ირინა მილორავა: ენერგეტიკული ბირჟის სატესტო შედეგები აპრილის ბოლოს გვეცოდინება

ირინა მილორავა: ენერგეტიკული ბირჟის სატესტო შედეგები აპრილის ბოლოს გვეცოდინება

access_time2021-04-16 00:00:00

„1 ივლისისთვის საქართველოს ენერგეტიკული ბირჟა სრულფასოვნად ამოქმედდება. საამისოდ გაკეთებულია ყველაფეერი, რაც დაგეგმილი გვქონდა“, - ამის შესახებ ენერგეტიკული ბირჟის გენერალურმა დირექტორმა ირინა მილორავამ რადიო გადაცემა „ბიზნესპარტნიორში“ განაცხადა.


„ენერგეტიკული ბირჟის ამოქმედებისთვის საჭირო ყველა სამუშაო გეგმის მიხედვით ხორციელდება. მათ შორის, დაწყებულია სატესტო რეჟიმი, რომელიც რამდენიმე ეტაპს მოიცავდა. პირველი იყო თეორიული ცოდნის მიწოდება მონაწილეებისთვის, გარკვეული ტრენინგები. ასევე, სავაჭრო პლატფორმასთან გაცნობა ბაზრის მონაწილეებისთვის და ზუსტად 7 აპრილს ჩვენ უკვე, ასე ვთქვათ, სრულფასოვანი დატესტვა დავიწყეთ მთელი სისტემის.


ეს ნიშნავს, რომ ამ პროცესში უკვე მონაწილეობს არა მხოლოდ ენერგეტიკული ბირჟა, არამედ ბაზრის დანარჩენი ორი სეგმენტი. კერძოდ, ორმხრივი ხელშეკრულებების ბაზარი და საბალანსო და დამხმარე მომსახურებების ბაზარი.


ამ პროცესში რეგისტრირებულია 41 მონაწილე. აქედან 28 მონაწილეობს მხოლოდ ბირჟაზე. დანარჩენები ბაზრის სხვა სეგმენტზე არიან რეგისტრირებულები და პრაქტიკულად 7 აპრილიდან დაიწყო ეს პროცესი. სამი სავაჭრო დღე დავთქვით - 13, 14 და 15 აპრილი, როდესაც სრულფასოვნად წარადგენენ მონაწილეები განაცხადს. თვის ბოლოს პირველი სატესტო რეჟიმის შედეგები უკვე ხელმისაწვდომი გვექნება“, - აღნიშნა მილორავამ.


მილორავამ განმარტა, რომ ბირჟის ამოქმედების მთავარი შედეგი იქნება ის, რომ ჩამოყალიბებდება კონკურენტული ფასი, მოხდება გენერაციის ობიექტების დერეგულირება და მათი კონკურენციაში გაშვება. შედეგი იქნება ასევე ის, რომ მივიღებთ სამართლიან ფასს.


მისი თქმით, ზოგადად, განვითარებულ ბაზრებზე, ცნობილია, რომ ბირჟა ხდება ის სეგმენტი, სადაც კონკურენტული და გაჭვირვალე ფასი ყალიბდება.


„ჩვენს შემთხვევაში ამ ყველაფრის გარანტია, მათ შორის, არის ის, რომ ჩვენს უკან დგას მსოფლიოში ძალიან ავტორიტეტული კომპანია „ნორდპული“, რომელიც ევროპის 15 ქვეყანაში ოპერირებს და ის ფასის წარმოქნის ალგორითმი, რომელსაც ჩვენ ვიყენებთ, არის ევროპული ალგორითმი.



მთავარია, ბაზრის მონაწილეები იყვნენ მზად ამ პროცესისთვის, რადგან ხშირად, ფიქრობენ, რომ კონკურენტული და თავისუფალი ბაზარი ნიშნავს ყველაფრის კეთების უფლებას. სინამდვილეში, ეს ასე არ არის. ბაზრის მონაწილე, რომელიც აკეთებს განაცხადს ბირჟაზე, ვალდებულია, დადოს გონივრული და დასაბუთებული განაცხადი“, -აღნიშნა მილორავამ.


ბაზრის მონიტორინგის თვალსაზრისით ირინა მილორავა მიიჩნევს, რომ ძალიან მნიშვნელოვანი იქნება მარეგულირებელი კომისიის როლი. „მარეგულირებელი კომისია ხდება ის მნიშვნელოვანი ორგანო, რომელიც აკვირდება ამ პროცესს მუდმივად და ლაივ რეჟიმში და ყველა შესაძლო მანიპულაციის თაობაზე სწრაფად იღებს გადაწყვეტილებას. ამიტომ, ეს ორი კომპონენტი - ბირჟაზე კვალიფიციური მონაწილეების დაშვება და ბაზრის მონიტორინგის ეფექტიანი მექანიზმი, არის გამჭვირვალე ბაზრის აუცილებელი წინაპირობა“, - განმარტა ბირჟის გენერალურმა დირექტორმა.


„ბიზნეს პარტნიორთან საუბარში მილორავა ელექტროენერგიის იმპორტის საკითხსაც შეეხეო. როგორც მან აღნიშნა, იმპორტი არის საქართველოს გამოწვევა. „ჩვენ ვსაუბრობთ ევროპულ ბაზარზე, მაგრამ არ უნდა დაგვავიწყდეს, რომ არ ვართ ევროპული ენერგეტიკული სისტემის ნაწილი და გვყავს გვყავს ისეთი მეზობლები, რომლებთანაც არ გვაქვს ჰარმონიზებული კანონმდებლობა.


იდეალურ შემთხვევაში, ყველა მეზობელ ქვეყანასთან რომ გვქონდეს ჰარმონიზებული კანონმდებლობა, ჩავთვალოთ, რომ ისინი ზუსტად ისეთივე დოზით და ისეთივე წესებით მიიღებენ მონაწილეობას საქართველოს ბაზარზე ვაჭრობაში, როგორც ადგილობრივი მონაწილეები.


ახლა იწერება ზუსტად ტრანსსასაზღვრო ბაზრის წესები, რომელიც გაითვალისწინებს საქართველოს არსებულ რეალობას და სპეციფიური საკითხები იქნება პასუხგაცემული.


ფაქტი ერთია, რომ ენერგეტიკულ ბირჟაზე იმპორტიორები შემოდიან ზუსტად იგივე უფლებით და იგივე შესაძლებლობებით, როგორც ნებისმიერი ადგილობრივი, დავუშვათ მწარმოებელი“, - განაცხადა მილორავამ.


ბირჟაზე დადებული გარიგებების შესახებ ინფორმაციის საჯაროობის საკითხზე საუბრისას მილორავამ აღნიშნა, რომ ზოგადად ფასის ფორმირება ხელმისაწვდომი და გამჭვირვალე იქნებაენერგეტიკულ ბირჟაზე, მაგრამ კონკრეტულ განაცხადებზე ინფორმაცია, არ იქნება ღია.


„კონკრეტულ განაცხადებზე ინფორმაცია არ გასაჯაროვდება, იმიტომ, რომ ეს არის კომპანიების კომერციული საიდუმლოება. თუმცა, იგი ხელმისაწვდომი იქნება მარეგულირებელი კომისიისთვის და კომისია შეამოწმებს ხომ არ აქვს ადგილი ბაზარზე მანიპულირებას. კიდევ ერთხელ ვამბობ, იმპორტთან დაკავშირებით განსხვავებული მიდგომები თუ საჭირო გახდება, ეს იქნება სპეციალურ კანონმდებლობაში“, - განმარტა მილორავამ.


business-partner.ge







„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up