ირინა წეროძე - საქართველოში გაცემულ კვალიფიკაციას შრომის საერთაშორისო ბაზარი დღეს უკვე აღიარებს

ირინა წეროძე - საქართველოში გაცემულ კვალიფიკაციას შრომის საერთაშორისო ბაზარი დღეს უკვე აღიარებს

access_time2019-09-19 18:40:36

დღეს საქართველოში გაცემულ კვალიფიკაციას შრომის საერთაშორისო ბაზარი უკვე აღიარებს. სახელმწიფო რეფორმის პრიორიტეტია, რომ საქართველოს მოქალაქე კონკურენტუნარიანი იყოს როგორც სამშობლოში, ისე მის ფარგლებს გარეთ, – ამის შესახებ განათლების სამინისტროს პროფესიული განათლების დეპარტამენტის უფროსმა, ირინა წეროძემ საქართველოს პირველი არხის გადაცემა „ბიზნესპარტნიორში“ სტუმრობის დროს განაცხადა.


გადაცემაში საქართველოში დასაქმების პრობლემა და მასთან დაკავშირებული გამოწვევები განიხილეს.


გადაცემის თანაწამყვანმა, კომპანია „ჯეპრას“ კონსულტანტმა, სოსო გალუმაშვილმა გუშინ ამერიკის ეროვნულ-დემოკრატიული ინსტიტუტის [NDI] მიერ გამოქვეყნებული კვლევის შედეგები განიხილა, რომლის მიხედვითაც, გამოკითხულთა 61 პროცენტი თავს დაუსაქმებლად მიიჩნევს, მათ შორის თვითდასაქმებულებიც. ამ ადამიანების უმეტესობა საშუალოზე დაბალი ხელფასის მიღების შემთხვევაში თავს დასაქმებულად ჩათვლიდა. პარალელურად, კვლევის შედეგებით, დამსაქმებლები მუდმივად ჩივიან, რომ უჭირთ კვალიფიციური მუშახელის პოვნა.


წეროძის თქმით, უმუშევრობის ერთ-ერთ მთავარ პრობლემას დაბალი კვალიფიკაცია წარმოადგენს და სახელმწიფოს მიერ გატარებული პროფესიული სწავლების რეფორმის პრიორიტეტი სწორედ ამ ხარვეზის გამოსწორებას ისახავს მიზნად.


„რეფორმის მთავარი მიზანია, რომ ჩვენი სამუშაო ძალა კონკურენტუნარიანი გახდეს როგორც საქართველოში, ისე მის ფარგლებს გარეთ. რეფორმის მამოძრავებელი ძალა არის ის სტატისტიკა, რაც დღეს შრომის ბაზარზე არსებობს. მხოლოდ ორი ციფრი რომ ვთქვათ, ეს არის მილიონ 600 ათასი დასაქმებული ადამიანი, როგორც თვითდასაქმებული, ისე დაქირავებული და მათგან 700 ათასი ფლობს მხოლოდ სრულ ზოგად განათლებას, ანუ სკოლის. ეს ნიშნავს, რომ ამ ადამიანებს პროფესია არა აქვთ, არ ფლობენ თანამედროვე უნარებს, რაც დღეს დამსაქმებელს სჭირდება. სწორედ აქედან მომდინარეობს დამსაქმებელთა საყვედურები, რომლებიც მაღალკვალიფიციურ ან შესაბამისი უნარის მქონე ადამიანს ვერ პოულობენ, რადგან ამ მილიონამდე ადამიანის უნარები სულ მცირე გასაახლებელია“, – განაცხადა წეროძემ.



მისი განმარტებით, აღნიშნული ზრდასრული დაბალი კვალიფიკაციის ადამიანების გადასამზადებლად სახელმწიფომ ძალიან მოხერხებული სისტემა შექმნა, რომელიც ორწლიანი სწავლების შემდეგ კურსდამთავრებულს ანიჭებს სერტიფიკატს, რომელიც საერთაშორისოდ არის აღიარებული.


„ამ ადამიანებისთვის, რომლებსაც სწრაფად სჭირდებათ გადამზადება, რადგან ბევრი დრო არ აქვთ, რომ სწრაფად მიიღონ ახალი პროფესია ან ახალი უნარები, რაც დასაქმებაში დაეხმარება, მათთვის სახელმწიფომ უნიკალური სისტემა შექმნა. ეს სისტემა სწრაფ დასაქმებასა და გეოგრაფიულ ხელმისაწვდომობაზეა ორიენტირებული. დღეს საქართველოს ყველა რეგიონში შესაძლებელია ორწლიანი უფასო პროფესიული განათლების მიღება, რომელიც დიპლომით სრულდება. გარდა ამისა, სრულიად უფასოდ, სახელმწიფოს სრული დაფინანსებით, შეიძლება, ჩაირიცხონ კოლეჯებში ან კერძო იურიდიულ პირებში, რომლებიც მოქალაქეებს ნებისმიერ გადამზადებას შესთავაზებენ, იქნება ეს ორთვიანი, სამთვიანი თუ ექვსთვიანი. ყველგან სადაც სახელმწიფო სერტიფიკატს გასცემს, სახელმწიფო დააფინანსებს“, – განმარტა წეროძემ.


პროფესიული განათლების დეპარტამენტის უფროსმა ხაზი გაუსვა, რომ ეროვნული კვალიფიკაციის ახალი ჩარჩოს მიხედვით, საქართველოში გაცემულ სერტიფიკატებს საერთაშორისო ბაზარიც აღიარებს.


„ჩვენ ვსაუბრობთ ეროვნული კვალიფიკაციების ახალ ჩარჩოზე, რომელიც მიმდინარე წლის მარტში შევიდა ძალაში. ეს ნიშნავს, რომ საქართველოში გაცემული კვალიფიკაციები დღეს ნდობას საერთაშორისო შრომის ბაზარზე იმსახურებს. დღეს მაგალითად გერმანიაში თუ სხვა ნებისმიერ ქვეყანაში, თუ დამსაქმებელი გადაწყვეტს დაასაქმოს საქართველოს მოქალაქე, რომელიც ფლობს ახლად გაცემულ დიპლომს თავისი დანართით, იქ ამოკითხული კვალიფიკაცია დამსაქმებლის ქვეყნის მოქალაქის დიპლომის იდენტური იქნება“, – დააზუსტა წეროძემ.


1tv.ge






BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას

BBC-ის მთავარი ბიზნეს კორესპონდენტი - ირლანდია ევროკავშირში სიმდიდრით მეორე ქვეყანაა, საქართველოსაც შეუძლია გაჰყვეს ამ გზას
access_time2019-10-22 19:30:35
თქვენ გაქვთ კანონი, გაქვთ ინფრასტრუქტურა და ადამიანური კაპიტალი. თუ ამ გზას გაჰყვებით, საქართველო 15 წელიწადში კავკასიის ლიდერი იქნება, - ასე შეაფასა BBC-ის მთავარმა ბიზნეს კორესპონდენტმა ჯო ლაინამმა განვითარების პროცესში საქართველოს მიერ აღებული გეზი. ჯო ლაინამი „აბრეშუმის გზის ფორუმზე“ დასასწრებად თბილისში ჩამოვიდა. ფორუმზე ის ერთ-ერთი პანელის მოდერატორი იყო. დასრულების შემდეგ კი მსოფლიოს ბაზარზე საქართველოს პოზიციონირებისა და განვითარების პერსპექტივის შესახებ...

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ

კარგი კურსი, კარგი რეგულაციები -ჩენი სხვა ჩინელ ბიზნესმენებსაც მოუწოდებს, შემოვიდნენ
access_time2019-10-22 17:31:38
კარგი პოლიტიკური კურსი, კარგი რეგულაციები, პირდაპირი ინვესტიციების წახალისებაზე და ქვეყნის პოტენცილაზე ჩინქსინ ჩენი აღნიშნავს. ამბობს, საქართველოში ჩინური კომპანიების ფართო წარმომადგებლობაზე და სურვილზე, მეტი ჩინური კომპანია იყოს წარმოდგენილი, რადგან საქართველოს გზაა ყველა მოკლეა ევროპასა და აზიას შორის. აბრეშუმის გზის ფორუმზე ანაკლიის განვითარების კონსორციუმის გენერალური დირექტორი ანაკლიის პორტის პროექტის ბარიერებზე საუბრობს. ვაპირებთ შეხვედრას...

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი

SOCAR-ის ვიცე-პრეზიდენტი: „სოკარ ჯორჯიას შესანიშნავი პარტნიორობა აქვს ადგილობრივ ხელისუფლებასთან. ჩვენ ვცდილობთ ვიყოთ საუკეთესო პარტნიორი
access_time2019-10-22 16:54:10
„საქართველოში სოკარ ჯორჯია წარმოდგენილია მისი ხელმძღვანელით მაირ მამედოვით, მათ შესანიშნავი პარტნიორობა აქვთ ადგილობრივ ხელისუფლებასთან, სახელისუფლებლო სტრუქტურებთან, - ამის შესახებ აზერბაიჯანის სახელმწიფო ნავთობ კომპანიის (SOCAR) ვიცე-პრეზიდენტმა, იაშარ ლატიფოვმა აბრეშუმის გზის ფორუმზე სიტყვით გამოსვლისას აღნიშნა. თემატურ პანელზე - „ენერგეტიკის ხვალინდელი დღე - განვითარების ტენდენციები, უსაფრთხოება და მდგრადობა აბრეშუმის გზის ენერგეტიკული სარტყელის ფარგლებსა და ფარგლებს გარეთ,...

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“

რატომ მოიტყუა საჯაროდ ქალბატონმა მინისტრმა?-„არცერთ მინისტრს არ აქვს განცდა, რომ ის თავის სიტყვებზე პასუხისმგებელია“
access_time2019-10-22 15:30:11
„თუ ბიძინა ივანიშვილი პატიობს შეცდომას, ჩვენ რა პრობლემა გვაქვს.  დღეს ასე იტყვის, ხვალ ისე, მთავარია ის იყოს კმაყოფილი.“ - ასე აფასებს მაია ცქიტიშვილის „შეცდომას“ FDI-ს მაჩვენებლებთან დაკავშირებით ექსპერტი გია ხუხაშვილი. ვიცე-პრემიერმა მაია ცქიტიშვილმა „აბრეშუმის გზის ფორუმზე“ განაცხადა, რომ 2018 წელს საქართველომ “ერთ-ერთი ყველაზე დიდი მოცულობის პირდაპირი უცხოური ინვესტიცია (FDI) მიიღო”, თუმცა ეს განცხადება სიმართლეს არ შეესაბამებოდა, რადგანაც 2018...

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“

ნათია თურნავა: „ანაკლიის პროექტს მთელი დერეფანი ელოდება, იმედი გვაქვს, ის მომავალი წლიდან დაიძრება“
access_time2019-10-22 14:51:39
„ანაკლიის პორტის პროექტის დაწყება ზედმეტად დაგვიანდა, დიდი იმედი გვაქვს, მომავალი წლიდან ამ პროექტს უკვე დავძრავთ“, – ამის შესახებ საქართველოს ეკონომიკისა და მდგრადი განვითარების მინისტრმა, ნათია თურნავამ განაცხადა.მისი თქმით, ანაკლიის ღრმაწყლოვანი პორტი ეს არის ერთ-ერთი მნიშვნელოვანი სტრატეგიული პროექტი, რომელიც საქართველოს მთავრობის ყველა პრეზენტაციაში მნიშვნელოვან ადგილს იკავებს. „როდესაც ვსაუბრობთ იმაზე, როგორ უნდა გამოვიყენოთ უკეთ შავი ზღვის შესაძლებლობები...


მსგავსი სიახლეები

up