ირაკლი ლექვინაძემ და ჯონ ბრაეკეველდტმა სამუშაო შეხვედრა გამართეს

ირაკლი ლექვინაძემ და ჯონ ბრაეკეველდტმა სამუშაო შეხვედრა გამართეს

access_time2021-02-11 13:10:00

საქართველოს კონკურენციის ეროვნული სააგენტოს თავმჯდომარე, ირაკლი ლექვინაძემ და ევროპული ბიზნეს ასოციაციის თავმჯდომარე, ჯონ ბრაეკეველდტმა სამუშაო შეხვედრა გამართეს. ამის შესახებ „კომერსანტს“ კონკურენციის სააგენტოდან აცნობეს.


მხარეებმა, კონკურენციის სფეროში, მიმდინარე და დაგეგმილი აქტუალური საკითხები ორმხრივ დონეზე განიხილეს და კავშირების გაღრმავების აუცილებლობაზე ისაუბრეს.


გამომდინარე იქიდან, რომ ევროპული ბიზნეს ასოციაცია კონკურენციის კანონში შესატან ცვლილებებზე სააგენტოსთან აქტიურად თანამშრომლობდა, შეხვედრაზე მხარეებმა დეტალურად მიმოიხილეს აღნიშნული მიმართულებით განხორციელებული აქტივობები, დღეს არსებული გამოწვევები და ყველა დაინტერესებულ მხარესთან, მათ შორის, ბიზნეს სუბიექტებთან თანამშრომლობის ეფექტიანი მექანიზმები. შეხვედრაზე საუბარი შეეხო სამომავლო პერსპექტივებს და უწყებებს შორის ურთიერთთანამშრომლობის სტრატეგიის გაუმჯობესების მიმართულებებს. ირაკლი ლექვინაძემ ჯონ ბრაეკეველდტს მხარდაჭერისათვის, შეხვედრის ინიცირებისათვის მადლობა გადაუხადა და ევროპული ბიზნეს ასიციაციის თავმჯდომარის მიერ შემოთავაზებულ პროექტებში, მათ შორის ახალგაზრდა მეწარმეების ხელშეწყობის პლატფორმაში ჩართვის მზაობა გამოთქვა.


„ვიცით, რომ 2020 წელს „კონკურენციის შესახებ“ საქართველოს კანონში მნიშვნელოვანი ცვლილებები შევიდა. დაიხვეწა პროცედურული ნორმები, DCFTA-ს შესაბამისად გაიმართა კონკურენციის სააგენტოსა და მარეგულირებელ ორგანოებს შორის თანამშრომლობის ფორმები, დადგინდა კონცენტრაციების კონტროლის ეფექტიანი მექანიზმები. დამუშავების პროცესშია სააგენტოს სტრუქტურული, კოლეგიალური მოწყობის საკითხი. ასევე ვიცით, რომ სააგენტოს სტრუქტურის ქვეშ საქმიანობა დაიწყო სახელმწიფო შესყიდვებთან დაკავშირებული დავების განხილვის საბჭომ და მისმა აპარატმა, რომელიც ფუნქციონირებს, როგორც სრულიად დამოუკიდებელი ორგანო. 2021 წელს, სააგენტო იწყებს ანტიდემპინგური კანონმდებლობის აღსრულებას, რისთვისაც წინამოსამზადებელი სამუშაოები აქტიურად მიმდინარეობს. პროექტი მომზადდა ვაჭრობის მსოფლიო ორგანიზაციის პრინციპებისა და ნორმების გათვალისწინებით, ქართული რეალობისათვის სიახლეა და, ვფიქრობ, არის ერთ-ერთი უმნიშვნელოვანესი საკანონმდებლო აქტი, რომელიც ამ უახლოეს პერიოდში მივიღეთ. შესაბამისად, ევროპული მიდგომების გაზიარება, მხარდაჭერა, რეკომენდაციების მიღება, საერთაშორისო და ადგილობრივი კოლეგა უწყებების აქტიური ჩართულობა ჩვენი უწყებისათვის მნიშვნელოვანია. ვფიქრობ, რომ თქვენ მიერ შემოთავაზებული ინიციატივები, ევროპული ბიზნეს ასოციაცისს წევრებთან დიალოგის ფორმატში შეხვედრები, ასევე ასოციაციის ახალგაზრდების პლატფორმის წარმომდგენლებთან ურთიერთთანამშრომლობის მექანიზმების გაუმჯობესება ორმხრივად საინტერესო და მნიშვნელოვანი იქნება“, - განაცხადა ირაკლი ლექვინაძემ.



„ევროპული ბიზნეს ასოციაციის მისიაა საქართველოსა და ევროპას შორის ვაჭრობისა და ინვესტიციების ხელშეწყობა და ვფიქრობ, ეს მხოლოდ ჯანსაღი კონკურენციის პირობებშია შესაძლებელი. ამ მხრივ უმნიშვნელოვანესია, ქართული კანონმდებლობის ევროკავშირის კანონმდებლობასთან დაახლოების პროცესი, მათ შორის კონკურენციის სააგენტოსა და მარეგულირებელ ორგანოებს შორის თანამშრომლობის ფორმების კუთხით. დღევანდელი შეხვედრის ფარგლებში მოხდა სააგენტოსა და ჩვენი ასოციაციის სიახლეებისა და აქტივობების ერთმანეთისთვის გაცნობა. ასევე, განვიხილეთ სამომავლო გეგმები და მოხარული ვართ, რომ, კონკურენციის სააგენტომ გამოხატა სურვილი და მზაობა ასოციაციის წევრებთან შეხვედრებში მონაწილეობისთვის, მხარი დაუჭირა ჩვენს ინიციატივებს და ვაგრძელებთ აქტიურ თანამშრომლობას“, - განაცხადა ჯონ ბრაეკეველდტმა.


შეხვედრას ასევე ესწრებოდნენ საქართველოს კონკურენციის ეროვნული სააგენტოს თავმჯდომარის პირველი მოადგილე, ლევან კალანდაძე და ევროპული ბიზნეს ასოციაციის სამართლისა და პოლიტიკის მიმართულების ხელმძღვანელი, ნინო უშიკიშვილი.









საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“
access_time2021-05-14 11:00:32
საქართველოს ეროვნული ბანკი ციფრული ლარის გამოშვების პროექტზე მუშაობს. სებ-ის ინფორმაციით, მისი მანდატი ფასებისა და ფინანსური სტაბილურობის უზრუნველყოფაა, ხოლო ციფრული ტექნოლოგიების განვითარებამ ცენტრალური ბანკის ფულის განვითარებისა და ლარის ციფრული ვერსიის შექმნის აუცილებლობა გამოკვეთა, რათა ის უკეთ მოერგოს ციფრულ ეკონომიკას და ეკონომიკური პოლიტიკის ეფექტიანობა გაზარდოს. როგორც აღმოჩნდა ეროვნულ ბანკს თავისი მანდატის უკეთ შესასრულებლად ციფრული ლარი სჭირდება. ეროვნული ბანკში ასევე აღნიშნავენ,...


მსგავსი სიახლეები

up