ISET 2021 წლის პირველ კვარტალში ეკონომიკური ვარდნის გაგრძელებას ელის. კვლევითი ინსტიტუტის მონაცემებით, იანვარ-მარტში საქართველოში ეკონომიკა 3.5%-ით შემცირდება.

ნოემბერში ეკონომიკური ვარდნა 7.7% იყო, ჯამში წლის მეოთხე კვარტალში ISET ეკონომიკის 5.2%-იან შემცირებას პროგნოზირებს. კვლევითი ინსტიტუტი მიანიშნებს რომ Covid19-ის პანდემიის ფონზე პროგნოზებს განსაკუთრებული გაურკვევლობა ახლავს თან და ის სრულად არ ასახავს ვირუსის მეორე ტალღის შედეგებს. ერთ-ერთი ყველაზე დიდი გავლენა ეკონომიკის ვარდნაზე ტურიზმმა იქონია. საერთაშორისო მოგზაურების რაოდენობა ნოემბერში 91%-ით შემცირდა.

2020 წლის III კვარტალში მთლიანი შიდა პროდუქტის მოცულობა მიმდინარე ფასებში 13 331.2 მლნ. ლარს გაუტოლდა, ხოლო წინა წლის შესაბამის პერიოდთან შედარებით რეალური მთლიანი შიდა პროდუქტის კლებამ 5.6 პროცენტი შეადგინა.

GBC.GE