ირაკლი მაკალათია: „ინვესტორები ბიუროკრატიულ პრობლემებს ეჯახებიან, რაც აჭიანურებს პროცესებს და ქმნის კორუფციული გარიგებების რისკებს“

ირაკლი მაკალათია: „ინვესტორები ბიუროკრატიულ პრობლემებს ეჯახებიან, რაც აჭიანურებს პროცესებს და ქმნის კორუფციული გარიგებების რისკებს“

access_time2019-01-25 10:00:47

„ ქვეყანაში ვითარდება ინფრასტრუქტურა, ასევე, ის დარგები, რომლებშიც ინვესტიციებია ჩადებული. თუმცა, ხშირ შემთხვევაში, არ უნდა გვქონდეს გადაჭარბებული მოლოდინები და ადეკვატურად შევაფასოთ თითოეული ეკონომიკური მოვლენა,“  ასე აფასებს ეკონომიკის დოქტორი ირაკლი მაკალათია საქართველოში პირდაპირი უცხოური ინვესტიციების დინამიკას.


საქართველოს სტატისტიკის ეროვნული სამსახურის მონაცემებით, 2017 წელს საქართველოში 1 894.5 მილიარდი დოლარის ღირებულების პირდაპირი უცხოური ინვესტიცია შემოვიდა, 2018 წლის სამი კვარტლის მონაცემებით კი, ინვესტიციების ღირებულება 998.7 მილიონ დოლარს შეადგენს.


მეზობელი ქვეყნებიდან საქართველოში ყველაზე მეტ ინვესტიციას აზერბაიჯანი აბანდებს. ბოლო ორი წლის განმავლობაში საქართველოში აზერბაიჯანიდან 634 მილიონ აშშ დოლარზე მეტი ინვესტიცია განხორციელდა. რამდენად დადებითი ეფექტი აქვს ამას ქვეყნის ეკონომიკაზე და რით აიხსნება, რომ აზერბაიჯანიდან ასეთი მოცულობის ინვესტიციები შემოდის?



უმსხვილესი პროექტი, რომელსაც აზერბაიჯანი საქართველოში ახორციელებს, არის შაჰ დენიზის მილსადენის მშენებლობა. ის 2014 წელს დაიწყო და ჯამში 2 მილიარდ დოლარზე მეტი ინვესტიცია განხორციელდა. სწორედ ამ პროექტში განხორციელებულმა დიდი მოცულობის ინვესტიციებმა გამოიწვია ინვესტიციების მატება და ეს ნაკლებად ასოცირდება ქვეყნის ეკონომიკურ განვითარებასთან.
ცხადია, მსგავსი მასშტაბური პროექტების განხორციელება უმნიშვნელოვანესია ქვეყნისთვის და სწორი ეკონომიკური პოლიტიკით მეტი ეკონომიკური ეფექტის მიღებაც შეიძლება, თუმცა ინფრასტრუქტურულ პროექტებში განხორციელებული ინვესტიციები არ ნიშნავს რეალური ეკონომიკის განვითარებას, საინვესტიციო პროექტების მიმდინარეობისას სამუშაო ადგილების ზრდაც მხოლოდ დროებითია.



2018 წელს ინვესტიციების შემცირების ერთ-ერთ მიზეზად სხვადასხვა საინვესტიციო პროექტების დასრულება დასახელდა, მათ შორის საუბარი იყო შაჰ დენიზის პროექტზე, რომელიც წელს შედის ექსპლუატაციაში. აქედან გამომდინარე მოსალოდნელია თუ არა ინვესტიციების კიდევ უფრო მეტად შემცირება?



ცხადია, მას შემდეგ, რაც აზერბაიჯანული პროექტი დასრულდება, შემცირდება ყველაზე მსხვილი ინვესტიციები და თუ სხვა მასშტაბური ინვესტიციების შემოსვლა არ მოხდა, 2019 წელს, 2018 წელთან შედარებით, არა კატასტროფულად, მაგრამ ინვესტიციების შემცირებას უნდა ველოდოთ.

ამასთან, იმისათვის, რომ რეალური შედეგები მივიღოთ და პირდაპირ კავშირში იყოს ეკონომიკურ განვითარებასთან, ინვესტიციები უნდა განხორციელდეს ეკონომიკის რეალურ სექტორში, რაც წარმოების განვითარებას გამოიწვევს. ამავე დროს უნდა განვითარდეს პორტფელური ინვესტიციები, რომელიც დღეს მინიმალურ დონეზეა საქართველოში, ამისათვის კი აუცილებელია კაპიტალის ბაზრის განვითარება.


რა ნაბიჯები უნდა გადაიდგას, მათ შორის სახელმწიფოს მხრიდან, რომ მეტი ინვესტიცია მოვიზიდოთ ?


დღეს, როცა ინვესტორი შემოდის, ძირითადად გარიგების დადება უწევს სახელმწიფოსთან, ან მთავრობის გავლით კერძო სექტორთან, რის გამოც ეჯახებიან ბიუროკრატიულ პროცედურებს, რაც აჭიანურებს პროცესებს და ქმნის კორუფციული გარიგებების რისკებს. აქედან გამომდინარე საჭიროა, ადგილობრივი მწარმოებლები და ინვესტორები სახელმწიფოს ჩარევის გარეშე ახდენდნენ ბიზნესგარიგებას. კერძო სექტორის განვითარებისათვის კი აუცილებელია სახელმწიფო საკუთრების დროულად გადასვლა კერძო სექტორში. მაგალითად, დღესდღეობით  წიაღისეულის საბადოებს საქართველოს მოქალაქე იჯარით იღებს, რაც მაღალ რისკებს უკავშირდება. ერთია ის, რომ მას ამ აქტივის დაბრუნება უწევს სახელმწიფოსთვის, რაც გრძელვადიან სტიმულებს კლავს და მეორე ის, რომ არის საშიშროება სახელმწიფომ დროზე ადრე იძულებით ჩამოართვას.

ასევე მნიშვნელოვანია გამართული სასამართლო სისტემა, სადაც კერძო საკუთრებისა და ბიზნესის დაცვის მაქსიმალური გარანტიები ქმნის იდეალურ საინვესტიციო გარემოს ქვეყანაში.


მარიამ ტიტვინიძე





„ფრესკო“ პროტესტის ნიშნად 24 საათით იკეტება

„ფრესკო“ პროტესტის ნიშნად 24 საათით იკეტება
access_time2019-11-18 21:29:59
„ფრესკო“ პროტესტის ნიშნად 24 საათით იკეტება. ამის შესახებ კომპანია ინფორმაცია სოციალურ ქსელში ავრცელებს. ქსელური ჰიპერმარკეტის განცხადებას კომერსანტი უცვლელად გთავაზობთ:   „მიგვაჩნია, რომ ის, რაც დღეს ჩვენს ქვეყანაში ხდება, ჩვენთვის და ჩვენი მოქალაქეებისთვის კონსტიტუციური უფლების წართმევაა! დღეს, კიდევ ერთხელ ვრწმუნდებით, რომ ადამიანის ფუნდამეტური უფლება - აზრისა და სიტყვის გამოხატვის თავისუფლება იზღუდება.   რთულია, ამ სიტუაციაში იყო უმოქმედოდ, მაგრამ...

თბილისის მოვლენებს მსოფლიოს წამყვანი გამოცემები ეხმაურება

თბილისის მოვლენებს მსოფლიოს წამყვანი გამოცემები ეხმაურება
access_time2019-11-18 21:00:20
თბილისში მიმდინარე მოვლენები მსოფლიო მედიის ყურადღების ცენტრშია. “საქართველოში მიმდინარე პროტესტს პარლამენტთან შეერთებული შტატები და ევროკავშირი უჭერს მხარს“, - სტატიას ამ სათაურით France 24 აქვეყნებს. გამოცემა წერს, რომ მიმდინარე აქციები, ბოლო წლების მანძილზე ყველაზე მასშტაბური ანტისამთავრობო გამოსვლებია საქართველოს დედაქალაქში. გამოცემის ცნობით, დაახლოებით 20 000 ადამიანი თბილისის ქუჩებში რიგგარეშე საპარლამენტო არჩევნებს ითხოვს. საპროტესტო აქციებზე წერს ასევე...

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა

კახა კალაძე –სახელმწიფომ საკუთარი ვალდებულება შეასრულა და პარლამენტის უკანონო ბლოკირება აღკვეთა
access_time2019-11-18 20:15:51
გვინდა გამოვეხმაუროთ რუსთველის გამზირზე მიმდინარე მოვლენებს და საპოლიციო ღონისძიებას, რომელიც წესრიგის აღსადგენად ჩატარდა. საქართველოში, დაცულია სიტყვისა და გამოხატვის თავისუფლება, თუმცა პარლამენტთან, ოპოზიციის ქმედებები გასცდა კანონის ჩარჩოებს.   ჩვენ, ორი დღის განმავლობაში, ვაფრთხილებდით აქციის ორგანიზატორებს, რომ სახელწიფო ინსტიტუტის, პარლამენტის ბლოკირება არის უკანონო ქმედება, თუმცა, მიუხედავად ამისა, ნახეს რა, რომ არ ჰქონდათ ხალხის სათანადო მხარდაჭერა, აქციის...

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი

„ბიძინა ივანიშვილი ერთადერთი პასუხისმგებელია არსებულ დესტაბილიზაციაზე და ასევე ერთადერთია, ვისაც ყველაფრის შეჩერება შეუძლია“ - ფადი ასლი
access_time2019-11-18 20:00:53
„დღეს ეს დემონსტრანტები თუ გაიყვანეს პარლამენტის შენობის მიმდებარე ტერიტორიიდან, ხვალ ისევ დადგებიან და ეს პროცესი არასდროს დასრულდება, შესაბამისად, გაგრძელდება ქვეყნის არასტაბილური მდგომარეობაც. არ უნდა დაგვავიწყდეს, რომ ბიძინა ივანიშვილმა პირობა დაარღვია და აზრი შეიცვალა არჩევნების პროპორციულ სისტემაზე გადასვლასთან დაკავშირებით, ის ერთადერთია ვისაც უნდა ვადანაშაულებდეთ. ივანიშვილი ამბობს,  რომ მისმა პარლამენტარებმა უღალატეს, მაგრამ ამას ორი წლის ბავშვიც კი არ დაიჯერებს.  ჩვენ...

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ

საპარლამენტო უმრავლესობა ბიუროს სხდომის ჩასატარებლად ემზადება, ჟურნალისტებს პარლამენტში არ უშვებენ
access_time2019-11-18 18:00:59
საპარლამენტო უმრავლესობა ბიუროს სხდომის ჩასატარებლად ემზადება. როგორც ცნობილია, სპეცრაზმმა პარლამენტის ტერიტორია აქციის მონაწილეებისგან რამდენიმე წუთის წინ გაათავისუფლა.არსებული ინფორმაციით, საპარლამენტო უმრავლესობის წევრები პარლამენტში შეკრებას იწყებენ. აღსანიშნავია, რომ ჟურნალისტებს პარლამენტში არ უშვებენ. როგორც „ინტერპრესნიუსს“ საკანონმდებლო ორგანოს პრესსამსახურში განუცხადეს, დღეს ბიუროს სხდომა მედიის გარეშე ჩატარდება, თუმცა საზოგადოებას სხდომის მიმდინარეობის ნახვა...


მსგავსი სიახლეები

up