ლექსო ალექსიშვილი: თუ აშშ მოახდენს დოლარის დევალვაციას, ეს პროცესი ლარზე არ აისახება

ლექსო ალექსიშვილი: თუ აშშ მოახდენს დოლარის დევალვაციას, ეს პროცესი ლარზე არ აისახება

access_time2019-07-12 10:00:39

Bloomberg-ს ინფორმაციით, აშშ-ს პრეზიდენტს აწუხებს დოლარის გაძლიერება, რომელიც  საფრთხეს უქმნის მის ეკონომიკურ გეგმებს. ამიტომ, დონალდ ტრაპმა თანაშემწეებს დაავალა ამერიკული ვალუტის კურსის შემცირების გზების მოფიქრება. საკითხი ჯერ არაა ბოლომდე გადაწყვეტილი, თუმცა “კომერსანტი“ დაინტერესდა, იმ შემთხვევაში თუ ამერიკა გადაწყვეტს, ხელოვნურად ჩაერიოს დოლარის კურსის წარმოქმნის პროცესში, როგორ აისახება მსოფლიო პროცესი საქართველოს ეროვნულ ვალუტაზე და მთლიანად ჩვენი ქვეყნის ეკონომიკაზე.


როგორც საკონსულტაციო კომპანია PMCG-ს გენერალური დირექტორი ლექსო ალექსიშვილი “კომერსანტთან“ საუბარში აცხადებს, დოლარის დევალვაციაზე მსჯელობა ტრამპის ადმინისტრაციაში ახლა არ დაწყებულა.


„როდესაც საგარეო გლობალური ვაჭრობის პროცესები მიმდინარეობს, ბუნებრივია, დგება სავალუტო თემატიკა და სავალუტო ვაჭრობასთან დაკავშირებით ვალუტის კურსის შემცირების საკითხი. ეს თემა აშშ-ში ყოველთვის დგას დღის წესრიგში. უბრალოდ, ახლა მიდის მსჯელობა, რამდენად არის  ხელის შემწყობი გარემო და შეიძლება თუ არა პოლიტიკით ხელოვნურად ჩაერიონ ამ პროცესში,“ -  აცხადებს ლექსო ალექსიშვილი.


 PMCG-ს გენერალური დირექტორის განცხადებით, ამერიკის ეკონომიკის მაღალი ტემპით ზრდა და ამერიკულ დოლარზე მოთხოვნა  გახდა იმის მიზეზი, რომ ტრამპის ადმინისტრაცია დოლარის დევალვაციის საკითხის განხილვას გეგმავს:



“გლობალური საგარეო ვაჭრობის პროცესში, ბუნებრივია, სავალუტო კურსს აქვს მნიშვნელოვანი დატვირთვა. ეს განსაზღვრავს ქვეყნის საგარეო სავაჭრო კონკურენტუნარიანობის თემას. რამდენიმე ათწლეულია, როდესაც ჩინეთი, როგორც ერთ-ერთი მთავარი მოთამაშე მსოფლიო სავაჭრო სივრცეში, ხელოვნურად იჭერს თავის ვალუტას და არ აძლევს  გამყარების საშუალებას, რაც თავისთავად ხელს უწყობს მის კონკურენტუნარიანობას, რაც, ბუნებრივია, მოქმედებს სხვა მოთამაშეების მდგომარეობაზე. რამდენად მოხდება აქტიურად ჩარევა დოლარის დევალვაციის პროცესებში აშშ-ს ფედერალური რეზერვებით ან ფინანსთა სამინისტროს დახმარებით, ეს უკვე შემდგომი საკითხია. ამ განცხადებითაც ჩანს, რომ მარტივი პროცესი არ იქნება. ანუ ამერიკის ინსტიტუტები მარტივად არ ჩაერევიან დოლარი კურსში. ამიტომ, ჩვენ რადიკალურ გადაწყვეტილებებს არ უნდა ველოდოთ,“ - განმარტავს ლექსო ალექსიშვილი.



როგორც ალექსიშვილი აცხადებს,  იმ შემთხვევაში თუ დოლართან მიმართებით ამერიკის ადმინისტრაცია დევალვაციის გადაწყვეტილებას მიიღებს,  ეს პროცესი ლარზე არ აისახება -  არც ნეგატიურად და არც პოზიტიურად.  ყოფილი ფინანსთა მინისტრი ამის მიზეზად საქართველოს მცირე ეკონომიკას ასახელებს.

 

„საქართველოს სავაჭრო ურთიერთობები არ არის ამერიკასთან უშუალო კავშირში. მისი სავაჭრო ურთიერთობები არის აშშ-ს სავაჭრო პარტნიორებთან კავშირში და, ბუნებრივია, როცა სავალუტო კურსს უყურებ უნდა შევხედოთ არა ნომინალურ კურსს, არამედ რეალურ გაცვლით კურსს. რეალური გაცვლითი კურსის თვალსაზრისით ყალიბდება საბოლოო ჯამში ეს მდგომარეობა. ჩვენი რეალური გაცვლით კურსის შემხედვარე, არ გვაქვს გაუფასურებული ვალუტა. ჩვენ ვუყურებთ დოლართან მიმართებაში ნომინალურ კურსს, მაგრამ, თუ შევხედავთ სავაჭრო პარტნიორ ქვეყნებთან მიმართებაში, როგორიც არის მაგალით თურქეთი, რუსეთი და სხვები, ამ ვითარებაში ლარი გაუფასურებული არ არის. ჩვენ არ უნდა წარმოვიდგინოთ, რომ თუ დოლარის დევალვაცია მოხდება, ეს კარდინალურად შეცვლის მის სავალუტო კურსს სხვა ვალუტებთან მიმართებაში - ეს ესე არ მოხდება. ამის მოლოდინები არ უნა გვქონდეს. საქართველომ უნდა უზრუნველყოს შემდეგი: ჩვენი ეკონომიკა უნდა იყოს ძლიერი, რაც ნიშნავს იმას, რომ  ჩვენი ფუნდამენტური ეკონომიკური საფუძვლები როგორიც არის ექსპორტის მდგომარეობა, ეკონომიკური სტაბილურობის მდგომარეობა, წარმოების დონე და ა.შ. იყოს მაქსიმალურად გაზრდილი. ამას უნდა მივაქციოთ არსებითი ყურადღება. ბაზრების დივერსიფიცირება უმნიშვნელოვანესია, რამდენადაც შესაძლებელია მეტი საგარეო სავაჭრო პარტნიორი უნდა გვყავდეს. ეს არის მთავარი სამიზნე. ის რომ ამერიკა შეცვლის თავის სავალუტო გაცვლით კურსს ჩინეთის იუანთან მიმართებაში, ეს ჩვენთვის განსაკუთრებულ მნიშვნელობას არ იძენს“, - განაცხადა ლექსო ალექსიშვილმა.


ბაჩო ადამია

 






ბათუმის მერია „რივიერას“ ტერიტორიაზე სილქ როუდ ჯგუფის მრავალფუნქციური კომპლექსის პროექტის განხილვას იწყებს

ბათუმის მერია  „რივიერას“ ტერიტორიაზე სილქ როუდ ჯგუფის  მრავალფუნქციური კომპლექსის პროექტის განხილვას იწყებს
access_time2019-07-16 18:55:01
ბათუმის საკრებულომ ბათუმის მერიას დაავალა ადმინისტრაციული წარმოების დაწყება „რივიერას“ ტერიტორიაზე განაშენიანების რეგულირების გეგმის (გრგ) დამტკიცების შესახებ დადგენილების პროექტის მოსამზადებლად. აღნიშნულ ტერიტორიაზე სილქ როუდ ჯგუფი მრავალფუნქციური კომპლექსის აშენებას გეგმავს, რომელიც 5 მაღალსართულიანი ნაგებობის მშენებლობას გულისხმობს. პროექტის ჯამური ინვესტიცია, დაახლოებით მილიარდი ლარი, მოხმარდება, როგორც მრავალფუნქციური შენობების აშენებას, ასევე თანამედროვე...

Visa-მ და MasterCard-მა შესაძლოა რუსეთი დატოვონ

Visa-მ და MasterCard-მა შესაძლოა რუსეთი დატოვონ
access_time2019-07-16 20:00:14
რუსეთის სახელმწიფო სათათბირო განიხილავს კანონპროექტს, რომლის მიღებამაც, შესაძლოა, აიძულოს საერთაშორისო საგადამხდელო სისტემები Visa და MasterCard-ი რუსეთიდან გავიდნენ. თუ ასე მოხვდა, რუსეთის მოქალაქეები ვერ შეძლებენ თავიანთი ბარათების გამოყენებას უცხოეთში, ხოლო რუსეთში აიკრძალება უცხოური ბანკების პლასტიკური ბარათები. 23 ივლისს იგეგმება კანონპროექტის „ეროვნული საგადასახადო სისტემის თაობაზე“ განხილვის დაწყება. მიღების შემთხვევაში, კანონი...

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“

“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება“
access_time2019-07-16 19:00:05
“იმისათვის, რომ ენაც შევინარჩუნოთ და მსოფლიო პროგრესსაც არ ჩამოვრჩეთ, ახლებურად მოაზროვნე, მოქნილი ტვინების ნააზრევი გვჭირდება “ — ასე აფასებს აშშ-ის მონტგომერის სახელობის ფედერალური კლინიკის ანესთეზიისა და ქირურგიის დეპარტამენტების დირექტორი, ასევე მისისიპის უნივერსიტეტის კლინიკური ანესთეზიოლოგიის პროფესორი ზურაბ გურული სკოლებში იაკობ გოგებაშვილის „დედა ენის“ დაბრუნდებას, რასაც საზოგადოებაში აზრთა სხვადასხვაობა...

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება

პრემიერის განცხადებით, მცირე და საშუალო ზომის სასტუმროების მფლობელებს სახელმწიფო კრედიტების პროცენტების ნაწილობრივ დაფარვაში დაეხმარება
access_time2019-07-16 17:55:19
არც ერთი სასტუმრო, საოჯახო ტიპის თუ საშუალო ზომის, რომლის მშენებლობაც იგეგმებოდა, არ უნდა გაჩერდეს, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა. როგორც მამუკა ბახტაძემ აღნიშნა, სახელმწიფოს მცირე და საშუალო მეწარმეების დასახმარებლად კონკრეტული მექანიზმები აქვს. კერძოდ, ბახტაძის თქმით, მეწარმეებს, რომლებსაც ბიზნესის განსავითარებლად სესხები აქვს აღებული, მათი პროცენტების თანადაფინანსება სახელმწიფოს...

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს

გადადი ახალ ბინაში — ტერაბანკის იპოთეკური სესხი მათთვის, ვისაც სახლის შეცვლა სურს
access_time2019-07-16 17:50:11
ტერაბანკი მომხმარებლებს, რომლებსაც ბინის შეცვლა აქვთ გადაწყვეტილი ახალ იპოთეკურ სესხს სთავაზობს. სესხი იმ ადამიანებისთვისაა განკუთვნილი, რომლებსაც საცხოვრებელი ბინა ჯერ არ გაუყიდიათ და სურთ, 1 დიდი სახლით ორი, ან უფრო მცირე ბინა შეიძინონ. პროდუქტის დახმარებით, მსურველებს შესაძლებლობა აქვთ, თანხა გამარტივებულად, მხოლოდ ბინის უზრუნველყოფით მიიღონ, არ იჩქარონ ძველი სახლის გაყიდვა და ახალ ბინაში სესხის დამტკიცებისთანავე გადავიდნენ. მომხმარებლებისთვის 6-თვიანი...


მსგავსი სიახლეები

up