იტალიამ, ახალი კორონავირუსის შედეგად სიკვდილიანობის პროცენტული მაჩვენებლით მსოფლიოში პირველი ადგილი დაიკავა. „რია-ნოვოსტი“ წერს, რომ COVID-19- ით დაინფიცირებული ყოველი მეოცე ადამიანი იღუპება.კვირას ახალი კორონავირუსით გარდაცვლილთა რიცხვი მკვეთრად 366 ადამიანამდე გაიზარდა. (4,96% 7,3 დაავადებულიდან).
მეორე ადგილზე ამერიკის შეერთებული შტატებია, სადაც დაავადების 472 შემთხვევა გამოვლინდა, თუმცა უკვე 19 ადამიანი გარდაიცვალა (4,03%). სიკვდილიანობის მაჩვნებლით მესამე ადგილზე ჩინეთია (3,83%), ხოლო მეოთხე ადგილს ირანი იკავებს (2,96%).
სიკვდილიანობის ყველაზე დაბალი მაჩვენებელი სამხრეთ კორეაშია, სადაც ახალი კორონავირუსის შედეგად ინფიცირებულთა 0,68% გარდაიცვალა.
ვირუსით ინფიცირებულთა წილის მიხედვით პირველ ადგილზე სამხრეთ კორეაა.
ვირუსით ინფიცირებულთა წილის მიხედვით კი, პირველ ადგილზე სამხრეთ კორეაა, სადაც 1 მილიონ მაცხოვრებელზე კორონავირუსით ინფიცირებულთა 142,1 დადასტურებული შემთხვევა ფიქსირდება. მეორე ადგილზე იტალიაა (121,9 ადამიანი).მესამეზე ირანი (80,9), რომელსაც მოსდევს ჩინეთი (58,3).
ინფიცირების მაღალი მაჩვენებელი დაფიქსრიდან შვეიცარიაში (39,3) და ნორვეგიაში (31,5).
ევროპული ქვეყნების უმრავლესობა ვირუსით ინფიცირებულთა წილის მიხედვით ერთ დონეზეა - მეშვიდე ადგილზეა შვედეთი (20,0), შემდეგ ბელგია (17.5), ნიდერლანდები (15.4), საფრანგეთი (14.3), ესპანეთი (13.1), გერმანია (12.3), ავსტრია (11.8), ბრიტანეთი (4.1). იაპონიაში 1 მილიონ მაცხოვრებელზე კორონავირუსით ინფიცირებულთა 3,9, შეერთებულ შტატებში კი 1,4.
წყარო: რია-ნოვოსტი