ირაკლი ზარქუა „ნაციონალურ მოძრაობას“ მათი ხელისუფლების პერიოდში რუსეთთან გაფორმებულ შეთანხმებებს ახსენებს

ირაკლი ზარქუა „ნაციონალურ მოძრაობას“ მათი ხელისუფლების პერიოდში რუსეთთან გაფორმებულ შეთანხმებებს ახსენებს

access_time2016-01-14 16:41:54

საერთაშორისო ეკონომიკური ურთიერთობების სპეციალისტი ირაკლი ზარქუა “გაზპრომთან“ მოლაპარაკებების მოწინააღმდეგეებს წინა ხელისუფლების დროს რუსეთთან დადებულ ხელშეკრულებებს შეახსენებს. მისი თქმით, ამჟამინდელი ხელისუფლება რუსულ მონოპოლისტთან მხოლოდ ერთწლიან კონტრაქტზე საუბობს,რადგან აზერბაიჯანს, მართალია აქვს საჭირო რაოდენობის გაზი საქართველოსთვის დამატებითი მოცულობების მიწოდებისთვის, თუმცა არ არსებობს მიწოდების ტექნიკური საშუალებები. სწორედ ამ დეფიციტის შევსებას სჭირდება რუსული გაზი. თანაც, როგორც ზარქუა განმარტავს, საუბარია კომერციულ გაზზე და ეს არანაირად არ ეხება სოციალურ გაზს, რომელსაც საქართველო აზერბაიჯანიდან უწყვეტად იღებს.


ზარქუას თქმით, საქართველოში წლიდან წლამდე იზრდება გაზის მოხმარება, იქმნება ახალი ან ფართოვდება არსებული საწარმოები, რომლებიც ელექტროენერგიას მოიხმარენ. ელექტროენერგია კი იწარმოება როგორც ჰიდრო ისე თბოსადგურებში, რომლებიც ბუნებრივ აირზე მუშაობს, სწორედ ამის გამო, ზარქუას თქმით, 2012 წლიდან დღემდე, 38%–ით გაიზარდა გაზის მოხმარება და დღის წესრიგში დადგა  დამატებითი გაზის მარაგების მოძიება ამა თუ იმ ქვეყნიდან.


როგორც ზარქუა ამბობს, გაზის მოხმარება პიკურ პერიოდში 11 მილიონ კუბურ მეტრს ასცდა, რასაც ვიღებთ შემდეგი გზებით:

სოკარის მილით 6 მილიონს, შაჰდენიზიდან 2,9 მილიონს, დანარჩენს კი რუსეთიდან, სომხეთში ტრანზიტის საფასურად, ნატურით.

თუმცა რუსეთმა, საერთაშორისო სტანდარტებიდან გამომდინარე, მოითხოვა ტრანზიტის საფასურის არა ნატურით, არამედ ფულადი სახით გადახდა, რაც, ზარქუას თქმით, საქართველოსთვის დამაზარალებელია, რადგან ეს უფრო ნაკლები გამოდის, ვიდრე გაზის სახით გადახდის შემთხვევაში გამოდიოდა.

 

„ეს ხელშეკრულება ახალ ხელისუფლებას არ გამოუგონებია, ომამდე და ომის შემდეგაც გაზპრომი გვაწვდიდა ბუნებრივ აირს. მაშინ არცერთ ოპოზიციას თუ ენჯეოშნიკს პრეტენზია არ გამოუთქვამს. მაშინ არ იყო რუსეთი ოკუპანტი?“ – აცხადებს ზარქუა და სვამს შეკითხვას, თუ რა ალტერნატივა აქვს საქართველოს ამ შემთხვევაში.



„ერთი არის ის, რომ ისევ აზერბაიჯანს ვთხოვოთ, დამატებითი ბუნებრივი აირი გამოყოს ჩვენთვის, რაზეც განაცხადეს, რომ ამის პრობლემა არ არსებობს, თუმცა არის ტექნიკური პრობლემა. ის მილსადენები, რომლებიც დღეს საქართველოს აწვდის ბუნებრივ აირს აზერბაიჯანიდან, მაქსიმალური დატვირთვით მუშაობს და მეტს ვერ გაატარებს, ამიტომ არის ასეთი ვარიანტი: ან რუსეთს ვთხოვოთ მოგვაწოდოს პიკურ საათებში 2–2,5 მილიონი აირი ან უარი ვთქვათ ამაზე და ელექტროენერგია შევისყიდოთ ისევ რუსეთიდან ან თურქეთიდან, რაც ფულად გამოხატულებაში 70–80 მილიონი დოლარის ტოლფასია, ეს კი გამოიწვევს ტარიფის ზრდას ელექტროენერგიაზე 3–4 თეთრით. ეს არ არის ოპტიმალური არჩევანი. მე მჯერა კალაძის პოლიტიკის და იმის, რომ ის არის საქართველოსთვის მისაღები.“ – განაცხადა ზარქუამ, 


მან იმ ძალებზეც ისაუბრა, რომლებიც „გაზპრომთან“  მოლაპარაკებებს აპროტესტებს. ირაკლი ზარქუას  თქმით, ესაა ნაციონალური მოძრაობა, რომელმაც ხელისუფლებაში ყოფნის დროს ხრამ ერთი და ხრამ ორი რუსულ კომპანია „რაო ეეს“–ს მიყიდა, ამავე ხელისუფლების დროს თელასში შევიდა რუსული კომპანია, ნავთობის ბაზარზე ლუკოილი გაძლიერდა, საფინანსო სექტორში კი შემოვიდა ვითიბი ბანკი. ირაკლი ზარქუას თქმით, იგივე პერიოდში 

გარდაბნის მე–9 ენერგობლოკი და გარდაბნის მე–10 ენერგობლოკი რუსულ კომპანიას გადაულოცეს, 


„სააკაშვილის დროს მოხდა ის, რომ რუსი ოლიგარქის გენერალოვის ბიზნესპარტნიორები ჩამოიყვანეს სააკაშვილმა და ბენდუქიძემ და გადაულოცეს მადნეული და კვარციტი. ეს ის ხალხია, რომელიც მაგისტრალური გაზსადენის გაყიდვას ცდილობდა, რომ არა დასავლეთიდან ზარი და მკაცრი ტონი, რომ არ შეხებოდნენ გაზსადენს. არაფერს ვამბობ ბილაინზე, რომელიც სააკაშვილის დროს შემოვიდა კავშირგაბმულობის სფეროში.“ – აღნიშნა ირაკლი ზარქუამ.


მისი თქმით, რუსეთთან ერთწლიანი ხელშეკრულების დადებით არანაირი ენერგოდამოუკიდებლობის დაკარგვის საფრთხე არ იქმნება. ამასთან, 2018 წლის ბოლოს ამუშავდება შაჰდენიზის მეორე ფაზა, რომელიც დამატებით გაზს უზრუნველყოფს და შედეგად რუსეთიდან იმპორტი ნულის ტოლი გახდება. 


ირაკლი ზარქუამ ყურადღება გაამახვილა ხელისუფლების გეგმებზე, ააშენოს გაზასაცავი და ამით ქვეყნის ენერგოდამოუკიდებლობა გაამყაროს.


„2008 წელს, როდესაც საქართველოს 4 მილიარდ დოლარზე მეტი დახმარება გამოუყვეს. მათ შორის იყო გაზსაცავის მშენებლობაზე გამოყოფილი რამდენიმე ასეული მილიონი. კაციშვილმა არ იცის სად წავიდა ეს თანხა და რას მოხმარდა. ფაქტია, რომ გაზსაცავი დღესაც არ გვაქვს და ახალი ხელისუფლება ახლა იწყებს მის მშენებლობას. მეტიც: 2012 წელს, სანამ სააკაშვილი ბოლო დღეებს ითვლიდა, უპრეცედენტო საგარეო ვალი ავიღეთ – მილიარდ 700 მილიონზე მეტი. არც მაშინ გახსენებია არავის გაზსაცავის მშენებლობა, რომელიც რეალურად უზრუნველყოფდა საქართველოს ენერგოდამოუკიდებლობას. ასე რომ, საგანგაშო არაფერი ხდება, არც კულუარული მოვლენები მიდის. უბრალოდ კულუარული პროცესებია, რომლებიც ლოგიკური დასასრულის შემდეგ გამჟღავნდება საზოგადოებისთვის. საზოგადოებას შევახსენებ, რომ სწორედ სააკაშვილის ხელისუფლების დროს დაიდო ხელშეკრულება ენგურჰესთან დაკავშირებით რუსეთთან, რომელიც დღემდე ბურუსითაა მოცული. არავინ იცის რა ხელშეკრულება დაიდო და რის ფასად. ეჭვი მაქვს, სააკაშვილმა ეს ხელშეკრულება დადო იმ ფასად, რომ შეენარჩუნებინა სკამი. ეს ჩემი პოზიციაა. დღემდე უცნობია, რა პირობებზე დათანხმდა ქართული მხარე რუსეთს,“ – განაცხადა ექსპერტმა.



საქართველოში კორონავირუსი კიდევ 4426 ადამიანს დაუდასტურდა

საქართველოში კორონავირუსი კიდევ 4426 ადამიანს დაუდასტურდა
access_time2020-11-29 11:00:07
საქართველოში კორონავირუსი კიდევ 4426 ადამიანს დაუდასტურდა, 3721 კი გამოჯანმრთელდა. ამის შესახებ ინფორმაცია მთავრობის ადმინისტრაციამ გაავრცელა. ბოლო 24 საათის განმავლობაში საქართველოში 35 კოვიდინფიცირებული...

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...


მსგავსი სიახლეები

up