ანტონ ცაილინგერი. მათ ნობელის პრემია მიენიჭათ ჩახლართული ფოტონების სფეროში ექსპერიმენტებისთვის, ბელის უტოლობის დარღვევის კვლევისთვის და ნაშრომებისთვის კვანტურ ინფორმატიკაში.   მეცნიერებმა ნოვატორული ექსპერიმენტების ჩატარება შეძლეს ჩახლართული კვანტური მდგომარეობებით, როცა ორი ნაწილაკი იქცევა როგორც ერთი მთელი, მაშინაც კი, როცა...

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში

ბოლო წლებში სარეკლამო შემოსავლის ყველაზე დიდი კლება მანამდე ლიდერ „რუსთავი 2-ს“ ჰქონდა - ანგარიში
access_time2022-10-04 15:00:18
2021 წელს, 2020 წელთან შედარებით, სატელევიზიო სარეკლამო ბაზარი 7.8 მლნ ლარით გაიზარდა (10.4%) და 83.1 მლნ ლარი შეადგინა. ამის შესახებ, საერთაშორისო გამჭვირვალობა საქართველო ახალ ანგარიშს აქვეყნებს. 2021 წლის სატელევიზიო სარეკლამო ბაზრის ანგარიშის მიხედვით, 2021 წელს ყველაზე მეტი რეკლამა, ტრადიციულად „იმედის“ ჰოლდინგმა მიიღო. მისმა შემოსავალმა 2021 წელს 31.1 მლნ ლარი (სარეკლამო ბაზრის 37.4%) შეადგინა. მეორე ადგილზე ტელეკომპანია „რუსთავი 2“ „მთავარმა არხმა“ ჩაანაცვლა...

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა

დეპუტატმა ვიქტორ ჯაფარიძემ ტელეკომპანია POS TV -ის წილების 52% შეიძინა
access_time2022-10-04 14:45:32
დეპუტატმა და ხალხის ძალის“ წევრმა ვიქტორ ჯაფარიძემ ტელეკომპანია POS TV -ის წილების 52% შეიძინა. სიახლის შესახებ დღეს უ,რავლესობიდან წასული დეპუტატებიდან ერთ-ერთმა, სოზარ სუბარმა მოძრაობის ახალი წევრების წარდგენაზე ისაუბრა. გარიგების საფასური 520 000 ლარია. ახლა პოსტვ“-ის მეწილეების სია ასე გამოიყურება: ვიქტორ ჯაფარიძე - 52%;შალვა რამიშვილი -24%;თემურ ჭარელაშვილი - 24%.

2023 წლიდან საჯარო სექტორში საბაზო თანამდებობრივი სარგო იზრდება

 2023 წლიდან საჯარო სექტორში საბაზო თანამდებობრივი სარგო იზრდება
access_time2022-10-04 16:00:54
მთავრობა საჯარო სექტორის ხელფასის არასახელმწიფო სექტორის ხელფასებთან დაახლოებას ცდილობს. ამიტომ 2023 წლიდან საბაზო თანამდებობრივი სარგო იზრდება. „საჯარო დაწესებულებაში შრომის ანაზღაურების შესახებ“ საქართველოს კანონში შესატანი ცვლილებები საკანონმდებლო ორგანოში უკვე ინიცირებულია. ხელისუფლებაში მიაჩნიათ, რომ სახელმწიფო სექტორში საშუალო ხელფასი არასდროს არ უნდა უსწრებდეს არასახელმწიფო სექტორში საშუალო ხელფასს, თუმცა მათ შორის დიდი განსხვავებაც...


მსგავსი სიახლეები

up