ირაკლი როსტომაშვილი მერიას სამშენებლო გაიდლაინების შემუშავებას ურჩევს

ირაკლი როსტომაშვილი მერიას სამშენებლო გაიდლაინების შემუშავებას ურჩევს

access_time2017-12-07 10:20:48

თბილისის მერის ბრძანებას მშენებლობებზე კონტროლის გამკაცრებასთან დაკავშირებით მენაშენეთა ასოციაციაში სწორ გადაწყვეტილებას უწოდებენ, თუმცა როგორც ასოციაციის ხელმძღვანელი ირაკლი როსტომაშვილი აცხადებს, აუცილებელია, რომ თავად დასაქმებულიც საკითხს სერიოზულად მოეკიდოს. 


„რა თქმა უნდა, კონტროლი გასამკაცრებელია, რასაც მივესალმები, მაგრამ ამას ერთი მხარე არ აქვს. ჩემს პრაქტიკაში ბევრჯერ შევსწრებივარ ისეთ ფაქტს, როდესაც თვითონ დასაქმებული ეკიდება ამ საკითხს ზერელედ. სამუშაოთა მწარმოებელი ვალდებულია დილით მუშას მისცეს დამცავი ჩაფხუტი, ღვედი, დამცავი ფეხსაცმელი და ა.შ. ხშირად მუშას ეს ჩაფხუტი მოხდილი აქვს და გვერდზე უგდია, როცა ვინმეს დაინახავს, მაშინ დაიფარებს. შეუძლებელია სულ გვერდზე ედგეს მაკონტროლებელი. ანუ ხშირად თავად მუშა არ ზრუნავს თავის უსაფრთხოებაზე. თუმცა მხოლოდ ეს არ არის პრობლემა, სამშენებლო სექტორში უკონტროლო სიტუაციაც არის და ხშირად დაუდევრობასაც აქვს ადგილი. ერთი რეცეპტი რომ იყოს, აქამდეც მოგვარდებოდა ეს პრობლემა. ახლა კონტროლი რომ გამკაცრდება, უფრო მკაცრად მოსთხოვენ სამუშაოთა მწარმოებლები თანამშროლებს წესების დაცვას. რაც ნიშნავს, რომ თუ გაფრთხილებას ერთხელ-ორჯერ არ შეასრულებენ, გაუშვებენ სამსახურიდან. ასეთი შემთხვევებიც ყოფილა“,— აცხადებს ირაკლი როსტომაშვილი.


რაც შეეხება კალაძის მორიგ განცხადებას, რომლის მიხედვითაც არც ერთ პროექტზე სამშენებლო ნებართვა არ გაიცემა, თუ მასში გარე ფასადი მოპირკეთებული არ იქნება, როსტომაშვილი არასწორს უწოდებს და აცხადებს, რომ ასეთი გადაწყვეტილების მიღებამდე, მთავრობამ ჯერ სამშენებლო სტანდარტები უნდა დანერგოს.


 

„ვეთანხმები, რომ ერთიანი სტანდარტი უნდა იყოს, მაგრამ სად არის გაიდლაინი, რომლის მიხედვითაც ააშენებს მშენებელი შენობას, მოაპირკეთებს და გადახურავს? გაიდლაინები უნდა განისაზღვროს ან პროექტის შეთანხმების პერიოდში შეთანხმდნენ, როგორ უნდა მოპირკეთდეს. ან არ დაამტკიცონ პროექტი, რომელიც ვერ აკმაყოფილებს იმ სტანდარტს, რომელიც არის მოთხოვნილი კანონით და არა კერძო პირის მიერ. ერთი ადამიანის გემოვნებით არ უნდა აშენდეს, ეს უნდა იყოს შემუშავებული სტანდარტები და შემდეგ ადვილად მოითხოვ მათ დაკმაყოფილებას. ახლა რომ გავაჩეროთ მშენებლობა და ვუთხრათ, რომ არ მოგვწონს, ვერ გავაკეთებთ ამას და მშენებელს გაუძვირო ფასადის მოპირკეთება, ეს ხომ ბიზნესზე ნეგატიურად აისახება. წარმოიდგინეთ ადამიანს გაყიდული აქვს ბინები, აშენებს და უცებ ეუბნები - მოაპირკეთე გრანიტით, ეს ხომ ზარალია კომპანიისთვის? მერიის პრეროგატივაა შეითანხმოს ისეთი პროექტი, რომელიც შეესაბამება გაიდლაინის მოთხოვნებს, გაიდლაინი კი არ გვაქვს. ამ ყველაფერს უნდა პოლიტიკური ნება და კახა კალაძეს მგონი ამის ამბიცია ნამდვილად აქვს“,-განაცხადა ირაკლი როსტომაშვილმა.

 



ავტორი: ნათია სოსიაშვილი



„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში

„გაყიდვები 5-7%-ით გაიზარდა“ - რომელ ტექნიკაზე მოიმატა მოთხოვნამ პოსტპანდემიურ პერიოდში საქართველოში
access_time2020-08-09 15:01:24
ივნის-ივლისში გაყიდვები 5-7%-ით გაიზარდა - ამის შესახებ „ბიზნესპრესნიუსს“ „ბეკო საქართველოს“ გენერალურმა დირექტორმა მეჰმედ მელექმა განუცხადა.   „თუ 2020 წლის იანვარ-ივლისის მონაცემებს, წინა წლის 7 თვეს შევადარებთ, გეტყვით, რომ აქ გაყიდვების მხრივ სიტუაცია იგივე დონეზეა. ეს კი პანდემიის პირობებში კარგი მაჩვენებელია. ზაფხულში მაჩვენებლები უფრო დამაიმედებელია, მეტიც, იანვარ-ივლისში გაყიდვები 5-7%-ით გაიზარდა. გაყიდვების ზრდას ხელს უწყობს ისიც, რომ წელს 3 ახალი მაღაზია...

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი

მსოფლიოს წამყვან ბირჟებზე ნავთობი გაძვირდა – საქართველოში საწვავის ფასის 10 თეთრით გაზრდაა მოსალოდნელი
access_time2020-08-09 20:00:07
ე.წ. დიდი ლოქდაუნისას გაუაფებული ბენზინი საერთაშორისო ბაზრებზე გაძვირების გზას დაადგა. კერძოდ, 29 ივლისის ვაჭრობის შედეგებით მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასი...

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა

Bloomberg: კარანტინზე უარის თქმის მიუხედავად, შვედეთმა ეკონომიკა ვერ გადაარჩინა
access_time2020-08-09 18:00:10
  შვედეთმა თავისი ეკონომიკა 1980 წლის შემდეგ რეკორდული ვარდნისგან ვერ დაიცვა  - კარანტინზე და თვითიზოლაციაზე უარის თქმის მიუხედავად, ქვეყნის მშპ 2019 წლის ანალოგიურ პერიოდთან შედარებით 8,8%-ით შემცირდა  - ასეთია შვედეთის სტატისტიკის სამმართველოს მონაცემები.   პირველ კვარტალთან შედარებით ვარდნა თითქმის ანალოგიურია - 8,6%.   ასევე მკვეთრად დაეცა ექსპორტი და ამავე დროს მასშტაბური ფინანსური დახმარების პროგრამების მიუხედავად,...

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა

აფხაზეთი კრიპტო-ციებ-ცხელებამ მოიცვა - ბოლო 6 თვეში აფხაზეთში 100 ახალი კრიპტოფერმა გაიხსნა
access_time2020-08-09 16:00:20
აფხაზეთში ნამდვილი კრიპტო-ციებ-ცხელებაა. ეს ძალიან მარტივად იხსნება - კერძოდ კი, ელექტროენერგიაზე ფანტასტიურად დაბალი ტარიფებით.   ერთი კილოვატი ელექტროენერგია აფხაზეთში 1 ცენტზე ოდნავ მეტი ღირს - დანარჩენი მსოფლიოსთვის წარმოუდგენელი ფასი. გასაგებია, რომ ის კრიპტოფერმებს იზიდავს, და მათი რაოდენობა მუდმივად იზრდება - მხოლოდ ბოლო 6 თვეში აფხაზეთში 100 ახალი კრიპტოფერმა გაიხსნა, ჯამურად კი მათი რაოდენობა 8000-ს აღწევს.   ისინი მიტოვებულ შენობებში,...

Facebook-ს აქციები რეკორდულად ძვირდება

Facebook-ს აქციები რეკორდულად ძვირდება
access_time2020-08-09 13:40:12
Facebook-ის აქციების ღირებულება რეკორდულ დონეზე  - 225, 8 დოლარამდე გაიზარდა - ეს უმსხვილესი კომპანიების მხრიდან სოციალურ ქსელში რეკლამაზე ბოიკოტის და კონგრესში მიმდინარე ანტიმონოპოლიური გამოძიების ფონზე ხდება. ყველა ამ უსიამოვნების მიუხედავად, სოციალური ქსელის აუდიტორია და მოგებაც პროგნოზირებულზე მეტად იზრდება. ამ ინფორმაციის გამოქვეყნების შემდეგ კომპანიის აქციები 7%-ით გაძვირდა. ანალიტიკოსები ვარაუდობენ, რომ წლის მანძილზე Facebook-ის...


მსგავსი სიახლეები

up