ირაკლი ქარსელაძე -  აღმოსავლეთ-დასავლეთ დერეფანზე 208 კილომეტრი უკვე  აშენებულია, 140 კილომეტრზე მიმდინარეობს მშენებლობა და 2020 წელს 70 კილომეტრი მაგისტრალური გზის გახსნაა  დაგეგმილი

ირაკლი ქარსელაძე - აღმოსავლეთ-დასავლეთ დერეფანზე 208 კილომეტრი უკვე აშენებულია, 140 კილომეტრზე მიმდინარეობს მშენებლობა და 2020 წელს 70 კილომეტრი მაგისტრალური გზის გახსნაა დაგეგმილი

access_time2020-05-22 19:46:17

ზოგადად, უნდა ითქვას, რომ აღმოსავლეთ-დასავლეთ დერეფანზე 208 კილომეტრი უკვე არის აშენებული, 140 კილომეტრზე მიმდინარეობს მშენებლობა და 2020 წელს 70 კილომეტრი მაგისტრალური გზის გახსნა არის დაგეგმილი დაწყებული ივნისიდან და ამაში შედის ხაშურის, ქუთაისის შემოვლითი და სამტრედია-გრიგოლეთის მეორე ლოტი 14 კილომეტრიანი მონაკვეთი, - ამის შესახებ საავტომობილო გზების დეპარტამენტის უფროსმა ირაკლი ქარსელაძემ განაცხადა.


ირაკლი ქარსელაძის თქმით, მნიშვნელოვანია, რომ დღეს, რიკოთის ისტორიულ, საუკუნის პროექტზე პირველი გვირაბი დღეს გაიჭრა.


„მთლიანობაში, 53 გვირაბი, 96 ხიდი - ეს არის ის, რაც უნდა აშენდეს 51 კილომეტრიან მონაკვეთზე. 2.5 მილიარდი ლარი არის ამ პროექტების ღირებულება და დღეს პირველი გვირაბი გაიჭრა და ამის პარალელურად, ჯამურად, 28 გვირაბზე მიმდინარეობს სამუშაოები. ასევე, შესაბამისი რაოდენობით უკვე 39 ხიდზე მიმდინარეობს სამშენებლო სამუშაოები ბურჯების ამოყვანით, ხიმინჯების მოწყობით და სხვა მრავალი სამუშაოთი.


მნიშვნელოვანია ის, რომ მიუხედავად კოვიდ 19-ის გამოწვევისა, ამ შეზღუდვების ფარგლებში მიღწეული პროგრესი, რისი დადასტურებაც არის დღევანდელი დღე, 180 მეტრიანი პირველი გვირაბის გაჭრა არის დიდი მონაპოვარი. თუმცა, რა თქმა უნდა, უკვე შემუშავებულია გეგმა, ამ შეზღუდვების შემსუბუქებასთან ერთად, უფრო დიდი პროგრესი იქნას მიღწეული", - აღნიშნა საავტომობილო გზების დეპარტამენტის უფროსმა.


მისივე თქმით, ძალიან მნიშვნელოვანია ადგილობრივი მოსახლეობის, უშუალოდ ხარაგაულის მუნიციპალიტეტის მცხოვრებთა ჩართულობა აღნიშნულ პროექტებში. ირაკლი ქარსელაძის განცხადებით, 70-დან 80 პროცენტამდე ჯამურად დასაქმებული არის საქართველოს მოსახლეობა.
„მთლიანობაში 2019 წელს 5 000 ადამიანი იყო დასაქმებული პროექტებში. ყველა მონაკვეთის ამოქმედებასთან ერთად ამ რიცხვის გაორმაგებას ველოდებით და შესაბამისად, უფრო მეტი ქართველი სპეციალისტის ჩართულობას ვგეგმავთ. მნიშვნელოვანია ის, რომ გარდა ყოველთვიური შემოსავლისა, რომელიც შრომის ბაზრის შესაბამისია, მნიშვნელოვანია ის უნარები, რასაც იძენენ ჩვენი თანამოქალაქეები, რაც მათ უკვე უახლოეს პერსპექტივაში კიდევ უფრო კონკურენტუნარიანს გახდიან ბაზარზე.


რა თქმა უნდა, ძალიან მნიშვნელოვანია ის სოციალური ასპექტები, რომელიც ყველა მონაკვეთზე გარკვეული სახით არის წარმოჩენილი, როგორიც არის მოედნების მოწყობა სურამში, შროშაში, ზესტაფონში, ლანჩხუთში. ასევე დამატებითი დაერთებები, რომლებიც საშუალებას აძლევს ადგილობრივ მოსახლეობას კიდევ უფრო მეტად ჩართული იყოს კვლავწარმოების პროცესში. შესაბამისად, ის პოპულარული ადგილები, რომელიც წლების განმავლობაში, როგორც ქვეყნის მოსახლეობას, ასევე სტუმრებს ძალიან უყვარდათ, წვდომა ექნებათ საგზაო უსაფრთხოების სრული წესების დაცვით", - განაცხადა საავტომობილო გზების დეპარტამენტის უფროსმა.





კობა გვენეტაძე ლარის გამყარებას გაუმჯობესებულ მოლოდინებს უკავშირებს

კობა გვენეტაძე ლარის გამყარებას გაუმჯობესებულ მოლოდინებს უკავშირებს
access_time2020-06-04 14:50:22
ეროვნული ბანკის პრეზიდენტი კობა გვენეტაძე ლარის გამყარებას გაუმჯობესებულ მოლოდინებს უკავშირებს. როგორც მან ლარის კურსის კომენტირებისას აღნიშნა, ეს უკავშირდება იმას, რომ ქვეყანამ პანდემიის კრიზისი სწარფად დაძლია. “მოლოდინები გაუმჯობესებულია, დამსახურებულადაც. მაგალითად, ორი თვის წინ როდესაც იყო გაუფასურება, მისი აცდენა აბსოლუტურად შეუძლებელი იყო ყოველგვარი კანონების მიხედვით. ხოლო იმის გამო, რომ საქართველო საკმაოდ კარგად გაუმკლავდა პანდემიას და ერთ-ერთი...

„თიბისი“ ჯგუფი ლარის მკვეთრ გაუფასურებას არ ელის“ - ოთარ ნადარაია

„თიბისი“ ჯგუფი ლარის მკვეთრ გაუფასურებას არ ელის“ - ოთარ ნადარაია
access_time2020-06-04 14:00:30
„ლარის მკვეთრ გაუფასურებას თიბისი ჯგუფი აღარ ელის, რადგან შემოდინებებში რა დანაკარგიც არის საკმარისად კომპენსირდება საგარეო დაფინანსებით, რომელიც საქართველომ მოიძია“, - ამის შესახებ თიბისი ჯგუფის მთავარმა ეკონომისტმა ოთარ ნადარაიამ მედიასთან ონლაინ შეხვედრისას განაცხადა. რაც შეეხება დოლარს, ნადარაიას ინფორმაციით, საერთაშორისო ბაზრებზე ის ძალიან გამყარებულია, შესაბამისად, არ ვარაუდობს, რომ მოსალოდნელია დოლარის შემდგომი მატერიალური...

Bloomberg-ის სისტემაში ლარის გამყარების ტრენდი გრძელდება

Bloomberg-ის სისტემაში ლარის გამყარების ტრენდი გრძელდება
access_time2020-06-04 12:45:38
Bloomberg-ის სავაჭრო სისტემაში დილიდან ვაჭრობა $1/3.0175-ით დაიწყო, 12:40 საათისთვის 1 დოლარი 3.9850-ის ნიშნულზეა. საქართველოს ეროვნული ბანკის მიერ გამოქვეყნებული მონაცემების თანახმად, 3 ივნისის ვაჭრობის შედეგად აშშ დოლარის ღირებულებამ 3.0416 ლარი შეადგინა.

დღეს მთავრობა საკრედიტო-საგარანტიო სქემას დაამტკიცებს

დღეს მთავრობა საკრედიტო-საგარანტიო სქემას დაამტკიცებს
access_time2020-06-04 11:26:59
იმ კომპანიებს, რომლებიც იწყებენ ახალ პროექტებს, სახელმწიფო მხარში დაუდგება საბანკო სესხის 90 პროცენტის გარანტიით, ხოლო იმ კომპანიებს, რომლებსაც უკვე აღებული აქვთ სესხი, არსებულ პროექტებში, მათ სახელმწიფო გვერდში დაუდგება 30 პროცენტის გარანტიით, – ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომაზე განაცხადა. პრემიერის თქმით, ეს არის ამ კომპანიების მდგრადობის და მათთვის ლიკვიდობის შენარჩუნების ყველაზე ეფექტური და სწრაფი...

ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება

ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
access_time2020-06-04 09:25:22
ფინკა ბანკსა და სს სიმბიოტიკს (Symbiotics) შორის გაფორმდა შეთანხმება, რომლის მიხედვითაც მსოფლიოს ამ ერთერთი წამყვანი საინვესტიციო კომპანიისგან ფინკა ბანკმა მიკრო, მცირე და საშუალო მეწარმეების მხარდასაჭერად 15 მილიონი ლარი მიიღო. “ფინკა ბანკისთვის ძალიან მნიშვნელოვანია საინვესტიციო კომპანია სიმბიოტიკსთან თანამშრომლობა. დღეს ხელმოწერილი 15 მილიონი ლარის სასესხო ხელშეკრულებით განსაზღვრული აქტივობები დაგვეხმარება გავაგრძელოთ ჩვენი მომხმარებლების მომსახურება, განსაკუთრებით კი...


მსგავსი სიახლეები

up