ირაკლი ხმალაძე - ხშირად საუბრობენ, ჯერ ერთი რამ გაგეკეთებინათ და შემდეგ მეორეო, მაგრამ არ დაგვავიწყდეს, წლების განმავლობაში არა მხოლოდ მეტროსთვის, არამედ ბევრი რამისთვის არავის მიუხედავს და შედეგად უამრავი გამოწვევის წინაშე აღმოვჩნდით

ირაკლი ხმალაძე - ხშირად საუბრობენ, ჯერ ერთი რამ გაგეკეთებინათ და შემდეგ მეორეო, მაგრამ არ დაგვავიწყდეს, წლების განმავლობაში არა მხოლოდ მეტროსთვის, არამედ ბევრი რამისთვის არავის მიუხედავს და შედეგად უამრავი გამოწვევის წინაშე აღმოვჩნდით

access_time2019-10-24 18:15:27

თბილისის ვიცე-მერმა ირაკლი ხმალაძემ თბილისის მეტროპოლიტენში არსებული მდგომარეობის შესახებ ტელეკომპანია “პირველის” ეთერში ისაუბრა. ინფორმაციას დედაქალაქის მერია ავრცელებს. ირაკლი ხმალაძის განმარტებით, მეტროში მგზავრთა ნაკადის მატება სიახლეს არ წარმოადგენს, რადგან მგზავრთა ნაკადი ბოლო წლების განმავლობაში ყოველწლიურად 11%-ით იზრდება.



ირაკლი ხმალაძის განცხადებით, მუნიციპალიტეტი მუშაობს მეტროში მგზავრთა გადაადგილების ახალ გეგმაზე, რათა მოძრაობის რეგულირებით შესაძლებელი გახდეს მოზღვავებული ნაკადის მართვა და მოქალაქეებისთვის დისკომფორტის თავიდან აცილება.
“როდესაც დედაქალაქის ახალი მერი მოვიდა ქალაქის მართვაში, ჩვენ საკმაოდ მნიშვნელოვანი და არსებითი ამოცანები დაგვისახა თბილისის მოსახლეობამ და ერთ-ერთი ყველაზე მთავარი იყო სატრანსპორტო სისტემის მოწესრიგება. სატრანსპორტო კუთხით საცობების და დაბინძურებული ჰაერის პრობლემის გადაწყვეტის ერთადერთი გზა არის საზოგადოებრივი ტრანსპორტის მოხმარების გაზრდა და კერძო ავტომობილების რიცხვის შემცირება. პრობლემებზე საუბარს არავინ გაურბის. დღეს ჩვენ გვაქვს მეტროში მომატებული ნაკადები. მეტროს მოხმარება ყოველწლიურად იზრდება და უნდა გაიზრდოს კიდეც. რასაკვირველია, უნდა გაიზარდოს არა მხოლოდ მეტროს, არამედ ავტობუსების მოხმარება- ეს არის ჩვენი სატრანსპორტო პოლიტიკის მიზანი,”-აღნიშნა ირაკლი ხმალაძემ.



თბილისის ვიცე-მერის განცხადებით, დღეს თბილისის მეტროპოლიტენში პრობლემები ნამდვილად არსებობს და სწორედ მის მოგვარებაში იხარჯება ასეულობით მილიონი ლარი.




“პირველ რიგში უნდა აღინიშნოს, რომ პრობლემური კვანძი არის სადგურის მოედნის გადასაჯდომი ხაზი და კონკრეტულად ის გვირაბი, სადაც პიკის საათებში განსაკუთრებით მოზღვავებული ნაკადია. სტუდენტობის პერიოდში სულ მეტროთი ვმგზავრობდი და მაშინაც კი ეს ასე იყო. მოდით ერთმანეთისგან განვასხვაოთ შედეგი და ტენდენცია. დღეს ჩვენ არ გვაქვს შედეგი, მაგრამ გვაქვს ტენდენცია-იზრდება საზოგადოებრივი ტრანსპორტის მოხმარება, რაც კარგია. ამასთან, მუნიციპალიტეტი საზოგადოებრივი ტრანსპორტის მოხმარების ზრდის პარალელურად, იღებს ყველა საჭირო ზომას, რომ გაიზარდოს საზოგადოებრივი ტრანსპორტის მიწოდება და მიწოდების ხარისხი. რას ვაკეთებს ამისთვის? კახა კალაძე მოსახლეობას დაპირდა, რომ მეტროპოლიტენს დაამატებდა 12 ახალ შემადგენლობას და 10 ახალი შემადგენლობა თბილისის მეტროპოლიტენს უკვე დაემატა. დარჩა ორი შემადგენლობა, რომელიც მეტროპოლიტენის ქსელში წლის ბოლომდე გაეშვება. EBRD-თან ერთად, ვახდეთ დამატებით 10 ახალი შემადგენლობის შეძენას. ახალი შემადგენლობების დამატების შედეგად, მეტროს სადგურებში მოცდის რეჟიმი 4,5 წთ-დან 2,5 წთ-მდე შევამცირეთ პიკის საათებში. თუ შევხედავთ ოცდასამივე სადგურში არსებულ მდგომარეობას, ერთადერთი პრობლემური ადგილი სადგურის მოედანი ფიქსირდება. მედიით გავრცელებულ კადრებში ჩანს სადგურის მოედნის გადასასვლელ გვირაბში არსებული ნაკადი, თორემ მეტროს ვაგონი რომ დაიძრება, ბაქანზე მგზავრი არ გვრჩება. მუნიციპალიტეტი უკვე ნერგავს ახალ გეგმას და მოძრაობის რეგულირებით მოვახერხებთ იმას, რომ გადასასვლელ გვირაბშიც არ გვქონდეს ასეთი მოზღვავებული ნაკადი და დისკომფორტი მოქალაქეებისთვის,”-განაცხადა ირაკლი ხმალაძემ.



ვიცე-მერის განმარტებით, თბილისის მერიის სატრანსპორტო პოლიტიკა ითვალისწინებს მეტროს სისტემის რეაბილიტაციას, ავტობუსების პარკის განახლებას, ზონალურ-საათობრივი პარკირების სისტემის დანერგვას, ტაქსების სისტემის რეფორმას და ნაკადების მართვის ჭკვიან სისტემას. ყველა ამ მიმართულებით თბილისის მუნიციპალიტეტს მუშაობა უკვე დაწყებული აქვს.
“ხშირად საუბრობენ, რომ ჯერ ერთი რამ გაგვეკეთებინა და შემდეგ მეორე, რადგან ეს ყველაფერი ძალიან მტკივნეულია. ჩვენ ვიცით, რომ ეს მტკივნეულია, ისევე როგორც რეაბილიტაციის დროს გადათხრილი ქუჩები. დიახ, ყველაფერი ერთად არის გასაკეთებელი. წლების განმავლობაში არა მხოლოდ მეტროსთვის, არამედ ბევრი რამისთვის არავის მიუხედავს. დედაქალაქის მერი ოთხწლიანი ვადითაა არჩეული და ძალიან ბევრი გამოწვევა დაუსახა ქალაქმა. ვაღიარებთ, რომ კეთების პროცესი არის დისკომფორტის შემქმნელი, მაგრამ მთავარი არის შედეგი. უახლოეს პერიოდში მეტროს ესკალატორების რეაბილიტაციაც დაიწყება, რაც ასევე დისკომფორტს გამოიწვევს, მაგრამ არ გავაკეთოთ?! სახლში რემონტი ყველას გაუკეთებია და ვიცით, რომ რემონტის პროცესი ძალიან რთულია, ვაკეთებთ მაშინ, როდესაც ამის საშუალება და საჭიროება არსებობს და გარემონტებული სახლი ყველასთვის სასიამოვნოა”-აღნიშნა ირაკლი ხმალაძემ.








„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

4 დეკემბერი - რეგიონში ქართული ლარი გამყარდა, თურქული ლირა გაუფასურდა

4 დეკემბერი - რეგიონში ქართული ლარი გამყარდა, თურქული ლირა გაუფასურდა
access_time2020-12-04 18:05:53
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 4 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3115 ლარი გახდა....

ბუნებრივი აირის გაძვირება პროდუქციის ფასზე აისახება - კულა

ბუნებრივი აირის გაძვირება პროდუქციის ფასზე აისახება - კულა
access_time2020-12-04 14:40:18
საკონსერვო კომპანია „კულას“ დირექტორი ვანო გოგლიძე  კომერციული ორგანიზაციებისთვის ბუნებრივი გაზის ფასის მატებას უარყოფითად აფასებს.   „იმის მიუხედავად, რომ ჩვენი წარმოება ნაწილობრივ ელექტოენერგიაზეა დამოკიდებული, გაზის ტარიფის მატება პროდუქციის ფასზეც აისახება,“ – აღნიშნავს ვანო გოგლიძე და ამ ეტაპზე, დამატებით დეტალებზე საუბრისგან თავს იკავებს.   შეგახსენებთ, რომ 2021 წლის 3 იანვრიდან კომპანიის არასაყოფაცხოვრებო მომხმარებლისათვის მისაწოდებელი...

საქართველოდან ღვინის ექსპორტი 8%-ით შემცირდა

საქართველოდან ღვინის ექსპორტი 8%-ით შემცირდა
access_time2020-12-04 16:45:11
2015 წლის შემდეგ პირველად, ღვინის ექსპორტი 8%-ით 10 თვეში $163 მლნ-მდე შემცირდა. კლება აღინიშნება ისეთ დიდ ბაზრებზე როგორებიცაა რუსეთი და ჩინეთი. 2001-2019 წლებში ღვინის ექსპორტის ჯამურმა მოცულობამ $1.646 მლრდ შეადგინა. ექსპორტიდს 67% - $1.1 მლრდ-ზე მეტი 2013-2019 წლებში რუსეთის ბაზრის ხელახალი გახნსის შემდეგ განხორციელდა. 2001-2005 წლებში ღვინის ექსპორტი 152%-ით $32 მლნ-დან $81 მლნ-მდე გაიზარდა. 2006 წელს გამოცხადებული რუსული ემბარგოს შემდეგ ის...

ბექა ფერაძე: 6 ათასამდე ობიექტს საქმიანობა იძულებით შეაჩერებინეს

ბექა ფერაძე: 6 ათასამდე ობიექტს საქმიანობა იძულებით შეაჩერებინეს
access_time2020-12-04 13:10:14
საქართველოს მასშტაბით კორონავირუსის ეპიდემიის გამო დაწესებული შეზღუდვების გამო 5 792 ობიექტს საქმიანობა იძულებით შეაჩერებინეს. ინფორმაცია მედიას შრომის ინსპექციის ხელმძღვანელმა, ბექა ფერაძემ გააცნო.   მისივე ინფორმაციით, 28 ნოემბრიდან 3 დეკემბრის ჩათვლით სულ შემოწმდა 22 532 ობიექტი, მათგან 16 733 გააფრთხილეს, 7 კი დააჯარიმეს.   მთავრობის გადაწყვეტილებით, 28 ნოემბრიდან საქართველოში აკრძალულია კომერციული საქმიანობის არაერთი ფორმა. მათ შორის, მოლების...


მსგავსი სიახლეები

up