ირაკლი ლექვინაძე - პირდაპირი უცხოური ინვესტიციების შემცირების ერთ-ერთი მიზეზი შეიძლება სწორედ რეგულაციები იყოს

ირაკლი ლექვინაძე - პირდაპირი უცხოური ინვესტიციების შემცირების ერთ-ერთი მიზეზი შეიძლება სწორედ რეგულაციები იყოს

access_time2019-09-12 22:55:15

საქართველოში შემოსული პირდაპირი უცხოური ინვესტიციების ნაკადის მეორე კვარტალში თითქმის 54 პროცენტიანი კლების ერთ-ერთი მიზეზი შესაძლოა, ბიზნესზე დაკისრებული ახალი რეგულაციები იყოს,- ამის შესახებ საქართველოს ბიზნესომბუდსმენმა ირაკლი ლექვინაძემ დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა.


გადაცემაში ბიზნესგარემოს გაჯანსაღებისა და ბიზნესომბუდსმენის ინსტიტუტის გაძლიერების მნიშვნელობა და პერსპექტივები განიხილეს. ორივე საკითხი ახალმა მთავრობამ საკუთარი პროგრამის ერთ-ერთ პრიორიტეტად აღიარა და მათ მთელი თავი მიუძღვნა. ახალი მთავრობა პარლამენტმა გასულ უქმეებზე დაამტკიცა.


გადაცემაში აღინიშნა, რომ ბოლო წელიწადნახევრის განმავლობაში ბიზნესს ახალი რეგულაციების საკმაოდ დიდი რაოდენობა დაუწესდა, რასაც გარკვეული უკუშედეგი მოჰყვა. ლექვინაძე ვარაუდობს, რომ მიმდინარე წლის მეორე კვარტალში პირდაპირი უცხოური ინვესტიციების ნაკადის მკვეთრი კლების ერთ-ერთი მიზეზი, შეიძლება სწორედ რეგულაციები იყოს.


„მეორე კვარტალში ინვესტიციების დახლოებით 54 პროცენტიანი კლება გვქონდა და წლების მანძილზე საქართველოს ეკონომიკის წამყვანმა დარგებმა როგორიცაა, ენერგეტიკა, მშენებლობა, ტრანსპორტი და კავშირგაბმულობა ე.წ. საინვესტიციო ძრავები, გარკვეულწილად ზრდის ტემპი შეანელეს. მე მაინც რამდენიმე ფაქტორს აღვნიშნავდი, რამაც ჩვენი დაკვირვებით, ინვესტიციების კლებაზე გავლენა მოახდინა. აღნიშნული იყო გარკვეული ობიექტური ფაქტორები, თუნდაც გარკვეული პროექტების დასრულება ან ოპერაციები, რამაც ვალდებულებების გასტუმრება გამოიწვია. თუმცა მე ვფიქრობ, რომ ამისი ერთ-ერთი მიზეზი შეიძლება სწორედ რეგულაციები იყოს, რომელიც ბიზნესის გარკვეულ სექტორებს ამძიმებს“, – განაცხადა ლექვინაძემ.



ბიზნესომბუდსმენმა აღნიშნა, რომ ერთის მხრივ საქართველო რჩება ქვეყნად, რომელიც, როგორც არაერთი საერთაშორისო მაღალი რეპუტაციის მქონე კვლევა ადასტურებს, საგადასახადო ტვირთის და ტრანზაქციული დანახარჯების სიმცირით, რომელიც მოიცავს, ბიუროკრატიულ, ლოჯოსტიკურ ხარჯებს – ერთ-ერთი ლიდერია. მეორე მხრივ კი, ახალი რეგულაციები ბიზნესს გარკვეულ ტვირთად აწვება.


„ერთის მხრივ საქართველო საგადასახადო ტვირთის და ტრანზაქციული დანახარჯების სიმცირით, რომელიც მოიცავს, ბიუროკრატიულ, ლოჯოსტიკურ ხარჯებს – ერთ-ერთი მიმზიდველი ქვეყანაა , ამას მოწმობს ფრეიზიერი ინსტიტუტის თუ ეკონომიკური თანამშრომლობისა და განვითარების ორგანიზაციის შეფასებები. თუმცა გარკვეული რეგულაციების ხარჯით, რომელიც ბოლო პერიოდში საკმაოდ ბევრია და ყველა რეგულაცია გარკვეულ ხარჯთან არის დაკავშირებული, ბუნებრივია ეს ტვირთი ბიზნესის აქტივობაზე გარკვეულ გავლენას ახდენს“, – განმარტა ლექვინაძემ.


მისი აზრით, ინვესტიციების კლებაზე გავლენა ივნისში განვითარებულმა პოლიტიკურმა პროცესმაც მოახდინა, რაც დიდი ალბათობით, მესამე კვარტალზეც აისახება. საერთო ჯამში კი, ინვესტიციების კლება ლარის კურსზე აისახება უარყოფითად.


„არ შეიძლება არ ვთქვათ იმ გარკვეული პოლიტიკური პროცესის გავლენაზე, რასაც ივნისში ჰქონდა ადგილი. მოლოდინის ნაწილი გარკვეულწილად ამ კონტექსტშიც შეიძლება ასახულიყო. თუმცა მოლოდინების კუთხით გავლენა შეიძლება მესამე კვარტალზეც აისახოს. ბუნებრივია, ჯამურად, პირდაპირი უცხოური ინვესტიციების შემცირების ეს ნაწილი გავლენას ლარის კურსზეც ახდენს, რაც დღეს ბიზნესისათვის ასევე ერთ-ერთი გამოწვევაა. ამიტომ ჩვენ ძალიან ბევრი მიმართულებით დიდი ძალისხმევა გვჭირდება, რომ ინვესტორებთან ურთიერთობაში გარღვევა მოხდეს“, – განაცხადა ბიზნესომბუდსმენმა.


1ტვ






ლიბერთის და რუსთაველის თეატრის ერთობლივი ახალი სოციალური პროექტი

ლიბერთის და რუსთაველის თეატრის ერთობლივი ახალი სოციალური პროექტი
access_time2019-12-05 14:50:25
5 დეკემბერს, ლიბერთი ბანკსა და რუსთაველის თეატრს შორის ურთიერთ თანამშრომლობის მემორანდუმი გაფორმდა.  5 დეკემბრიდან, ლიბერთის სოციალური ბარათის მფლობელები, მათ შორის პენსიონრები და სახელმწიფო სოციალური სარგოს მიმღები პირები, რუსთაველის თეატრის მიერ გამართული სპექტაკლების ბილეთებს 30%-იანი ფასდაკლებით შეძლებენ. ერთობლივი სოციალური პროექტის თანახმად, ფასდაკლების მისაღებად ბილეთების შეძენა უნდა განხორციელდეს ლიბერთის სოციალური ბარათით თეატრის სალაროში განთავსებულ ლიბერთის...

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“
access_time2019-12-05 18:30:54
ბიძინა ივანიშვილის განცხადებამ საზღვარგარეთ ქართველი ემიგრანტების ლეგალურად დასაქმებასთან დაკავშირებით, საზოგადოებაში აზრთა სხვადასხვაობა გამოიწვია. ძირითადად ამ ინიციატივას უარყოფითი შეფასებები მოყვა.   „ბანკებისა და ფინანსების" აზრით „ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“, კომერსანტმა ამ განცხადების და ინიციატივის შინაარსის შეფასება სთხოვა საზღვარგარეთ მოღვაწე ბიზნესმენს, ვასილ ბაბლუანს, რომელიც საქართველოშიც ახორციელებს...

Apple-ის ჩაძირვას პაბლო ესკობარის ძმა აპირებს

 Apple-ის  ჩაძირვას პაბლო ესკობარის ძმა აპირებს
access_time2019-12-05 19:00:14
1993 წელს მოკლული კოლუმბიელი ნარკობარონის პაბლო ესკობარის ძმამ, რობერტო ესკობარმა დრეკადი სმარტფონი გამოუშვა, რომელიც 350 დოლარი ღირს - ეს ამ მოდელის ყველაზე იაფი ტელეფონია მსოფლიოში.   რობერტო ესკობარი აპირებს Apple-ის ჩაძირვას და იმის დამტკიცებას, რომ კარგი სმარტფონი 1000 დოლარზე ნაკლები შეიძლება ღირდეს.   მოდელი სახელწოდებით Escobar Fold 1, წარმოადგენს ჩინური Royole FlexPai ოქროსფერ ანალოგს და მისი რეალური ფასი 1400...

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“
access_time2019-12-05 17:30:48
საქართველოს რეგიონული განვითარებისა და ინფრასტრუქტურის სამინისტრომ მიმდინარე წლის 11 თვეში ბიუჯეტიდან 1.67 მილიარდი ლარი აითვისა. უწყების ინფორმაციით სამინისტროს 11 თვის ბიუჯეტის შესრულება 2019 წელს ისტორიულად ყველაზე მაღალია. ეკონომიკის ექსპერტი ზვიად ხორგუაშვილი მიიჩნევს, რომ რეგიონული განვითარებისა და ინფრასტრუქტურის სამინისტროს ბიუჯეტის სიდიდე არჩევნების მოახლოებასთან ერთად უფრო იზრდება, რათა...

რა ზიანი შეიძლება მიადგეს კერძო ბიზნესს აქციზის დაუგეგმავი და სწრაფი ზრდის შედეგად

რა ზიანი შეიძლება მიადგეს  კერძო ბიზნესს  აქციზის დაუგეგმავი და სწრაფი ზრდის შედეგად
access_time2019-12-05 16:30:07
ბიზნესი საქართველოს მთავრობას მოუწოდებს სიგარეტზე აქციზი ეტაპობრივად გაიზარდოს. მათი თხოვნაა, ეტაპობრივად გაიზარდოს მხოლოდ ფიქსირებული გადასახადი, ადვალური კი პირვანდელ ნიშნულს დაუბრუნდეს. სექტორი იმ უარყოფით შედეგებზე საუბრობს რომელიც ბიზნეს აქციზის დაუგეგმავი და სწრაფი ზრდის შედეგად მიადგება. კომერსანტი თამბაქოს ინდუსტრიის განცხადებას უცვლელად გთვაზობთ. „იმპორტირებულ ფილტრიან სიგარეტზე ადვალური გადასახადის გაზრდამ 2019 წლის განმავლობაში მისი რამდენიმე ეტაპად გაძვირება გამოიწვია....


მსგავსი სიახლეები

up