ირაკლი ხმალაძე - თუ კომპანია მერიის შესყიდულ 300 მიკროავტობუსს ვერ გამოისყიდის, მერია მიკროავტობუსების ჩანაცვლების პროცესს ბიუჯეტიდან გამოყოფილი თანხებით გააგრძელებს

ირაკლი ხმალაძე - თუ კომპანია მერიის შესყიდულ 300 მიკროავტობუსს ვერ გამოისყიდის, მერია მიკროავტობუსების ჩანაცვლების პროცესს ბიუჯეტიდან გამოყოფილი თანხებით გააგრძელებს

access_time2020-01-15 14:10:56

თბილისის ვიცე-მერის ირაკლი ხმალაძის განცხადებით, თუ კომპანია „თბილისის მიკროავტობუსი“ მერიის მიერ შესყიდული 300 მიკროავტობუსის გამოსყიდვას ვერ შეძლებს, მერია მიკროავტობუსების ჩანაცვლების პროცესს ბიუჯეტიდან გამოყოფილი თანხებით მაინც გააგრძელებს.



როგორც ხმალაძემ ჟურნალისტებს მერიის მთავრობის სხდომის დასრულების შემდეგ განუცხადა, მიუხედავად ამისა, კომპანიასთან ხელშეკრულებას მერია ვერ გაწყვეტს და მიკროავტობუსების მართვა მერიის ხელში არ გადავა.



„ჩვენ როდესაც კომპანიასთან მემორანდუმი დავდეთ, ეს გამომდინარეობდა თბილისის სამარშრუტო კომპანიის ფინანსური პარამეტრებიდან, რომელიც დადასტურებული იყო აუდიტორიული დასკვნის მიერ. ამ დასკვნაში მოცემული რეკომენდაციები გადატანილია მემორანდუმშიც. აუდიტორი ადასტურებს, რომ კომპანიას აქვს ფინანსური პარამეტრების ოპტიმიზაციის რესურსი, რაზეც მერია და სამარშრუტო კომპანია აქტიურად ვითანამშრომლებთ. ჩვენ არ ვამბობთ, რომ კომპანიას აუცილებლად ექნება ამის შესაძლებლობა, ვამბობთ, რომ კომპანიას აქვს პოტენციალი, რომ გაუმჯობესდეს მისი ფინანსური პარამეტრები. თუ კომპანიას არ ექნა ფული, რომ გამოისყიდოს მიკროავტობუსები, ვერაფერს გამოისყიდის, მაგრამ პრიორიტეტი არის ის, რომ მომხმარებელს, მგზავრებს მივცეთ კომფორტული გადაადგილების საშუალება“, - განაცხადა ხმალაძემ. კითხვაზე, იმ შემთხვევაში თუ კომპანიას ფინანსური რესურსი მიკროავტობუსების გამოსასყიდად არ ექნება, გადავა თუ არა მიკროავტობუსების მართვა მერიის ხელში, ხმალაძემ განაცხადა, რომ „ეს სფერო ასე არ გადავა იმიტომ, რომ 2011 წელს გაიყიდა მგზავრობის 4 ნებართვა, რომელიც ამ კომპანიამ იყიდა“.




„ეს ნებართვა ძალაშია 2030 წლამდე. შესაბამისად, ამის გაუქმებას არ და ვერ ვაპირებთ, რადგან არ შეიძლება. რაც შეეხება იმას, კომპანიას თუ ჩვენს მიერ დაწესებული ტარიფი არ აძლევს შესაძლებლობას, თვითონ მოახდინოს მიკროავტობუსების ჩანაცვლება და მგზავრობის ტარიფის გაზრდაც არ გვინდა, მაშინ არ შეიძლება კომპანიას ის მოსთხოვო, რისი საშუალებაც არ მივეცით ჩვენ თვითონ. კომპანიას რომ თვითონ ჰქონოდა შესაძლებლობა 300 მიკროავტობუსი ეყიდა, 30 მილიონს რატომ გამოვყოფდით? თუ კომპანიას ექნა იმის შესაძლებლობა, რომ გამოისყიდოს მიკროავტობუსები, მერია ამ რესურსს დაიბრუნებს, თუ არ ექნება, ამას ვერ გააკეთებს. ამის მიუხედავად, მიკროავტობუსების ჩანაცვლების პროექტი მაინც გაგრძელდება. დამატებით გამოვყოფთ თანხებს და კიდევ ვიყიდით ახალ მიკროავტობუსებს. ფულის წყარო არ არის ბევრი ან არის ბიუჯეტი, ან ტარიფის ზრდა. თუ ტარიფს არ ვზრდით, მაშინ ვიღაცამ უნდა დაასუბსიდიროს. ჩვენთვის ის ვარიანტი, რომ არც ტარიფი გაიზარდოს, არც ბიუჯეტმა გამოყოს თანხა და ხალხი ამ მიკროავტობუსებით ვატაროთ, მისაღები არ არის. ვიღაც რომ ახლა 300 მილიონ ლარს გვჩუქნიდეს, არც ტარიფს შევეხებოდით, არც ბიუჯეტს და ხალხსაც ახალ მიკროავტობუსებს მივცემდით, მაგრამ ამის საშუალება არ არის“, - განაცხადა ხმალაძემ. რაც შეეხება მიკროავტობუსების წარმოებას, რაზეც გასულ წლებში საუბრობდნენ, ხმალაძე ამბობს, რომ ამაზე პასუხი არ აქვს. ამასთან, მისივე თქმით, მიკროავტობუსების შესასყიდად ტენდერი უახლოეს პერიოდში გამოცხადდება. მანამდე კი მიკროავტობუსების კომპანიასთან მერია იჯარის ხელშეკრულებას დადებს, რითაც განისაზღვრება როგორ მართავს ერთობლივად მერია და კომპანია მიკროავტობუსებს. „გამოცხადდება ტენდერი; არანაირ ადგილობრივ წარმოებაზე საუბარი არ იქნება. ტენდერში ვინც გაიმარჯვებს ის შემოიყვანს მიკროავტობუსებს“, - განაცხადა ხმალაძემ.



BPN.GE 








პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ

პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ
access_time2020-01-24 17:00:32
დღეს, პროკრედიტ ბანკს საქართველოში მოქმედი ბიზნეს ასოციაციების წარმომადგენლები სტუმრობდნენ.ბანკის მენეჯმენტთან შეხვედრის ფარგლებში, მოეწყო დისკუსია თემაზე „ინოფინის საგარანტიო პროგრამა და მისი მნიშვნელობა მცირე და საშუალო ბიზნესის განვითარებისთვის“. მონაწილეებმა ამომწურავი ინფორმაცია მიიღეს პროგრამის ფარგლებში არსებული დაფინანსების შესაძლებლობების შესახებ. ღონისძიების ძირითადი მიზანი გახლდათ,...

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“

„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“
access_time2020-01-24 18:30:53
„როგორ უნდა ვისაუბროთ ლარის კურსის სტაბილურობაზე, როცა 100 მილიონი ყალბი ფული არსებობს“- პარლამენტის წევრი, ლევან კობერიძე ტვ პირველის გადაცემაში „რეაქცია“ პოლიტიკურ და ელიტურ კორუფციაზე საუბრობს. ის აღნიშნავს,რომ არსებობენ „მსხვილი ჯგუფები“, რომლებიც ქვეყანაში არსებულ პროცესებს მართავენ. „ეს ის ჯგუფებია,რომლებმაც თავის დროზე არაერთი ფინანსთა მინისტრი და პრემიერ მინისტრიც კი...

„კომერსანტის“ 24 იანვრის TOP 10 თემა

„კომერსანტის“ 24 იანვრის TOP 10 თემა
access_time2020-01-24 21:30:35
„კომერსანტის“ 24 იანვრის TOP 10 თემა 1.მმართველი გუნდის წევრები კორუფციის აღქმის ინდექსის შედეგებს არ იცნობენ 2.„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად...

„უკრაინაში ფრინველის გრიპის მიუხედავად, საქართველოს ბაზარს საფრთხე არ ემუქრება“

„უკრაინაში ფრინველის გრიპის მიუხედავად,  საქართველოს  ბაზარს საფრთხე არ ემუქრება“
access_time2020-01-24 18:00:33
„ევროპას მიზეზი უნდა, რომ უკრაინას და საქართველოს გზა  ჩაუკეტონ. ხელოვნურად იწვევენ პრობლემას.“-ასე გამოეხმაურა ევროკავშირის  მიერ  უკრაინიდან ფრინველის ხორცის იმპორტის დროებით შეზღუდვას  „მეფრინველეობის ასოციაციის“ თავმჯდომარე ზურაბ უჩუმბეგაშვილი.   უკრაინული მხარის ინფორმაციით, ევროკავშირის გადაწვეტილება ვინიცკის ოლქში ფრინველის გრიპისგან დახოცვის ფაქტს უკავშირდება, რომელიც 18 იანვარს დაფიქსირდა. შესაბამისად, ევროკავშირმა ფრინველის...

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი

მსოფლიოში ბევრი ადგილია, სადაც ინვესტორები ინვესტიციას ჩადებენ - მაიკლ ქაუგილი
access_time2020-01-24 16:30:13
„ჩვენ ყველამ ერთად უნდა ვიმუშაოთ პრობლემების გამოსასწორებლად,  რადგან მსოფლიოში ბევრი ადგილია, სადაც ინვესტორები ინვესტიციას ჩადებენ.“ - ასე გამოეხმაურა ჟურნალისტებთან საუბრისას აშშ-ს სავაჭრო პალატის თავმჯდომარე მაიკლ ქაუგილი ამერიკელი კონგრესმენების მიერ გიორგი გახარიასთვის გამოგზავნილი წერილის შინაარსს. ოთხი ამერიკელი კონგრესმენის მიერ წერილში გამოხატური შეშფოთება  „დაპირებულ დემოკრატიულ რეფორმებზე უარისა და  ანაკლიის ღრმაწყლოვანი პორტის პროექტის...


მსგავსი სიახლეები

up