ირაკლი კოვზანაძე: ბურთი დღეს ეროვნული ბანკის მოედანზეა

ირაკლი კოვზანაძე: ბურთი დღეს ეროვნული ბანკის მოედანზეა

access_time2018-01-20 17:00:13

კომერციული ბანკებისგან ე.წ. საბანკო ჰოლდინგების გამიჯვნა საკანონმდებლო დონეზე მოხდა. საქართველოს ეროვნულ ბანკს მიეცა უფლებამოსილება და პასუხისმგებლობა დაეკისრება, ზედამხედველობა განახორციელოს არა მხოლოდ ცალკე აღებულ საბანკო დაწესებულებაზე, არამედ მთლიანად იმ "ჰოლდინგზე" თუ ფინანსურ ჯგუფზე, რომელთანაც დაკავშირებულია, აფილირებულია ესა თუ ის კომერციული ბანკი, - თემის დეტალებით "საქმიან დილასთან" პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძემ ისაუბრა

-ბატონო ირაკლი, ექვსთვიანი მუშაობის შემდეგ, პარლამენტის მიერ მიღებულ კანონზე რა ეფექტს ელოდება საფინანსო-საბიუჯეტო კომიტეტი? 

-ეს დიდი ხნის მუშაობის რეზულტატია, ჩვენ საქართველოს პრეზიდენტის ხელმოწერას ველოდებოდით. როგორც კი ხელი მოაწერა პრეზიდენტმა, მეორე დღესვე გავაკეთე განცხადება. აღნიშნული კანონი ექვსი თვე მუშავდებოდა ჩვენს კომიტეტში და მას წინ მთელი რიგი ღონისძიებები უძღოდა. ჩვენ პროცესის - საფინანსო სექტორზე ზედამხედველობის გაძლიერების - დასრულება გვინდოდა, რომელიც კარგა ხანია მიმდინარეობს, რადგან ბიზნესისა და მოსახლეობის მხრიდან არაპროფილური აქტივების ფლობასთან, გარკვეულ სესხებთან და ფინანსებზე წვდომასთან დაკავშირებით, ყოველთვის ისმოდა პრეტენზიები

-ბიზნესმენი ლაშა პაპაშვილის განმარტებით, ბანკები ისე გაიზარდნენ, რომ მთელ ბაზარს ითვისებენ და სხვა ბიზნესებს განვითარების საშუალებას არ აძლევენ...

-ბატონი ლაშა აღნიშნულ სფეროში გამოცდილი ადამიანი, ბიზნეს ასოციაციის ერთ-ერთი დამფუძნებელია და ვფიქრობ, რომ იგი თავის მოსაზრებებს ჩამოაყალიბებს და გავეცნობი რა სახის არის მისი წინადადება, მაგრამ ამ ეტაპზე აქ ამაზე არ იყო საუბარი და ვფიქრობ, რომ გარკვეული კვეთაც იქნება, თუმცა მე ჯერ გარკვეულწილად ჩამოყალიბებული მისი წინადადება არ მინახავს. აქ საუბარი იყო დაგროვილ პრობლემებზე, რომელიც ამ სექტორში არსებობს. 5-6 თვის მანძილზე აქტიურად ვიმუშავეთ და გვსურდა, ორი მიმართულება მოგვეცვა. ერთი - არაპროფილური აქტივების ფლობათა ზედამხედველობა და მეორე - საფინანსო სექტორის არასაბანკო ნაწილზე ზედამხედველობა. ასევე ზოგიერთი ბიზნესმენი აღნიშნავდა, რომ ბანკმა სესხი არ მისცა, მაგრამ მათი ბიზნესწინადადება მიითვისა და განავითარა. ჩვენ აღნიშნულ სამ მიმართულებაზე მთავრობასთან და ეროვნულ ბანკთან ერთად ვიმუშავეთ. მე აღვნიშნე კიდეც, რომ კანონპროექტის დასრულება სკურპულოზური მუშაობის შედეგი იყო

-აღნიშნულ სამ მიმართულებაზე ამ ეტაპზე ყველაფერი მოიცავით? 

-იდეალური არაფერი არ არის, თუმცა მინდა აღვნიშნო, რომ ამ მიმართულებით ეროვნულ ბანკს 2015 წელს, წინა ხელმძღვანელობის დროს გარკვეული განკარგულება ჰქონდა გამოცემული, რომელიც არაპროფილური აქტივების გამიჯვნას ითვალისწინებდა ბანკისგან. ეს მართლაც მოხდა, მაგრამ რეალურად ამ მიმართულებამ არ იმუშავა, რადგან თითქოს ბანკებისგან არაპროფილური აქტივები გაემიჯნა, მაგრამ ბანკებიც და არაპროფილური აქტივებიც ერთი ჰოლდინგის ქვეშ მოექცა. ჩვენმა კანონპროექტმა ეროვნულ ბანკს საშუალება მისცა, რომ ჰოლდინგში შემავალ ნებისმიერ სუბიექტზე ნებისმიერი ინფორმაცია მიიღოს და ზედამხედველობა განახორციელოს. ეს შესაძლოა სამედიცინო თუ სადაზღვევო ობიექტი იყოს, ასევე სასწავლებელი, სამშენებლო კომპანია და ა.შ. ეს ძალიან მნიშვნელოვანია და პარლამენტმა ამ მიმართულებით ნაბიჯი გადადგა. ამ თვალსაზრისით, ეროვნულ ბანკს ფუნქციები გაუუმჯობესდა და ზედამხედველობის ყველა ბერკეტი მიეცა. ამ მიმართულებით ჩემთან უამრავი წერილი შემოდიოდა. აღნიშნული მიმართულება მთავრობის ინიციატივა იყო, რომლითაც ეროვნული ბანკიც დაინტერესებული იყო და ჩვენ ერთად ვიმუშავეთ ამ პროექტზე. 

-როგორ ფიქრობთ, დღეს ეროვნულ ბანკს აღნიშნული კანონის სრული ლეგიტიმაციის შემდეგ, სრული "კარტ-ბლანში“ აქვს? 

-ბურთი დღეს ეროვნული ბანკის მოედანზეა. რაც პარლამენტის ძალასა და ფუნქციებში იყო, ჩვენ ყველაფერი გავაკეთეთ. სებმა პირველი კვარტლის განმავლობაში ყველანაირი პროცედურა უნდა გაიაროს, თავისი უფლებამოსილების ფარგლებში აქტივები ექნება გამოსაცემი და ვფიქრობ, ისინი ამას გააკეთებენ. 

-აღნიშნულ კანონთან დაკავშირებით, კომერციულ სექტორთან თუ გქონდათ კონსულტაციები? 

-რა თქმა უნდა, ეს სხვანაირად შეუძლებელი იქნებოდა. აქ საბანკო ასოციაციასთან ერთად, ყველა იყო ჩართული, ვინც ამ სექტორთან შეხებაშია. მეორე მიმართულება, რაზეც ზედამხედველობის გაძლიერება დავავალეთ ეროვნულ ბანკს და პასუხისმგებლობა მან აიღო, ეს არის მიკროსაფინანსო სექტორი და საფინანსო სექტორის არასაბანკო ნაწილი, ანუ ყველა ის სუბიექტი, რომელიც მოსახლეობისგან ფულადი რესურსების მოზიდვას იყენებს. მიკროსაფინანსო ორგანიზაციებთან დაკავშირებით სებს მანამდეც ჰქონდა ინფორმაცია, ახლა მას უკვე ვალდებულება აქვს მიკროსაფინანსოებს თითქმის იგივე ტიპის ზედამხედველობა გაუწიოს, როგორც კომერციულ ბანკებს. ჩვენ გარკვეული ინფორმაციები გვქონდა, რომ პრობლემები მიკროსაფინანსო ორგანიზაციებშიც არის. ამ თვალსაზრისით მიკროსაფინანსოებზე ზედამხედველობა მკაცრდება. მეორე სექტორი, რომელზეც ზედამხედველობა დაეკისრა ეროვნულ ბანკს და მანამდე არასდროს განუხორციელებია, არის მაგალითად, საფინანსო კომპანია ’’საქართველო“, სადაც ეს პრობლემა დადგა ამ მოქალაქეებს მოვლა ჭირდება. თუ დავაკვირდებით, ეროვნული ბანკი განცხადებებს სისტემატურად აკეთებს, საქართველოს მოსახლეობას მოუწოდებს, რომ ამ ტიპის ორგანიზაციებთან ურთიერთობას გაუფრთხილდნენ. სებს აქამდე ბერკეტი არ ქონდა. ეროვნულ ბანკს უკვე შეუძლია ასეთი ტიპის ორგანიზაციებს პასუხი მოთხოვოს, ზედამხედველობა განახორციელოს, ფუნქციები შეუზღუდოს და ა.შ 

-სებმა სავალუტო ჯიხურების მუშაობის შესწავლა გააძლიერა, ეს აღნიშნული კანონის ნაწილია? 

-სავალუტო ჯიხურებზე ასეთი ტიპის ზედამხედველობა არ ხორციელდება, თუმცა აქ ეროვნულ ბანკს აქამდე ფულის გათეთრებასთან დაკავშირებული საკითხები ჰქონდა, ახლა კი დახურვასთან, ინფორმაციის გამოთხოვასთან დაკავშირებული და სხვადასხვა ტიპის ზედამხედველობის თემებია, მას აქაც გაუფართოვდა წრე.


"ბიზნესპრესნიუსი"




„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს

„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს
access_time2020-08-12 17:20:01
„ნიკორა ჯგუფი“ ზარალზეა - კომპანიამ, რომლის ბრუნვა წინა წლებში ნახევარ მილიარდს აღემატებოდა, 2019 წელს მოგებაზე გასვლა ვერ შეძლო და წელი 8.2 მლნ ლარის ზარალით დაასრულა. აღსანიშნავია, რომ თიბისი კაპიტალის დახმარებით სს ნიკორამ საჯარო ემისიის სახით 2019 წელს 28 მილიონი ლარის ოდენობის ობლიგაციები განათავსა. ფასიანი ქაღალდები საქართველოს საფონდო ბირჟაზე დაილისტა. როგორც ლარის სხვა საჯარო ობლიგაციები, სს ნიკორას ეს ობლიგაციებიც საქართველოს ეროვნულ ბანკშია დაგირავებადი, რაც ინვესტორ კომერციული...

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს
access_time2020-08-12 14:20:03
დამოუკიდებელი სასამართლო ექსპერტიზის ახალი დასკვნა, რომელიც „ლიდერფუდის“ საქმეში გამოჩნდა, კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელი, სასამართლომაც სათანადო დასკვნები არ გააკეთოს, იმის თაობაზე, თუ ვინ ვის რა შინაარსის წერილი ჩააბარა 2019 წლის 22 მაისს. ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი...

რამ გადააწყვეტინა თამაზ გაიაშვილს პოლიტიკაში წასვლა

რამ გადააწყვეტინა თამაზ გაიაშვილს პოლიტიკაში წასვლა
access_time2020-08-12 18:10:42
„თუ იძულებულს არ ხდიან, პოლიტიკაში მოსვლის სურვილი არცერთ ბიზნესმენს აქვს“ — ამის შესახებ, ბიზნესმენი, „აირზენა - ჯორჯიან ეარვეისის“ დამფუძნებელი - თამაზ გაიაშვილი 2015 წელს „პალიტრა TV-ს“ გადაცემაში ბიზნეს PRESS-ი მიცემული ინტერვიუში აცხადებდა. დღეს პოლიტიკური გაერთიანება ლელოს გუნდს თამაზ გაიაშვილი შეუერთდა, რომელმაც პოლიტიკაში მოსვლა გადაწყვიტა. ბრიფინგზე ის „ლელოს თავმჯდომარემ, მამუკა ხაზარაძემ წარადგინა. მამუკა...

თურქეთის გაზის ბაზარზე აზერბაიჯანი რუსეთს ანაცვლებს

თურქეთის გაზის ბაზარზე აზერბაიჯანი რუსეთს ანაცვლებს
access_time2020-08-12 19:00:37
თურქეთის აზერბაიჯანული გაზის შესყიდვების გაზრდას გეგმას - ამის შესახებ ანკარაში თურქეთის საგარეო საქმეთა მინისტრმა მევლუთ ჩავუშოგლუმ თავის აზერბაიჯანელ კოლეგასთან ჯეიხუნ ბაირამოვთან ერთად ჩატარებულ ერთობლივ პრეს-კონფერენციაზე განაცხადა. მისი თქმით, აზერბაიჯანი თურქეთში გაზის მიწოდების მხრივ პირველ ადგილზე გავიდა. ანკარა შესყიდვების შემდგომაც გეგმავს ზრდას. „ერთ-ერთი ჩვენი პრიორიტეტია - გაზსადენი ნახიჩევანიდან, რომელიც ჩვენი ქვეყნისთვის სტრატეგიულად...

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს"

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს
access_time2020-08-12 12:00:17
საქართველოს ბიზნეს ასოციაცია საქართველოს პარლამენტში შრომის კოდექსის საკანონმდებლო პაკეტთან დაკავშირებით მიმდინარე განხილვას კიდევ ერთხელ ეხმიანება, კერძოდ, ასოციაციაში აცხადებენ, რომ: „საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შრომის კოდექსთან დაკავშირებული საკანონმდებლო პაკეტის მეორე მოსმენით მხარდაჭერა სულ მცირე ალოგიკურად გამოიყურება იმ ფონზე, როცა კონონპოექტის ინიციატორმა არ გაიზიარა არც თავად წამყვანი კომიტეტის მიერ პირველი მოსმენის დროს...


მსგავსი სიახლეები

up