ირაკლი ხმალაძე მეტროსადგურ „გოცირიძის“ რეაბილიტაციაზე პასუხისმგებელ კომპანიაზე - კარგად იცის „მამისონმა”, სად შეუშალა ბიუროკრატიამ ხელი და სად საკუთარმა დაუდევრობამ

ირაკლი ხმალაძე მეტროსადგურ „გოცირიძის“ რეაბილიტაციაზე პასუხისმგებელ კომპანიაზე - კარგად იცის „მამისონმა”, სად შეუშალა ბიუროკრატიამ ხელი და სად საკუთარმა დაუდევრობამ

access_time2022-11-09 18:00:00

სამწუხაროა, რომ კომპანია „მამისონი” მსგავს განცხადებებს აკეთებს. პირადად ვარ ჩართული და ძალიან კარგად ვიცი, სად შეუშალა ბიუროკრატიამ ხელი და სად საკუთარმა დაუდევრობამ, - ასე გამოეხმაურა თბილისის ვიცე-მერი, ირაკლი ხმალაძე კომპანია „მამისონის” განცხადებას, რომ მეტროსადგურ „გოცირიძის” სამუშაოები ბიუროკრატიული ბარიერების გამო გაჭიანურდა.


მისი თქმით, თუ „მამისონი” თბილისის მერიის მიერ დაწესებული ჯარიმების გამო სასამართლო დავას წამოიწყებს, არ ფიქრობს, რომ სასამართლო კომპანიის პრეტენზიებს გაითვალისწინებს.


„სამწუხაროა, რომ „მამისონი“ მსგავს განცხადებებს აკეთებს. პირადად ვარ ჩართული და ძალიან კარგად ვიცი, სად შეუშალა ბიუროკრატიამ ხელი და სად საკუთარმა დაუდევრობამ, უპასუხისმგებლობამ და მოშლილი მენეჯმენტის სისტემამ თვითონ კომპანიაში. კარგია თუ სასამართლოში შეიტანენ საქმეს. მე რა განცხადებებიც არ უნდა გავაკეთო, ბოლოს სასამართლო დაადგენს ჯარიმის ოდენობასაც. მაშინაც, როცა არაფერი სჭირდებათ ადმინისტრაციული სისტემებისგან, სამუშაოებს მაღალ ტემპში კომპანია მაინც ვერ ახორციელებს. მე არ მგონია, რომ სასამართლომ პრეტენზია გაითვალისწინოს და მათ სასარგებლოდ გადაწყვეტილება მიიღოს. სიმართლე რომ გითხრათ, ჩემთვის საპასუხოდაც და ყურადსაღებადაც მეორე და მესამე ხარისხოვანი საკითხია „მამისონთან“ დაკავშირებით საუბარი. ჩემთვის მტკივნეულია და ყველაზე მნიშვნელოვანია, რომ დაგვიანდა მეტრო „გოცირიძის“ სამუშაოების შესრულება. ეს ვისი და რისი ბრალი იყო, მე პირადად კარგად ვიცი, მაგრამ კიდევ ერთხელ ვამბობ, ეს არის მეორე და მესამე ხარისხოვანი. ჩემთვის უხერხულიც და უსიამოვნოცაა, რომ მოქალაქეებს დავუგვიანეთ სადგურის ჩაბარება. „მამისონთან“ დაკავშირებით აქამდეც ვართ გარკვეულები და ყველამ კარგად ვიცით და თვითონაც კარგად იციან, რომ ყველაფერი მათი ბრალია. ამას სასამართლო იტყვის და არ მგონია, რომ საინტერესო საკითხი იყოს“, - განაცხადა ხმალაძემ.


ჟურნალისტის კითხვაზე: თუ მეტროსადგურ „გოცირიძის“ სამუშაოები კომპანიამ ვერ შეასრულა, რატომ გაფორმდა ხელშეკრულება „ვარკეთილის“ სარეაბილიტაციო სამუშაოების წარმოებაზეც ისევ „მამისონთან“, ვიცე-მერმა აღნიშნა, რომ როცა „ვარკეთილის“ ტენდერი გამოცხადდა, „გოცირიძის“ სადგურის რეაბილიტაციის დაგვიანებას ადგილი არ ჰქონია და მერიას არანაირი სამართლებრივი საფუძველი არ გააჩნდა, რომ ამ მის წინადადებაზე უარი ეთქვა.



„ვარკეთილის“ შემთხვევაში ტენდერი წლის დასაწყისში გამოცხადდა, მაშინ, როდესაც ეს კომპანია იმყოფებოდა თეთრ სიაში. შესაბამისად, არანაირი სამართლებრივი საფუძველი მერიას, რომ უარი ეთქვა ამ კომპანიის წინადადებაზე, არ ჰქონდა და ხელშეკრულების გაფორმება მოხდა. გოცირიძის სამუშაოები ივლისში უნდა დასრულებულიყო და ივლისიდან დღემდე ვადაგადაცილება გვაქვს. შესაბამისად, მაშინ, როცა „ვარკეთილის“ სადგურის რეაბილიტაციაზე ტენდერი გამოცხადდა, „გოცირიძის“ მეტროსადგურის შეკეთების კუთხით დაგვიანებას ადგილი არ ჰქონდა. არანაირი ინფორმაციული ან სამართლებრივი საფუძველი, რომ უარი გვეთქვა, ნამდვილად არ გვქონდა.


ვერ ვიტყოდი, რომ „მამისონს“ გამოცდილება არ ჰქონდა. კომპანია დოკუმენტაციის მოთხოვნებს აკმაყოფილებდა. შესაბამისად, მოხდა ტენდერში ამ კომპანიის გამარჯვებულად გამოცხადება. გეტყვით, რომ სხვა პრეტენდენტი ტენდერში არ ყოფილა. „ვარკეთილთან“ დაკავშირებით გადაწყვეტილება მიღებულია და „მამისონთან“ ხელშეკრულება გაწყვეტილია“, - განაცხადა ხმალაძემ.


ipn.ge






„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up