ირაკლი მაკალათია-გაზპრომი რუსეთის პოლიტიკური იარაღია, რომელსაც ის პოლიტიკური მანიპულაციებისათვის იყენებს

ირაკლი მაკალათია-გაზპრომი რუსეთის პოლიტიკური იარაღია, რომელსაც ის პოლიტიკური მანიპულაციებისათვის იყენებს

access_time2019-01-19 10:00:49

„გაზპრომი არის რუსეთის პოლიტიკური იარაღი, რომელსაც იყენებს პოლიტიკური მანიპულაციებისათვის, იმიტომ რომ კომპანიის ძირითადი მესაკუთრე არის სახელმწიფო (50%-ზე მეტი) რუსეთის ფედერაციის სახით. ანუ გაზის შეძენისას, ბიზნეს მოლაპარაკება მიდის არა კერძო კომპანიასთან, რომლის მიზანი ბიზნესის წარმოება იქნებოდა, არამედ სახელმწიფო კომპანიასთან, რომელსაც სხვა პოლიტიკური მიზნები აქვს ვიდრე ეკონომიკური, აქედან გამომდინარე გაზპრომთან თანამშრომლობა არამარტო საქართველოსთვის, არამედ სხვა ქვეყნებისთვისაც საფრთხის შემცველია და გაზპრომის სახით არა ეკონომიკური სუბიექტი არამედ პოლიტიკური მოთამაშე გვხვდება,“-ასე აფასებს ეკონომიკის დოქტორი ირაკლი მაკალათია ქართულ მხარესა და „გაზპრომს“ შორის ახალ პირობებზე მიმდინარე მოლაპარაკებებს.



მისი თქმით, 2017 წელს კონტრაქტის პირობების შეცვლამ და ნატურით ანაზღაურებიდან თანხის გადახდაზე გადასვლამ ქვეყანა ტარიფების ზრდის საფრთხის წინაშე დააყენა.


„საქართველოს რა თქმა უნდა უარი უნდა ეთქვა ფულად ანაზღაურებაზე და კვლავ ნატურით მიღება გაეგრძელებინა. უარყოფითი შედეგები რაც შეიძლება მოჰყვეს ფულად ანაზღაურებას არის შემდეგი: გაზპრომმა გააძვიროს ბუნებრივი აირი და შესაბამისად ნაკლები ანაზღაურება მივიღოთ, რის შედეგადაც ნაკლები ბუნებრივი აირის შეძენა შეგვეძლება. ამავე დროს ვალუტის კურსის გაუფასურების პირობებში, ყოველწლიურად უფრო და უფრო გვიძვირდება გაზის ყიდვა.

ასევე იქიდან გამომდინარე,რომ კონტრაქტის პირობები გასაიდუმლოებულია არსებობს რისკი ,რომ მთავრობამ საბიუჯეტო სახსრები სატრანზიტო მომსახურების ანაზღაურების ნაცვლად ,სხვა სამთავრობო ხარჯებისკენ მიმართოს და შემდეგ ქვეყანას უფრო ძვირი დაუჯდეს ბუნებრივი აირის შეძენა,“-განაცხადა ირაკლი მაკალათიამ.



შეგახსენებთ, რომ 2017 წლიდან საქართველოს გაზის ტრანსპორტირების კომპანიასა და „გაზპრომ–ექსპორტს“ შორის ახალი კონტრაქტი შევიდა ძალაში, რამაც რუსეთიდან სომხეთში ბუნებრივი გაზის ტრანზიტის პირობები შეცვალა. მანამდე საქართველო სატრანზიტო მომსახურებისთვის საფასურს ნატურით – ჩვენი ქვეყნის ტერიტორიაზე გატარებული ბუნებრივი გაზის 10%–ის სახით იღებდა. 2017 წლიდან კი პირობები შეიცვალა და ჯერ ნაწილობრივ, შემდეგ კი სრულად, საქართველო მონეტარული ანაზღაურების რეჟიმზე გადავიდა, ანუ ქვეყანა სატრანზიტო მომსახურებისთვის განსაზღვრულ თანხას იღებს. ამ კონტრაქტის კომერციული პირობები გასაიდუმლოებულია.


სწორედ აღნიშნულ კონტაქტს მოქმედების ვადა 2018 წლის 31 დეკემბერს ამოეწურა. ახალი პირობები მხარეებმა მიმდინარე წელს უნდა შეათანხმონ.


ამასთან, დღეს მთავრობის სხდომის დასრულების შემდეგ საგარეო საქმეთა მინისტრმა, დავით ზალკალიანმა განაცხადა,რომ ყველაფერი გაკეთდება, რათა  „GAZPROM“-თან დაკავშირებული საკითხი საქართველოს ინტერესებიდან გამომდინარე გადაწყდეს.



მარიამ ტიტვინიძე





#ლიბერთიგულით პროგრამა პენსიონერებისთვის ზაფხულის დღეებში გრძელდება

#ლიბერთიგულით პროგრამა პენსიონერებისთვის ზაფხულის დღეებში გრძელდება
access_time2020-07-16 14:00:39
დღეიდან, მთელი ქვეყნის ტერიტორიაზე პენსიონერებისთვის ლიბერთი ბანკისა და კომპანია „აქვა გეო"-ს ერთობლივი საზაფხულო აქცია იწყება. ლიბერთი ბანკის სპეციალურად შერჩეულ 25, ყველაზე მეტად დატვირთულ ფილიალთან, ბანკის მომხმარებლებს სასმელი და გაზირებული მინერალური წყლებით გაუმასპინძლდებიან.   პანდემიის გამო, ჯანდაცვის რეკომენდაციების  გათვალისწინებით, ბანკის სერვისცენტრებში მხოლოდ განსაზღვრული ადამიანების თავშეყრაა დასაშვები. გარეთ კი ცხელა, და მომხმარებლებისთვის კომფორტის...

თუ კანონპროექტში ცვლილება არ შევა ჯანდაცვის სამინისტრო დაკარგავს თავის რეალური ფუნქციას და კლინიკების წინაღმდეგ სადამსჯელო რაზმად გადაიქცევა - კობერიძე გაბუნიას

თუ კანონპროექტში ცვლილება არ შევა ჯანდაცვის სამინისტრო დაკარგავს თავის რეალური ფუნქციას და კლინიკების  წინაღმდეგ სადამსჯელო რაზმად გადაიქცევა -  კობერიძე გაბუნიას
access_time2020-07-16 15:45:09
„თუ კანონპროექტში ცვლილება არ შევა, ჯანდაცვის სამინისტრო გაიზიარებს იმ ტენდენციას, რაც მარეგულირებლებს აქვს, რომ მაქსიმალურად გააკონტროლოს ბიზნესი“, - ამის შესახებ დამოუკიდებელმა დეპუტატმა ლევან კობერიძემ სესიის პლენარული სხდომაზე განაცხადა. მისი თქმით, მარეგულირებელს რეალურად ეძლევა  საშუალება, რომ თავისი შეხედულების მიხედვით, ცუდი განზრახვების პირობებში კლინიკის საქმიანობა შეაჩეროს. დამოუკიდებელი დეპუტატმა კითხვები ჯანდაცვის მინისტრის მოადგილეს, თამარ გაბუნიას...

კობა გვენეტაძე - „ფულადი გზავნილების 17.8%-იანი გაზრდა, ეკონომიკურ აქტივობას გამოაცოცხლებს“

კობა გვენეტაძე - „ფულადი გზავნილების 17.8%-იანი გაზრდა, ეკონომიკურ აქტივობას გამოაცოცხლებს“
access_time2020-07-16 14:00:33
„ივნისში ფულადი გზავნილები წინა წელთან შედარებით გაიზარდა. როგორც ამავე საკითხთან დაკავშირებულ წინა პოსტში აღვნიშნე, დადებითი ტენდენციები ამ მაჩვენებლის დინამიკაში მნიშვნელოვანი და კარგი ფაქტია, რადგან ეს იმას ნიშნავს, რომ მიმდინარე ანგარიშის დეფიციტი იმდენად გაუარესებული არ გვექნება, როგორც ეს პანდემიის დასაწყისში ჩანდა. ეს კი, თავის მხრივ, ეკონომიკური აქტივობის გამოცოცხლებასა და პანდემიის დასაწყისში მოსალოდნელთან შედარებით უფრო მყარ ლარსაც ნიშნავს“, — ამის...

კურორტ ბაკურიანის უკეთ მართვის მიზნით, ბორჯომის მუნიციპალიტეტი საჯარო სამართლის იურიდიულ პირს დააფუძნებს

კურორტ ბაკურიანის უკეთ მართვის მიზნით, ბორჯომის მუნიციპალიტეტი საჯარო სამართლის იურიდიულ პირს დააფუძნებს
access_time2020-07-16 12:20:23
ბორჯომის მუნიციპალიტეტი პირველია, რომელსაც საქართველოს მთავრობამ უფლება მისცა შექმნას საჯარო სამართლის იურიდიული პირი კურორტ ბაკურიანის ეფექტურად მართვის მიზნით. ინფორმაციას რეგიონული განვითარებისა და ინფრასტრუქტურის სამინისტრო ავრცელებს. „ამ უფლების განსახორციელებლად, პირველ ეტაპზე, დაბა ბაკურიანი და სოფელი მიტარბი განისაზღვრა იმ დასახლებათა ერთობლიობად, რომელშიც ბორჯომის მუნიციპალიტეტის საკრებულო დააფუძნებს ახალ მართვის ორგანოს. 2019...

ღვინის ფალსიფიკაციის პრობლემა არა უცხოელი ექსპერტის შემოყვანით, არამედ ღვინის ეროვნული სააგენტოს აქტიური მუშაობით მოგვარდება

ღვინის ფალსიფიკაციის პრობლემა არა უცხოელი ექსპერტის შემოყვანით, არამედ ღვინის ეროვნული სააგენტოს აქტიური მუშაობით მოგვარდება
access_time2020-07-16 11:00:55
„ღვინის ინდუსტრიის დიდი ნაწილი მუშაობს ხარისხზე და ქართული ღვინის მაღალ ფასიან სეგმენტში აყვანას ცდილობს. პირობითად რომ ვთქვათ, მათ უნდათ, რომ 1 მილიონი ბოთლი გაყიდონ 10 დოლარად. მაგრამ არიან ადამიანები, რომლებიც ღვინის „გაბევრებით“ არიან დაკავებული. ეს ორი კონცეფცია ერთმანეთს ეჯახება. მე პირადად შეთავაზებული მაქვს ინსტრუმენტები, რაც ხარისხის კონტროლის პროცესში საერთაშორისო კომპანიის ჩარევას გულისხმობს. სამწუხაროდ, ამ საკითხის მუდმივი გადავადება ხდება“, - ამის შესახებ „ისთ გეით...


მსგავსი სიახლეები

up