22 მარტს იტალიის ხელისუფლებამ შემოიღო საგანგებო ეკონომიკური მდგომარეობა - დაიხურა ყველა საწარმო, დაწესებულება, და ორგანიზაცია სასიცოცხლოდ მნიშვნელოვანის გარდა. აგრძელებენ მუშაობას მხოლოდ მაღაზიები, აფთიაქები, ბანკები, საზოგადოებრივი ტრანსპორტი, მიტანის სამსახურები, და პირველადი აუცილებლობის პროდუქციის მწარმოებელი ქარხნები.
1 თვის მანძილზე იტალია გადაიქცა აყვავებული ნახევარკუნძულიდან მთლიანად ჩაკეტილ ქვეყანად, კოლაფსის მდგომარეობასთან მიახლოებული ჯანდაცვის სისტემით. სადღეისოდ კორონავირუსით ინფიცირებულთა რაოდენობა შეადგენს თითქმის 60 000-ს, მათ შორის 5400 დაიღუპა. საშუალოდ დღე-ღამეში იტალიაში COVID-19-ისგან იღუპება 800 ადამიანი.
ინფიცირებულთა და გარდაცვლილთა ნახევარი მოდის ჩრდილოეთ რეგიონ ლომბარდიაზე. განსაკუთრებით მძიმე ვითარებაა ქალაქ ბერგამოში - იქ მოქმედი ერთად-ერთი კრემატორი გავსებულია, თუმცა, მისი სიმძლავრეები არაა საკმარისი - ქალაქში, სადაც ცხოვრობს 120 000 ადამიანი, დღე-ღამეში კორონავირუსისგან სიკვდილიანობამ გადააჭარბა 100-ს.
იტალიაში კრემატორიები არ საგრებლობდნენ დიდი მოთხოვნით, რადგანაც ქვეყანაში არაა მიღებული გარდაცვლილთა კრემაცია, თუმცა, სადღეისოდ დასაფლავება აიკრძალა, ხოლო ბერგამოს კრემატორი იტევს მხოლოდ 25 ადამიანს დღე-ღამეში.
ბერგამოდან გვამების სხვა ქალაქებში გადასატანად გამოიყენება იტალიის ჯარი - საღამოებით, ბნელ ქუჩებში გადაადგილდებიან სამხედრო სატვირთო მანქანების კუბოებით, რომლებიც მიდიან მეზობელ ქალაქებში, სადაც საკრემაციო სიმძლავრეები არაა გადატვირთული.
„მე ვერ ვხედავთ სინათლეს გვირაბის ბოლოში“ - განაცხადა ბერგამოს მერმა ატილიო ფონტანამ, რომელმაც ზუსტად ერთო თვის წინ თქვა, რომ კორონავირუსი არის ისეთივე უსაფრთხო, როგორც გრიპი, და მოუწოდა ყველას არ აყვნენ პანიკას სათხილამურო სეზონის პიკზე.
იტალია დღეს დაჩოქილია, რადგანაც არ მიიღო სათანადო ზომები ეპიდემიის დასაწყისში. ექიმებს უწევთ საშინელი არჩევანის გაკეთება - ვინ იცოცხლებს, და ვინ არა, რადგანაც ფილტვების ვენტილაციის აპარატები არაა საკმარისი ყველასთვის. შესაბამისად, მედიკოსებს უწევთ პაციენტებს შორის იმათი არჩევა, ვისაც აქვს გადარჩენის მეტი შანსი.
მოხუცები როგორც წესი, კვდებიან მარტოობაში, ისე, რომ ნათლად აცნობიერებენ რას მოელით.
იმატა მსხვერპლმა მედიკოსებს შორისაც - სადღეისოდ გარდაიცვალა 17 ექიმი, 3654 კი - ინფიცირებულია.
ბერგამოს საავადმყოფოში მკურნალობს 1093 პაციენტი, ადამიანები წვანან დერეფნებში, ხელოვნური სუნთქვის აპარატები კატასტროფულად არასაკმარისია. ავადმყოფები ჟანგბადის ბალონებით იხჩობიან და კვდებიან ნელი, საშინელი სიკვდილით.
პერსონალი მუშაობს დღე-ღამეში 24 საათი, ისინი არ ტოვებენ საავადმყოფოებს, რათა არ დააინფიცირონ ნათესავები. არ არსებობენ არც ქირურგები, არც უროლოგები, არც ორთოპედები - ყველა ექიმი აკეთებს საერთო საქმეს, და ცდილობენ არ დაუშვან იმ პაციენტების მდგომარეობის შემდგომი გაუარესება, რომლებსაც ფაქტიურად ვერაფრით ეხმარებიან.
ნებისმიერ სხვა ქვეყანაში ისინი დაუყოვნებლივ მოხვდებოდნენ რეანიმაციაში, თუმცა, დღეს იტალიაში ამისთვის უნდა იყო სიკვდილის ზღვარზე.
იტალიელი ექიმების თქმით, კორონავირუსით დაავადების შემთხვევაში, სიკვდილის რისკის ზრდის რამდენიმე ქრონიკული დაავადება - გულ-სისძარღვთა -10,5%-ით, დიაბეტი - 7,35-ით, ქრონიკული რესპირატორული - 6,3%-ით, ჰიპერტონია 6%-ით, ონკოლოგია - 5,6%.
გარდაცვლილთა თითქმის 50%-ს კორონავირუსის გარდა ჰქონდა როგორც მინიმუმ 1 ზემოთ ჩამოთვლილი დაავადებათაგან.
იტალიელი ექიმები აფრთხილებენ მსოფლიოს, რომ ბერგამო განმეორდება ყველგან, თუ ქვეყნები არ მიიღებენ უმკაცრეს ზომებს.