ირაკლი ლექვინაძე - კომპანიების თანაბარ პირობებში ჩაყენება თუ გვსურს, უმჯობესია, „ოქროს სიის“ გაფართოებაზე ვიფიქროთ

ირაკლი ლექვინაძე - კომპანიების თანაბარ პირობებში ჩაყენება თუ გვსურს, უმჯობესია, „ოქროს სიის“ გაფართოებაზე ვიფიქროთ

access_time2019-06-10 23:00:38

მსხვილი, საშუალო და მცირე ზომის კომპანიებისთვის კონკურენციის თანაბარი პირობების უზრუნველყოფის მიზნით, უმჯობესია, იმპორტის გადასახდელების გადახდის ვადასთან დაკავშირებული შეღავათი, რომლითაც ე.წ. ოქროს სიის წევრი 217 კომპანია სარგებლობს, კი არ გაუქმდეს, არამედ სიის მიღმა მყოფ კომპანიებზეც  გავრცელდეს, – ამის შესახებ ბიზნესომბუდსმენმა,  ირაკლი ლექვინაძემ განაცხადა.

 

 

ბიზნესომბუდსმენი მიიჩნევს, რომ კონკურენციის პირობების გათანაბრება ნამდვილად საჭიროა, მაგრამ უმჯობესია, აღნიშნული შეღავათს ყველა კომპანიაზე გავრცელების გზით მოხდეს და არა პირიქით – გამარტივებული პროცედურების ყველა ბიზნესსუბიექტისთვის გართულებით.

 

ლექვინაძის განმარტებით, ე.წ. ოქროს სიაში კომპანიები ზომის მიხედვით კი არ ხვდებიან, არამედ იმის მიხედვით, გადასახადების რამდენად კანონმორჩილი გადამხდელები არიან და რამდენად გამჭვირვალეა მათი ბიზნესი.

 

„ჩვენი პოზიცია პირობების გათანაბრებასთან დაკავშირებით ასეთია: ზოგადად, ყველაზე მისაღები არგუმენტი არის ის, რომ იყოს თანაბრობა. თუმცა პირადად მე მიმაჩნია, რომ კომპანიებისთვის მოტივაციის მიმცემი ფაქტორი უნდა არსებობდეს, რაც კომპანიებს უბიძგებს, იყვნენ მოწესრიგებული იმისთვის, რომ გარკვეული პრივილეგირებული მდგომარეობა ჰქონდეთ. იყოს თანაბრობა, ოღონდ თუ გვინდა ე.წ. ოქროს სიის გარეთ მყოფი კომპანიების მხარდაჭერა, მაშინ შესაძლებელია, იმპორტის გადასახდელების ვადის გაზრდის მიმართულებით ვიფიქროთ მათთვის, ვინც პრივილეგიებით არ სარგებლობენ, ვიდრე მათ გავურთულოთ ცხოვრება, ვინც ამ გრძელვადიანი განბაჟებით სარგებლობს“, – განაცხადა ლექვინაძემ.

 


ბიზნესომბუდსმენმა განმარტა, რომ ე.წ. ოქროს სიაში შეიძლება იყოს, როგორც მსხვილი, ისე საშუალო კომპანია.

 

„ასე ნუ გავყოფთ კომპანიებს. ე.წ. ოქროს სიაში შეიძლება იყოს როგორც მსხვილი, ისე საშუალო კომპანია, ისევე როგორც სიის გარეთ შეიძლება, იყოს მსხვილი კომპანია. სიაში ხვდებიან კომპანიები, რომლებსაც შეძლებისდაგვარად მოწესრიგებული აქვთ ყველაფერი, არ უფიქისრდებათ არანაირი დარღვევა. ეს კომპანიებისთვის სტიმულის მიმცემია და ბუნებრივია, ყველა კომპანიას უნდა ჰქონდეს მოტივაცია, ამ გზით წავიდეს. არსებული მოცემულობით შექმნილია პრივილეგიის საკმაოდ წარმატებული პრაქტიკა და უკეთესია, გაუმჯობესების მიმართულებით ვიაროთ“,- განაცხადა ლექვინაძემ.

 

თუმცა ბიზნესომბუდსმენმა განმარტა, რომ მთავარი პრობლემა ე.წ. ოქროს სიის პრივილეგიების გაუქმებაში კი არ მდგომარეობს, არამედ ამ გადაწყვეტილების სწრაფ ამოქმედებაში, რაც ბიზნესს დაუგეგმავი ხარჯების წინაშე აყენებს. ლექვინაძის თქმით, უკვე შედგა კომუნიკაცია ფინანსთა სამინისტროსთან და მთავრობის ადმინისტრაციასთან და სავარაუდოდ, ბიზნესსა და მთავრობას შორის კონსენსუსის მიღწევა გადაწყვეტილების ძალაში შესვლამდე მოხერხდება.

 

„ვადები არის კრიტიკული, თუმცა კონსულტაციები, რა თქმა უნდა, გადაწყვეტილების ამოქმედებამდე შედგება“, – განმარტა ბიზნესომბუდსმენმა.

 

ფინანსთა მინისტრის, ივანე მაჭავარიანის ბრძანებით, ე.წ. ოქროს სიაში მყოფი კომპანიებისთვის იმპორტის გადასახდელების გადახდის ვადასთან დაკავშირებული შეღავათი გაუქმდა. შემოსავლების სამსახურის განმარტებით, იმპორტის გადასახდელების გადახდის ხუთდღიანი ვადა გავრცელდება „ოქროს სიის“ მონაწილის კუთვნილ საქონელზე, ნაცვლად ცვლილებამდე მოქმედი 30-დღიანი ვადისა, წინასწარ (საქონლის შემოტანამდე) დეკლარირებულ საქონელზე, ნაცვლად ცვლილებამდე მოქმედი 15-დღიანი ვადისა და დეკლარანტის მიერ შევსებული და რეგისტრირებული დეკლარაციით გაფორმებისას, ნაცვლად ცვლილებამდე მოქმედი 10-დღიანი ვადისა.

 

წყარო: 1TV






„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“ - ნინო ზამბახიძე

„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“  - ნინო ზამბახიძე
access_time2019-10-21 19:30:25
„საგადასახადო კოდექსში სიტყვების „პირი“ და „ფიზიკური პირი“ თამაშმა შესაძლოა ბიზნესების დაჯარიმება გამოიწვიოს“ - ამის შესახებ დღეს პერემიერთან შეხვედრის შემდეგ „საქართველოს ფერმერთა ასოციაციის“ თავმჯდომარემ ნინო ზამბახიძემ ისაუბრა. დღეს, პრემიერ-მინისტრ გიორგი გახარიასა და ბიზნესასოციაციების წარმომადგენლების  შეხვედრაზე, გახარიამ სხვადასხვა სფეროს წარმომადგენლებისგან ძირითადი პრობლემური საკითხები მოისმინა. ერთ-ერთი იყო სოფლის მეურნეობის გამოწვევებიც,...

ნიკოლოზ ხუნძაკიშვილი – მთავრობა და ბიზნესი დროის ფაქტორს სხვადასხვაგვარად აღიქვამენ

ნიკოლოზ ხუნძაკიშვილი – მთავრობა და ბიზნესი დროის ფაქტორს სხვადასხვაგვარად აღიქვამენ
access_time2019-10-21 17:30:49
ბიზნესში არსებულ აქტუალურ პრობლემებზე “ბანკები და ფინანსები” კომპანია “ნატახტარის” კორპორაციულ საქმეთა დირექტორს, ნიკოლოზ ხუნძაკიშვილს ესაუბრა. -თქვენი კომპანია უკვე მრავალი წელია საკმაოდ წარმატებულად პოზიციონირებს ქართულ ბაზარზე, თქვენი პროდუქცია საკმაოდ მოთხოვნადია, რასაც ხელს უწყობს ქართველი კაცის განსაკუთრებული სიყვარული ლუდის მიმართ, მოკლედ...

ჩინეთის ეკონომიკური ზრდა შენელდა

ჩინეთის ეკონომიკური ზრდა შენელდა
access_time2019-10-21 20:30:17
2019 წლის იანვარს-სექტემბერში ჩინეთის მშპ-მ  9,8 ტრლნ დოლარი შეადგინა, რაც გასული წლის იგივე პერიოდის მაჩვენებელს  6,%-ით აღემატება- იტყობინება ჩინეთის სტატისტიკის ეროვნული ბიურო.ბოლო 3 კვარტლის მანძილზე ქვეყნის მშპ-ს ზრდა მცირდება - პირველ კვარტალში ამ მაჩვენებელმა შეადგინა 6,4%, მეორეში -6,2%, მესამეში - უკვე 6%. ბოლო ციფრი მოსალოდნელზე, ანუ 6,1%-ზე დაბალი აღმოჩნდა. ეს მაჩვენებელი  1992 წლიდან  ყველაზე დაბალია. 2019 წელს ჩინეთის ეკონომიკა ...

„სემეკის“ თავმჯდომარე დავით ნარმანია გახდა

„სემეკის“  თავმჯდომარე დავით ნარმანია გახდა
access_time2019-10-21 14:47:21
საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) კომისიის თავმჯდომარის არჩევნები გაიმართა. „ელექტროენერგეტიკისა და ბუნებრივი გაზის შესახებ“ საქართველოს კანონში შესული ცვლილებების მიხედვით, კომისიის წევრებმა ფარული კენჭისყრით, ხმა მისცეს კომისიის თავმჯდომარეობის კანდიდატს  დავით ნარმანიას.  ახალი რეგულაციით, კომისიის თავმჯდომარე ირჩევა 3 წლის ვადით, მაგრამ არაუმეტეს კომისიის წევრის უფლებამოსილების დარჩენილი ვადისა. კომისიაში...

ნატო ხაინდრავა - ბიძინა ივანიშვილმა ,,პროგრეს ბანკის“ წილი ბანკის გადასარჩენად იყიდა, ეს ქველმოქმედება იყო

ნატო ხაინდრავა -   ბიძინა ივანიშვილმა ,,პროგრეს ბანკის“ წილი ბანკის გადასარჩენად იყიდა, ეს ქველმოქმედება იყო
access_time2019-10-21 14:13:42
ბიძინა ივანიშვილმა 22%-იანი წილი დაახლოებით 2 მლნ დოლარად პროგრეს ბანკის გადასარჩენად იყიდა. მას პროგრეს ბანკში ანგარიშები არასოდეს ჰქონია,- ამის შესახებ ,, ქართუ ბანკის“ გენერალურმა დირექტორმა ნატო ხაინდრავამ ,, იმედის კვირასთან“ განაცხადა. ქართუ“ ბანკის გენერალური დირექტორი იმ მძიმე პერიოდს იხსენებს, როცა უპრეცედენტო საკანონმდებლო ცვლილებით კერძო ბანკებმა პირველადი იპოთეკარების სტატუსი დაკარგეს. ,,ახალი რეგულაცია რეალურად მხოლოდ ქართუს და პროგრეს ბანკს შეეხო....


მსგავსი სიახლეები

up