ირაკლი პეტრიაშვილი: „მინიმალური ხელფასი 320 ლარით განისაზღვრა, რაც უფრო მეტად ადეკვატურია, ვიდრე დღეს არსებული ოდენობა“

ირაკლი პეტრიაშვილი: „მინიმალური ხელფასი 320 ლარით განისაზღვრა, რაც უფრო მეტად ადეკვატურია, ვიდრე დღეს არსებული ოდენობა“

access_time2020-03-05 18:00:24

პარლამენტი მინიმალური ხელფასის შესახებ კანონპროექტზე იმსჯელებს. კანონპროექტის ავტორი საქართველოს გაერთიანებული პროფკავშირებია. პროექტზე შესაბამის კომიტეტს გასულ წელს უნდა ემსჯელა, თუმცა, შესაბამისი სხდომა ამ დრომდე არ გამართულა. პროექტის მიხედვით, საქართველოში სრულ სამუშაო განაკვეთზე მინიმუმალური ზღვარი 320 ლარით განისაზღვრება. არასრული სამუშაო განაკვეთის შემთხვევაში კი დამსაქმებელმა დასაქმებულს მინიმუმ 2 ლარი უნდა გადაუხადოს.


საქართველოს პროფესიული კავშირების გაერთიანების თავმჯდომარე ირაკლი პეტრიაშვილი „კომერსანტთან“ საუბრისას აცხადებს, რომ მინიმალური ხელფასის დადგენისას საერთაშორისო პრაქტიკით იხელმძღვანელეს.


„ბევრი კვლევა ჩავატარეთ და საერთაშორისო გამოცდილების გაზიარებაც მოხდა. საბოლოო ჯამში დადგინდა, რომ მიუხედავად იმისა, რომ ეს არ არის საკმარისი ოდენობა,  მინიმალური ხელფასი მიბმული უნდა იყოს უმუშევრობის შემწეობაზე. გარდა ამისა, მინიმალური ხელფასი დამოკიდებულია დამსაქმებლის ბრალით გამოწვეულ იძულებით მოცდენასთან, ოჯახის საარსებო მინიმუმთან და ა.შ. ყველა ამ მაჩვენებელმა საბოლოოდ  მინიმალური ხელფასის ოდენობა განსაზღვრა, რაც საქართველოს პროფესიული კავშირების გაერთიანებას აქვს ჩამოყალიბებული და ეს 320 ლარია. თუმცა, ეს არ უნდა იყოს იმის განმსაზღვრელი, რომ ადამიანებს მოვუწოდებდეთ არ იმუშაონ და ამ თანხას ისედაც მიიღებენ, უბრალოდ ის არ უნდა იყოს არც მეტი და არც ნაკლები. ეს ციფრი გამომდინარეობს სწორედ ოჯახის საარსებო მინიმუმიდან, რომელიც სახელმწიფოს მიერაა დადგენილი და არის უფრო მეტად ადეკვატური, ვიდრე დღეს ქვეყანაში არსებული მინიმალური ხელფასია, რომელიც კერძო სექტორში არ აღემატება 20 ლარს, ხოლო საჯარო სექტორში 15 ლარია“, - განაცხადა ირაკლი პეტრიაშვილმა.


 

კანონპროექტის თანახმად, 2019 წლის აგვისტოს მონაცემებით, ქვეყანაში 100 ლარზე ნაკლები ხელფასი ჰქონდა - 23 526 ადამიანს; 200 ლარზე ნაკლები - 63 356-ს; 300 -ზე ნაკლები - 114 000 პირს, ხოლო 320 ლარზე ნაკლები ხელფასი 126 665 ადამიანს ჰქონდა. 126 6654 დასაქმებული დაქირავებით დასაქმებულთა 14.7%-ს შეადგენს, მათი შემოსავალი ოჯახის საარსებო მინიმუმზე დაბალია.


ნინო თამაზაშვილი




„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია

„გამოქვეყნებული ახალ რეიტინგები მნიშვნელოვანი გზავნილია პოტენციური ინვესტორებისთვის - საქართველოს ბიზნესასოციაცია
access_time2020-12-04 17:55:18
საქართველოს ბიზნეს ასოციაცია Trace International-ის და ტრანსეროვნული ორგანიზაცია SolAbility-ის კვლევებს ეხმიანება და რეიტინგებს პოტენციური ინვესტორებისთვის პოზიტიურ გზავნილად აფასებს. Trace International-ის წარმოებული კორუფციის რისკისგან თავისუფლების ინდექსის მიხედვით, საქართველო მსოფლიოში 28-ე, ხოლო ევროპაში მე-19 ადგილზეა, ხოლო SolAbility-ის გლობალური მდგრადი კონკურენტუნარიანობის ინდექსის მიხედვით, საქართველო 180 ქვეყნიდან, 37-ე ადგილზეა.   ბიზნეს ასოციაციის პრეზიდენტის...

4 დეკემბერი - რეგიონში ქართული ლარი გამყარდა, თურქული ლირა გაუფასურდა

4 დეკემბერი - რეგიონში ქართული ლარი გამყარდა, თურქული ლირა გაუფასურდა
access_time2020-12-04 18:05:53
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 4 დეკემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3115 ლარი გახდა....

ბუნებრივი აირის გაძვირება პროდუქციის ფასზე აისახება - კულა

ბუნებრივი აირის გაძვირება პროდუქციის ფასზე აისახება - კულა
access_time2020-12-04 14:40:18
საკონსერვო კომპანია „კულას“ დირექტორი ვანო გოგლიძე  კომერციული ორგანიზაციებისთვის ბუნებრივი გაზის ფასის მატებას უარყოფითად აფასებს.   „იმის მიუხედავად, რომ ჩვენი წარმოება ნაწილობრივ ელექტოენერგიაზეა დამოკიდებული, გაზის ტარიფის მატება პროდუქციის ფასზეც აისახება,“ – აღნიშნავს ვანო გოგლიძე და ამ ეტაპზე, დამატებით დეტალებზე საუბრისგან თავს იკავებს.   შეგახსენებთ, რომ 2021 წლის 3 იანვრიდან კომპანიის არასაყოფაცხოვრებო მომხმარებლისათვის მისაწოდებელი...

საქართველოდან ღვინის ექსპორტი 8%-ით შემცირდა

საქართველოდან ღვინის ექსპორტი 8%-ით შემცირდა
access_time2020-12-04 16:45:11
2015 წლის შემდეგ პირველად, ღვინის ექსპორტი 8%-ით 10 თვეში $163 მლნ-მდე შემცირდა. კლება აღინიშნება ისეთ დიდ ბაზრებზე როგორებიცაა რუსეთი და ჩინეთი. 2001-2019 წლებში ღვინის ექსპორტის ჯამურმა მოცულობამ $1.646 მლრდ შეადგინა. ექსპორტიდს 67% - $1.1 მლრდ-ზე მეტი 2013-2019 წლებში რუსეთის ბაზრის ხელახალი გახნსის შემდეგ განხორციელდა. 2001-2005 წლებში ღვინის ექსპორტი 152%-ით $32 მლნ-დან $81 მლნ-მდე გაიზარდა. 2006 წელს გამოცხადებული რუსული ემბარგოს შემდეგ ის...

ბექა ფერაძე: 6 ათასამდე ობიექტს საქმიანობა იძულებით შეაჩერებინეს

ბექა ფერაძე: 6 ათასამდე ობიექტს საქმიანობა იძულებით შეაჩერებინეს
access_time2020-12-04 13:10:14
საქართველოს მასშტაბით კორონავირუსის ეპიდემიის გამო დაწესებული შეზღუდვების გამო 5 792 ობიექტს საქმიანობა იძულებით შეაჩერებინეს. ინფორმაცია მედიას შრომის ინსპექციის ხელმძღვანელმა, ბექა ფერაძემ გააცნო.   მისივე ინფორმაციით, 28 ნოემბრიდან 3 დეკემბრის ჩათვლით სულ შემოწმდა 22 532 ობიექტი, მათგან 16 733 გააფრთხილეს, 7 კი დააჯარიმეს.   მთავრობის გადაწყვეტილებით, 28 ნოემბრიდან საქართველოში აკრძალულია კომერციული საქმიანობის არაერთი ფორმა. მათ შორის, მოლების...


მსგავსი სიახლეები

up