ირაკლი ხმალაძე: თეთრ ტაქსებთან დაკავშირებით არაფერი განსაკუთრებული არ ხდება

ირაკლი ხმალაძე: თეთრ ტაქსებთან დაკავშირებით არაფერი განსაკუთრებული არ ხდება

access_time2019-08-13 15:00:00

“ტაქსები იყოფა A და B კატეგორიებად. როდესაც, 10 ოქტომბრის მდგომარეობით, ჩვენ ვაუჩერული პროგრამა დავიწყეთ, სატრანსპორტო საშუალებების რაოდენობა ჯამში შეადგენდა, დაახლოებით, 15 ათას ერთეულს.


ვაუჩერების გაცემა ჩვენ გავთვალეთ მაქსიმალურ რაოდენობაზე, მაგრამ რასაკვირველია, 15 ათასივეს არ მოუწევდა ან არ მოინდომებდა A კატეგორიით ტაქსაობას.
ესაა სწორედ მიზეზი, რომ მართალია, კომპანია მზად იყო, 15 ათას ერთეულზე გაეწია მომსახურება, მაგრამ მომსახურების გაწევა მოუწევს, დაახლოებით, 3 ათასამდე ერთეულზე.


ამ 3 ათას ვაუჩერმიღებულ ტაქსს ემატება ის სატრანსპორტო საშუალებები, რომლებიც ისედაც თეთრია და საბოლოო ჯამში A კატეგორიის ტაქსების პარკი საკმარისი რაოდენობით იქნება შევსებული 1 ოქტომბრის მდგომარეობით.


ამასთან, ჩვენ არ გამოვრიცავთ, რომ შემდგომში A კატეგორიის ტაქსებს დაემატოს სატრანსპორტო საშუალებები, თუმცა ამას ბაზარი დაარეგულირებს. გარდა ამისა, დასაშვები იქნება B კატეგორიიდან A კატეგორიაში გადმოსვლა.


ასე რომ არაფერი განსაკუთრებული არ ხდება. კომპანია „ალმას“ არ განუცხადებია, რომ ჰქონდა 15 ათასი ტაქსის გადაღებვის მოლოდინი, მათ თქვეს, ის რაზეც იყო მზაობა- კომპანია მზად იყო 15 ათასი ტაქსისთვის გაეწია მომსახურება. ეს ვალდებულება კომპანიას თბილისის მერიამ დააკისრა, მაგრამ იმთავითვე ცხადი იყო, რომ 15 ათასივე A კატეგორიაში არ წავიდოდა,  განუცხადა კომერსანტს“ თბილისის  ვიცე-მერმა ირაკლი ხმალაძემ.


როგორც ტაქსის მანქანების თეთრად გადაღებვის მომსახურების გაწევაზე პასუხისმგებელმა კომპანია, „ალმას“ დირექტორმა ინტერპრესნიუსს განუცხადა, მათ მოლოდინი ჰქონდათ, რომ შესაბამის მომსახურებას დაახლოებით 15 ათას ტაქსს გაუწევდნენ.



„თავდაპირველი პროექტის მიხედვით, კომპანია „ალმას“ მომსახურება უნდა გაგვეწია დაახლოებით, 15 ათასი ტაქსისთვის, მათთვის, ვისაც ლიცენზია გასული წლის 10 ოქტომბრამდე ჰქონდა აღებული. აქედან გამომდინარე გვქონდა გახსნილი სერვის ცენტრები მთელი თბილისის მასშტაბით და ვიყავით მომზადებული რომ ამ რაოდენობისთვის მომსახურება გაგვეწია. ამ პერიოდის განმავლობაში კიდევ დამატებით ღებვას სტიკერების გადაკვრაც დაემატა და ბევრი სხვა თავდაპირველი პირობა შერბილდა იმისთვის, რომ უფრო გამარტივებულიყო მძღოლებისთვის მომსახურება. მძღოლების მომართვიანობაზე ჩვენ ვერანაირ გათვლას ვერ გავაკეთებდით. შესაბამისად, დღეს რა რაოდენობაც არის ჩვენამდე მოსული, არცერთი ადამიანი მომსახურების გარეშე არ დარჩენილა“, - განაცხადა ტრაპაიძემ.


ტაქსის ლიცენზიის მქონე მძღოლებზე, 10 აგვისტოს მდგომარეობით, თეთრად გადაღებვის და ფირის გადაკვრის მხოლოდ 2610 ვაუჩერია გაცემული. 7 აგვისტოს მდგომარეობით კი განაღდებულია 994 ვაუჩერი. აღსანიშნავია, რომ 10 აგვისტოს ვაუჩერების გაცემის ვადა ამოიწურა.


ცნობისთვის, 2019 წლის 1-ელ ოქტომბერს ტაქსების რეფორმის მეორე ეტაპი იწყება. ამ დროისთვის თბილისში მოძრავი ლიცენზირებული ტაქსები თეთრი ფერის, მარცხენასაჭიანი და ხუთკარიანი უნდა იყოს, გავლილი ჰქონდეს ტექდათვალიერება, ასევე ფლობდეს ლიცენზიას. ლიცენზია თბილისში 31784 მძღოლს აქვს აღებული.


მარიამ მორგოშია






ინფრასტრუქუტურის ყოფილი მაღალჩნოსნები ქართულ სამშენებლო ბიზნესში უცხოური კომპანიების დომინირებას აფასებენ

 ინფრასტრუქუტურის ყოფილი მაღალჩნოსნები ქართულ სამშენებლო ბიზნესში უცხოური კომპანიების დომინირებას აფასებენ
access_time2019-12-06 11:40:11
ქართულ სამშენებლო სექტორში უცხოური კომპანიების დომინირებაზე „კომერსანტი“ არაერტხელ წერდა. ამჯერად ყოფილი მინისტრებისა და საავტომობილო დეპარტამენტის მაღალჩინოსნების პოზიციით დავინტერესდით. უფრო კონკრეტულად კი,  რატომ გაქრნენ ადგილობრივი  კომპანიები სამშენებლო სექტორიდან მაშინ, როდესაც წლების წინ ქვეყანაში არსებული სამუშაოების 80 პროცენტს ქართული კომპანიები ასრულებდნენ? ამ კითხვებით საქართველოს რეგიონული განვითარებისა და ინფრასტრუქტურის სამინისტროს...

„საქართველოში პენსია არ გვაქვს, ეს მხოლოდ ერთჯერადი დახმარებაა“

„საქართველოში პენსია არ გვაქვს, ეს  მხოლოდ ერთჯერადი დახმარებაა“
access_time2019-12-06 10:50:58
„არ მეგონა სიბერის თუ შემეშინდებოდა, ხვალინდელი დღის კი არა უკვე დღეს დაღამებისაც მეშინია, რადგან მშიერი ვიძინებ. ამას ცხოვრება ჰქვია? ყველაფერი გაგვიძვირდა, საარსებო საჭმელს ვეღარ ვყიდულობ.არის პროდუქტები, რომელზეც დიდი ხანია უარი ვთქვი, მაგალითად ხორცი, ვეღარ ვყიდულობ იმიტომ, რომ ძალიან გაძვირდა. ხილსაც იშვიათად ვყიდულობ, ისიც თითო-თითოს. არაფერს ვამბობ წამლებზეც, რომელშიც მთელი ჩემი პენსია იხარჯება. პირადად მე რამდენიმე წამალს ვსვამ და...

ლიბერთის და რუსთაველის თეატრის ერთობლივი ახალი სოციალური პროექტი

ლიბერთის და რუსთაველის თეატრის ერთობლივი ახალი სოციალური პროექტი
access_time2019-12-05 14:50:25
5 დეკემბერს, ლიბერთი ბანკსა და რუსთაველის თეატრს შორის ურთიერთ თანამშრომლობის მემორანდუმი გაფორმდა.  5 დეკემბრიდან, ლიბერთის სოციალური ბარათის მფლობელები, მათ შორის პენსიონრები და სახელმწიფო სოციალური სარგოს მიმღები პირები, რუსთაველის თეატრის მიერ გამართული სპექტაკლების ბილეთებს 30%-იანი ფასდაკლებით შეძლებენ. ერთობლივი სოციალური პროექტის თანახმად, ფასდაკლების მისაღებად ბილეთების შეძენა უნდა განხორციელდეს ლიბერთის სოციალური ბარათით თეატრის სალაროში განთავსებულ ლიბერთის...

სამედიცინო სფეროს ექსპერტებმა აკაკი ზოიძის მიერ ჯანდაცვის სფეროსთვის განხორციელებული ღირებული საკანონმდებლო ინიციატივა ვერ გაიხსენეს

სამედიცინო სფეროს ექსპერტებმა აკაკი ზოიძის მიერ ჯანდაცვის სფეროსთვის განხორციელებული ღირებული საკანონმდებლო ინიციატივა  ვერ გაიხსენეს
access_time2019-12-06 10:00:44
უმრავლესობის დეპუტატმა და ჯანდაცვის კომიტეტის თავჯდომარემ აკაკი ზოიძემ რამდენიმე დღის წინ პარლამენტის დატოვების შესახებ განცხადება გააკეთა. მისი პოლიტიკიდან წასვლა კენჭისყრაზე პროპორციული საარჩევნო სისტემის ჩაგდებას უკავშირდება. „კომერსანტი“ დაინტერესდა სადეპუტატო უფლებამოსილების განხორცილების დროს, რა კანონპრექტი შეიმუშავა ჯანდაცვის კომიტეტის...

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“
access_time2019-12-05 18:30:54
ბიძინა ივანიშვილის განცხადებამ საზღვარგარეთ ქართველი ემიგრანტების ლეგალურად დასაქმებასთან დაკავშირებით, საზოგადოებაში აზრთა სხვადასხვაობა გამოიწვია. ძირითადად ამ ინიციატივას უარყოფითი შეფასებები მოყვა.   „ბანკებისა და ფინანსების" აზრით „ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“, კომერსანტმა ამ განცხადების და ინიციატივის შინაარსის შეფასება სთხოვა საზღვარგარეთ მოღვაწე ბიზნესმენს, ვასილ ბაბლუანს, რომელიც საქართველოშიც ახორციელებს...


მსგავსი სიახლეები

up